Asebter amenzawi

Tiz wezzu : 450 imelyunen n yidinaren akken ad ṣegmen iberdan n tɣiwanin

TIZI WEZZU – Tettunefk tnattalt 450 imulyunen n yidinaren i twilayt n Tizi wezzu akken ad ṣegmen iberdan n tɣiwanin, i d-yenna, umaray amatu n uɣlif agensu d tenbaziyin tidiganin.

Ahmed Adli, i yesselwin tasqamut tagraɣlift mm uswir unnig, akken ad walin liḥala n tneflit deg twilayt, yenna-d daɣen tanattalt-a ‘’teḍfer iwellihen i d-yefka uneɣlaf n Uwanek, aneɣlaf n Ugensu d Tenbaziyin Tidiganin deg tirzi-s ɣer Tizi Wezzu, ass n 13 Yebrir yezrin.

Tanattalt-a, i yerna yenna-d, d ‘’tiririt ɣef wayen iceɣben iselwayen n tɣiwanin n twilayt’’. Ad tili daɣen terza aṣeggem n uẓeṭṭa n yiberdan n tɣiwanin. Akka, ad tezmer twilayt ‘’ad tesseddu akken yessefk ahil-is n tuksa n uɛzal’’.