ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ-ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ: ⵢⴻⵍⵍⴰ-ⴷ ⵡⴰⵡⴰⵍ ⵖⴻⴼ ⵓⵎⵄⴰⵡⴻⵏ ⴷⴻⴳ ⵜⴻⴷⵔⵉⵎⵜ ⴳⴰⵔ ⵎⴰⵙⵙ ⴷⵊⴻⵍⵍⴰⴱ ⴷ ⵍⵧⵔⴷ ⵔⵉⵙⴱⵢ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵎⵄⴰⵡⴻⵏ ⴰⴷⴰⵎⵙⴰⵏ ⴷ ⵓⴷⵔⵉⵎⴰⵏ ⵢⴻⵍⵍⴰ-ⴷ ⴷ ⵜⴰⵎⵙⴰⵍⵜ ⵜⴰⵎⴻⵇⵔⴰⵏⵜ ⵖⴻⴼ ⵙⵇⴻⵔⴷⵛⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴳⴰⵔ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ ⵎⵧⵀⴰⵎⴻⴷ ⴷⵊⴻⵍⵍⴰⴱ, ⴷ ⵓⵎⴰⵣⵓⵏ ⵓⵣⵣⵉⴳ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⵔⵉⵟⴰⵏⵉ ⵉ ⵓⵙⵎⴰⵍ ⵏ ⵜⵉⵛⵛⵓⵔⴽⴰ ⵜⴰⴷⴰⵎⵙⴰⵏⵜ ⴳⴰⵔ ⵍⴻⵣⵣⴰⵢⴻⵔ ⴷ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ, ⵍⵧⵔⴷ ⵔⵉⵛⵀⴰⵔⴷ ⵔⵉⵙⴱⵢ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵍⵖⵓ ⵏ ⵓⵖⵍⵉⴼ.
ⴷⴻⴳ ⵓⵙⵇⴻⵔⴷⴻⵛ-ⴰⴳⵉ, ⵙⵉⵏ-ⵏⵏⵉ ⵏ ⵢⵉⴷⵉⵙⴰⵏ ⵙⵙⵓⴽⴽⴻⵏ-ⴷ ⵜⵉⵟ ⵖⴻⴼ ⵜⴻⵎⵙⴰⵍ ⵢⴻⵎⴳⴰⵔⴰⴷⴻⵏ « ⵏ ⵏⵏⴼⴻⵄ ⵓⵛⵔⵉⴽ », ⵍⴰⴷⵖⴰ ⴰⵎⵄⴰⵡⴻⵏ ⴰⴷⴰⵎⵙⴰⵏ ⴷ ⵓⴷⵔⵉⵎⴰⵏ ⵓⵛⵔⵉⴽ, ⴷ ⵢⵉⴱⴻⵔⴷⴰⵏ ⴷ ⵜⵜⴰⵡⵉⵍⴰⵜ ⵉ ⵓⵙⵏⴻⵔⵏⵉ ⵏ ⵓⵎⵄⴰⵡⴻⵏ, ⵖⴻⴼ ⵡⴰⴽⴽⴻⵏ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⵜⵉⴱⴰⵏⴽⵉⵡⵉⵏ ⴷ ⵓⵙⵏⴻⵔⵏⵉ ⵏ ⵙⵙⵓⵇ ⵏ ⵜⴻⴷⵔⵉⵎⵜ ⴷ ⵢⵉⵡⴻⵜ ⵙⴻⴳ ⵜⴻⵎⵙⴰⵍ ⵖⴻⴼ ⴷ-ⵙⵙⴰⵡⵍⴻⵏ.
ⵎⴰⵙⵙ ⴷⵊⴻⵍⵍⴰⴱ ⴷ ⵍⵧⵔⴷ ⵔⵉⵙⴱⵢ ⵎⵙⴻⴼⵀⴰⵎⴻⵏ ⴷⴰⵖ « ⴰⴷ ⴽⴻⵎⵎⵍⴻⵏ ⴰⴷ ⵅⴻⴷⴷⵎⴻⵏ ⴰⴽⴽⴻⵏ ⵉ ⵍⵎⴻⵏⴷ ⵏ ⵓⵙⴻⵍⵇⴰⵢ ⴷ ⵓⵙⴻⴵⵀⴻⴷ ⵏ ⵓⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.
ⵎⵉ ⵉⴼⵓⴽ ⵓⵙⵇⴻⵔⴷⴻⵛ ⴳⴰⵔ-ⴰⵙⴻⵏ, ⵍⵧⵔⴷ ⵔⵉⵙⴱⵢ ⵢⴻⵙⵜⴻⵕⵃⴻⴱ ⵙ ⵓⵙⵜⴻⵏⵢⵉ (ⵙⴻⴳ ⵢⵉⴷⵉⵙ ⴰⵣⵣⴰⵢⵔⵉ) ⵏ ⵓⵎⵜⴰⵡⴰ ⴰⴽⴽⴻⵏ ⵓⵔ ⵜⴻⵜⵜⵡⴰⵅⴻⵍⵍⴰⵚ ⴰⵔⴰ ⵍⴻⵖⵔⴰⵎⴰ ⵙⵏⴰⵜ ⵏ ⵜⵉⴽⴽⴰⵍ ⵖⴻⴼ ⵙⵙⴻⵍⵄⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
