Asebter amenzawi

Lzzayer-Briṭanya Tameqrant: yella-d wawal ɣef umɛawen deg tedrimt gar Mass Djellab d Lord Risby

LZZAYER TAMANEƔT – Amɛawen adamsan d udriman yella-d d tamsalt tameqrant ayɣef sqerdcen ass n laṛebɛa deg Ldzayer Tamaneɣt gar uneɣlaf n tedrimt Mohamed Djellab, d umazun uzzig n Uneɣlaf amenzu abriṭani i usmal n ticcurka tadamsan gar Ldzayer d Briṭanya Tameqrant, Lord Richard Risby, ɣef wakken ay d-yenna ulɣu n uɣlif.

Deg usqerdec-a, sin-nni n yidisan ssukken-d tiṭ ɣef temsal yemgerraden « n nnfeɛ ucrik », ladɣa amɛawen adamsan d udriman ucrik, d yiberdan d ttawilat i usnerni n umɛawen, ɣef wakken ay d-tenna teɣbalut-a.

Tibankiwin d usnerni n ssuq n tedrimt d yiwet seg temsal ayɣef ay d-ssawlen.

Mass Djellab d Lord Risby msefhamen daɣ « ad kemmlen ad xeddmen akken i lmend n ussalqey d ussejhed n umɛawen gar snat-a n tmura », ɣef wakken ay d-yenna ulɣu-nni.

Mi ifuk usqerdec gar-asen, Lord Risby yesteṛḥeb s ustenyi (seg yidis adzayri) n umtawa akken ur tettwaxellaṣ ara leɣrama snat n tikkal ɣef sselɛa gar snat-a n tmura, ɣef wakken ay d-tenna teɣbalut-a.