ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵉ ⵢⴻⵙⵙⴰⵡⴻⵍ ⴷ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ ⵜⵉⵙ 18 ⵏ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵍⴻⴱⵏⵉ, ⵏ ⵢⵉⴼⴰⵔⵉⵙⴻⵏ ⵏ ⵜⵎⴻⵚⴽⵉⵡⵜ ⴷ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ « ⴱⴰⵜⵉⵎⴰⵜⴻⵛ 2015 », ⵎⴰⵙⵙ ⵜⴻⴱⴱⵧⵓⵏⴻ ⵢⴻⵏⵏⴰ-ⴷ ⴷⴰⴽⴽⴻⵏ ⴼⵓⴽⴻⵏⵜ ⵍⴻⵎⵛⴰⵡⵕⴰⵜ ⴷ ⵜⴽⴻⴱⴱⴰⵏⵉⵢⵉⵏ ⵏ ⵍⴻⴱⵏⵉ ⵉ ⴱⴻⴷⴷⵓ ⵏ ⴱⴻⵏⵏⵓ ⵏ 32.000 ⵏ ⵜⵏⴻⵣⴷⵓⵖⵉⵏ ⵏ ⴰⴰⴷⵍ, ⵢⴻⵔⵏⴰ ⵍⴻⵄⵇⵓⴷⴰⵜ ⵉ ⵍⵎⴻⵏⴷ ⵏ ⵡⴰⵢⴰ ⴰⴷ ⵜⵜⵓⵏⴻⴼⴽⴻⵏ ⵉ ⵓⵏⴰⴱⴰⴹ ⵙⴻⴳ-ⴰ ⵖⴻⴼ ⴷⴷⵓⵕⵜ ⴰⴽⴽⴻⵏ ⴰⴷ ⵜⵜⵡⴰⵇⴻⴱⵍⴻⵏ. « ⴰⵙⴻⵏⴼⴰⵔ ⵍⴰ ⵢⴻⵜⵜⴻⴷⴷⵓ ⴰⴽⴽⴻⵏ ⵉⵡⴰⵜⴰ. ⵢⴻⵍⵍⴰ-ⴷ ⵡⴰⵏⴷⴰ ⴰⵢ ⵅⵓⵚⵚⴻⵏⵜ ⴽⵔⴰ ⵏ ⵜⵖⴰⵡⵙⵉⵡⵉⵏ, ⵎⴰⵛⴰ ⵏⴻⵙⵙⴰⵡⴻⴹ ⴰⴷ ⴷ-ⵏⴻⵇⴹⴻⵄ ⴰⵢⴻⵏ ⵉⴼⴰⵜⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ. ⴰⵀⵉⵍ ⵏ ⴰⴰⴷⵍ ⴰⴷ ⵢⴻⴱⴷⵓ ⴰⴷ ⴷ-ⵢⴻⵜⵜⴱⴰⵏ ⵓⵅⴻⴷⴷⵉⵎ-ⵏⵏⴻⵙ ⵓⵇⴱⴻⵍ ⵜⴳⴰⵔⴰ ⵏ 2015. ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ ⴰⴰⴷⵍ ⴷⴻⴳ 2001 ⴷ 2002 ⴰⴷ ⴰⵙⴻⵏ-ⵜⵜⵓⵏⴻⴼⴽⴻⵏ ⵢⵉⵖⵜⴰⵙⴻⵏ ⵏ ⵜⵓⴽⵛⵉ ⵏ ⵜⵏⴻⵣⴷⵓⵖⵜ, ⵓⵍⴰ ⴷ ⵡⵉⴷ ⴰⵢ ⵡⴻⵀⵀⴰⵏ ⵖⴻⵔ ⵡⴰⵀⵉⵍ ⴰⵙⵎⴰⵍⴰⵏ ⴰⵏⴰⴳⴷⵓⴷ (ⵍⵒⵒ). ⵜⵓⴽⵛⵉ ⵏ ⵜⵙⵓⵔⴰ ⵉ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⴰⴷ ⴷ-ⵜⵉⵍⵉ ⵙⴻⴳ ⵜⴻⵣⵡⴰⵔⴰ ⵏ 2016 ⴷ ⴰⵙⴰⵡⴻⵏ, ⵎⵉ ⴰⵔⴰ ⴼⴰⴽⴻⵏ ⵢⵉⵅⴻⴷⴷⵉⵎⴻⵏ ⵏ ⵓⵙⵙⴻⵇⵄⴻⴷ ⵏ ⴱⴻⵕⵕⴰ ⴷ ⵓⵙⵙⴻⵔⵙⵉ ⵏ ⵜⵜⴰⵡⵉⵍⴰⵜ ⴰⵢ ⵢⴻⵇⵇⵏⴻⵏ ⵖⴻⵔ ⵡⴰⵢⴰ. ⵜⵉⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⵜⵉⵏⴰⴳⴷⵓⴷⵉⵏ (ⵍⵒⵒ) ⴰⴷ ⵙⵄⵓⵏⵜ ⴰⴽⴽ ⵜⵜⴰⵡⵉⵍⴰⵜ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⵜⵉⵏⴰⴳⴷⵓⴷⵉⵏ, ⵎⴰⵙⵙ ⵜⴻⴱⴱⵧⵓⵏⴻ ⵢⴻⵏⵏⴰ-ⴷ ⴷⴰⴽⴽⴻⵏ ⵍⴻⴱⵏⵉ-ⵏⵙⴻⵏⵜ ⵍⴰ ⵢⴻⵜⵜⵖⴰⵡⴰⵍ ⵅⵉⵔ ⵏ ⵓⵇⴱⴻⵍ, ⵢⴻⵔⵏⴰ ⴽⵔⴰ ⵙⴻⴳ ⵢⵉⵙⴻⵏⴼⴰⵔⴻⵏ-ⴰ ⵏ ⵍⴻⴱⵏⵉ ⴰⴷ ⴼⴰⴽⴻⵏ ⵙⴻⴳ-ⴰ ⵖⴻⴼ ⴽⵔⴰ ⵏ ⵡⴰⵢⵢⵓⵔⴻⵏ ⴷⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ, ⴰⵎ ⵜⵡⵉⵍⴰⵢⵜ ⵏ ⵜⵉⵒⴰⵣⴰ. ⴷⴻⴳ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ, 13.000 ⵏ ⵜⵏⴻⵣⴷⵓⵒⵖⵉⵏ ⴰⵢ ⵢⴻⴱⴷⴰⵏ ⵙ ⵍⴻⴱⵏⵉ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵍⵍⴰⵏ 20.000 ⵏ ⵢⵉⵎⵙⵓⵜⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵍⵍⴰⵏⵜ ⵜⵉⵎⵓⴷⵔⵓⵜⵉⵏ (ⵍⴱⴰⵔⵟⵎⴰⵜ) ⵏ ⵜⵎⵓⴷⴻⵎⵜ ⵢⴻⵍⵍⴰⵏ ⴷⴻⴳ ⵙⵉⴷⵉ ⵄⴻⴱⴷⴻⵍⵍⴰⵀ (ⴰⵏⴷⴰ ⴰⵢ ⵢⴻⴷⴷⴰ ⵎⵍⵉⵃ ⵓⵅⴻⴷⴷⵉⵎ ⵏ ⵍⴻⴱⵏⵉ) ⴰⴷ ⴷ-ⵡⴻⵊⴷⴻⵏⵜ ⵙⴻⴳ-ⴰ ⵖⴻⴼ ⵙⵉⵏ ⵏ ⵡⴰⵢⵢⵓⵔⴻⵏ.