ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵏⵉ ⵢⴻⴱⵖⴰ ⴰⴷ ⵉⵇⴻⵢⵢⴻⵎ ⵓⴳⴰⵔ ⴰⵢⴻⵏ ⵍⴰ ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵜⵎⵓⵔⵜ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵙⴻⵇⵇⴰⵎⵓⵜ ⵏ ⵜⴻⴷⵔⵉⵎⵜ ⴷ ⵓⵎⴰⵔⵓⴷ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵍⴰ ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⴷ-ⵜⴻⴱⵏⵓ ⵢⵉⵡⴻⵏ ⵏ ⵓⵙⴰⴷⵓⵔ ⵏ ⵢⵉⵙⴻⴼⴽⴰ ⴰⵔⴰ ⵜⵜ-ⵢⴻⵊⵊⴻⵏ ⴰⴷ ⴷ-ⵜⴻⵙⵙⵓⴽⴽ ⵜⵉⵟ ⴰⴽⴽⴻⵏ ⵉⵡⴰⵜⴰ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵍⴻⵇⵡⴰⵏⵉⵏ ⵏ ⵜⴻⴷⵔⵉⵎⵜ ⴰⵔⴰ ⵢⴻⵜⵜⵓⵏⴻⴼⴽⴻⵏ ⵉ ⵓⵏⴰⴱⴰⴹ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵏ ⵓⵙⴻⵍⵡⴰⵢ-ⵏⵏⴻⵙ, ⵎⴰⵙⵙ ⴱⴻⵔⵔⴰⴱⴰⵀ ⵣⴻⴱⴱⴰⵔ.

« ⵉⵙⵡⵉ ⵏ ⵜⵙⴻⵇⵇⴰⵎⵓⵜ-ⴰ ⵏⴻⵜⵜⴰ ⴷ ⴰⵙⵙⴻⴱⴷⴻⴷ ⵏ ⵓⵙⴰⴷⵓⵔ ⵏ ⵢⵉⵙⴻⴼⴽⴰ ⵉⴷⴰⵎⵙⴰⵏⴻⵏⴻⵏ ⴷ ⵢⵉⴷⵔⵉⵎⴰⵏⴻⵏ ⴰⵔⴰ ⵜⵜ-ⵢⴻⵊⵊⴻⵏ ⴰⴷ ⴷ-ⵜⴻⵙⵙⵓⴽⴽ ⵜⴰⵎⵓⵖⵍⵉ ⵅⵉⵔ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ ⴰⵢ ⵢⴻⵇⵇⵏⴻⵏ ⵖⴻⵔ ⵜⴻⴷⵔⵉⵎⵜ ⴷ ⵓⵎⴰⵔⵓⴷ ⴰⵔⴰ ⵢⴻⵜⵜⵓⵏⴻⴼⴽⴻⵏ ⵉ ⵓⵏⴰⴱⴰⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⴻⴱⴱⴰⵔ ⴷⴻⴳ ⵢⵉⵡⴻⵜ ⵏ ⵓⵎⵢⴰⴳⴻⵔ ⴷ ⵜⵖⴻⵎⵙⴰ ⴰⵢ ⵉⴳⴰ ⴷⴻⴳ ⵢⵉⵊⵉⴼⴻⵕ ⵏ ⵜⴻⵎⵍⵉⵍⵉⵜ ⵏ ⵜⵎⴻⵙⵍⵉⵡⵜ ⵏ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵜⴰⵎⵙⴰⴷⵓⵔⵜ ⵏ ⵜⴱⴰⵏⴽⵉⵡⵉⵏ ⴷ ⵢⵉⵖⵙⵓⵔⴻⵏ ⵉⴷⵔⵉⵎⴰⵏⴻⵏ (ⴰⴱⴻⴼ), ⵎⴰⵙⵙ ⴱⵧⵓⴰⵍⴻⵎ ⴷⵊⴻⴱⴱⴰⵔ, ⴷ ⵜⵉⵏ ⴰⵢ ⵉⴳⴰ ⴷ ⵜⵙⴻⵇⵇⴰⵎⵓⵜ ⵏ ⵜⴻⴷⵔⵉⵎⵜ ⴷ ⵓⵎⴰⵔⵉⴷ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.

ⵜⴰⵙⴻⵇⵇⴰⵎⵓⵜ-ⴰ ⵜⴻⴱⴷⴰ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⵜⵉⵎⵍⵉⵍⵉⵢⵉⵏ ⵏ ⵜⵎⴻⵙⵍⵉⵡⵜ ⵏ ⵢⵉⵎⴹⴻⴱⴱⵔⴻⵏ ⵏ ⵜⵙⵓⴷⴰ ⴷ ⵡⵓⴷⵓⵙⴻⵏ ⵉ ⵍⵎⴻⵏⴷ ⵏ ⵓⵊⵎⴰⵄ ⵏ ⵢⵉⵙⴻⴼⴽⴰ ⴰⵢ ⵉⵡⴰⵜⴰⵏ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵍⴻⵇⵡⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵣⴻⴱⴱⴰⵔ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⴰⵙⴻⵇⵇⴰⵎⵓⵜ-ⴰ ⵜⴻⴱⴷⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⵜⵓⵣⵣⵢⴰ-ⴰ ⵏ ⵜⴻⵎⵍⵉⵍⵉⵢⵉⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⴷⴰⵎⵙⴰ, ⵢⴻⵔⵏⴰ ⵉⵎⴹⴻⴱⴱⴻⵔ ⴰⵎⴻⵣⵡⴰⵔⵓ ⴰⵢ ⵎⵎⵓⴳⵔⴻⵏ ⴷ ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵏ ⵜⴱⴰⵏⴽⵉⵡⵉⵏ ⴷ ⵢⵉⵖⵙⵓⵔⴻⵏ ⵉⴷⵔⵉⵎⴰⵏⴻⵏ ⴰⴽⴽⴻⵏ ⴰⴷ ⴷ-ⵢⴻⵙⵙⵉⵡⴻⵍ ⵖⴻⴼ ⵜⴻⴳⵏⵉⵜ ⵡⵓⵖⵓⵔ ⵜⴻⵡⵡⴻⴹ ⵜⵙⴻⵎⵎⴻⵙⴽⴻⵍⵜ ⵏ ⵜⴱⴰⵏⴽⵉⵡⵉⵏ ⴰⵢ ⴷ-ⴱⴷⴰⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ.

ⵜⴰⵙⴻⵇⵇⴰⵎⵓⵜ ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴽⴻⵎⵎⴻⵍ ⵜⵉⵎⵍⵉⵍⵉⵢⵉⵏ-ⵏⵏⴻⵙ ⵏ ⵜⵎⴻⵙⵍⵉⵡⵜ ⴰⵙⵙ ⵏ ⵍⵃⴻⴷⴷ ⵙ ⵓⵎⵎⴰⴳⴻⵔ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⴰⴷⴷⴰⴷⴰⵏⵉⵏ ⵡⵓⴽⵓⴷ ⴰⵢ ⵜⴻⴱⵖⴰ ⴰⴷ ⵜⴻⴳ ⴰⵙⴽⴰⵙⵉ ⵖⴻⴼ ⵜⴰⴷⴷⴰⴷⴰⵏⵉⵏ ⵏ ⵙⵙⵓⵇ ⵏ ⵓⵅⴻⴷⴷⵉⵎ ⴰⵢ ⴷ-ⵜⵀⴻⵢⵢⴰ ⵜⵏⴰⵔⵉⵜ-ⴰ.

« ⵏⴻⴱⵖⴰ ⴰⴷ ⵏⴻⵙⵙⵉⵡⴻⴹ ⵖⴻⵔ ⵓⵇⴻⵢⵢⴻⵎ ⵢⴻⵍⵀⴰⵏ ⵓⴳⴰⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵙⴻⵔⵜⵉⵢⵉⵏ ⵜⵉⵏⴰⴳⴷⵓⴷⵉⵏ, ⵍⴰⴷⵖⴰ ⵜⵉⴷ ⵏ ⵓⵅⴻⴷⴷⵉⵎ, ⵏ ⵜⴷⴰⵡⵙⴰ, ⵏ ⵓⵙⵙⴻⴼⵜⵉ, ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ ⴷ ⵜⴼⴻⵍⵍⴰⵃⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵣⴻⴱⴱⴰⵔ ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵓⵔ ⴷ-ⵜⵜⴽⴰⴼⵉⵏ ⴰⵔⴰ 75 ⵏ ⵡⵓⵙⵙⴰⵏ ⴰⴽⴽⴻⵏ ⵜⵉⵅⵅⴰⵎⵉⵏ ⵏ ⵓⵎⵏⵉ ⴷⴻⴳ ⵙⵏⴰⵜ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ ⵏ ⵜⴻⴷⵔⵉⵎⵜ ⵉ ⵍⵎⴻⵏⴷ ⵏ ⵓⵙⵙⴰⵍⵇⴻⵢ ⵏ ⵜⵎⵓⵖⵍⵉ ⴷⴻⴳ ⵍⵇⴰⵏⵓⵏ-ⴰ ⴰⵢ ⵢⴻⵙⵄⴰⵏ ⴰⵣⴰⵍ.

ⴰⵎⵏⵉ ⵢⴻⵜⵜⴰⴷⴷⴰⵎ ⵍⵇⴰⵏⵓⵏ ⵏ ⵜⴻⴷⵔⵉⵎⵜ ⴷⴻⴳ 75 ⵏ ⵡⵓⵙⵙⴰⵏ, ⵎⴰ ⴰⵟⴰⵙ, ⵙⴻⴳ ⵡⴰⵙⵙ ⴰⵢⴷⴻⴳ ⴰⵔⴰ ⴰⵙ-ⴷ-ⵢⴻⵜⵜⵓⵏⴻⴼⴽ ⵍⵇⴰⵏⵓⵏ-ⴰ, ⵖⴻⴼ ⵍⴻⵃⵙⴰⴱ ⵏ ⵓⵎⴰⴳⵔⴰⴷ ⵡⵉⵙ 120 ⵏ ⵜⵎⴻⵏⴹⴰⵡⵜ. ⵎⴰ ⴷ ⴰⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵢⴻⵙⵙⴻⴼⴽ ⴰⴷ ⵢⴻⴼⵔⴻⵏ ⴰⵙⴻⵏⴼⴰⵔ-ⴰ, ⵎⴰ ⴰⵟⴰⵙ, 47 ⵏ ⵡⵓⵙⵙⴰⵏ ⵙⴻⴳ ⵡⴰⵙⵎⵉ ⴰⵔⴰ ⴰⵙ-ⴷ-ⵢⴻⵜⵜⵓⵏⴻⴼⴽ.