ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵣ ⵡⴻⵣⵣⵓ : 450 ⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵔⴻⵏ ⴰⴽⴽⴻⵏ ⴰⴷ ⵚⴻⴳⵎⴻⵏ ⵉⴱⴻⵔⴷⴰⵏ ⵏ ⵜⵖⵉⵡⴰⵏⵉⵏ

ⵜⵉⵣⵉ ⵡⴻⵣⵣⵓ – ⵜⴻⵜⵜⵓⵏⴻⴼⴽ ⵜⵏⴰⵜⵜⴰⵍⵜ 450 ⵉⵎⵓⵍⵢⵓⵏⴻⵏ ⵏ ⵢⵉⴷⵉⵏⴰⵔⴻⵏ ⵉ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⴰⴽⴽⴻⵏ ⴰⴷ ⵚⴻⴳⵎⴻⵏ ⵉⴱⴻⵔⴷⴰⵏ ⵏ ⵜⵖⵉⵡⴰⵏⵉⵏ, ⵉ ⴷ-ⵢⴻⵏⵏⴰ, ⵓⵎⴰⵔⴰⵢ ⴰⵎⴰⵜⵓ ⵏ ⵓⵖⵍⵉⴼ ⴰⴳⴻⵏⵙⵓ ⴷ ⵜⴻⵏⴱⴰⵣⵉⵢⵉⵏ ⵜⵉⴷⵉⴳⴰⵏⵉⵏ.

ⴰⵀⵎⴻⴷ ⴰⴷⵍⵉ, ⵉ ⵢⴻⵙⵙⴻⵍⵡⵉⵏ ⵜⴰⵙⵇⴰⵎⵓⵜ ⵜⴰⴳⵔⴰⵖⵍⵉⴼⵜ ⵎⵎ ⵓⵙⵡⵉⵔ ⵓⵏⵏⵉⴳ, ⴰⴽⴽⴻⵏ ⴰⴷ ⵡⴰⵍⵉⵏ ⵍⵉⵃⴰⵍⴰ ⵏ ⵜⵏⴻⴼⵍⵉⵜ ⴷⴻⴳ ⵜⵡⵉⵍⴰⵢⵜ, ⵢⴻⵏⵏⴰ-ⴷ ⴷⴰⵖⴻⵏ ⵜⴰⵏⴰⵜⵜⴰⵍⵜ-ⴰ ‘’ⵜⴻⴹⴼⴻⵔ ⵉⵡⴻⵍⵍⵉⵀⴻⵏ ⵉ ⴷ-ⵢⴻⴼⴽⴰ ⵓⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵓⴳⴻⵏⵙⵓ ⴷ ⵜⴻⵏⴱⴰⵣⵉⵢⵉⵏ ⵜⵉⴷⵉⴳⴰⵏⵉⵏ ⴷⴻⴳ ⵜⵉⵔⵣⵉ-ⵙ ⵖⴻⵔ ⵜⵉⵣⵉ ⵡⴻⵣⵣⵓ, ⴰⵙⵙ ⵏ 13 ⵢⴻⴱⵔⵉⵔ ⵢⴻⵣⵔⵉⵏ.

ⵜⴰⵏⴰⵜⵜⴰⵍⵜ-ⴰ, ⵉ ⵢⴻⵔⵏⴰ ⵢⴻⵏⵏⴰ-ⴷ, ⴷ ‘’ⵜⵉⵔⵉⵔⵉⵜ ⵖⴻⴼ ⵡⴰⵢⴻⵏ ⵉⵛⴻⵖⴱⴻⵏ ⵉⵙⴻⵍⵡⴰⵢⴻⵏ ⵏ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ’’. ⴰⴷ ⵜⵉⵍⵉ ⴷⴰⵖⴻⵏ ⵜⴻⵔⵣⴰ ⴰⵚⴻⴳⴳⴻⵎ ⵏ ⵓⵥⴻⵟⵟⴰ ⵏ ⵢⵉⴱⴻⵔⴷⴰⵏ ⵏ ⵜⵖⵉⵡⴰⵏⵉⵏ. ⴰⴽⴽⴰ, ⴰⴷ ⵜⴻⵣⵎⴻⵔ ⵜⵡⵉⵍⴰⵢⵜ ‘’ⴰⴷ ⵜⴻⵙⵙⴻⴷⴷⵓ ⴰⴽⴽⴻⵏ ⵢⴻⵙⵙⴻⴼⴽ ⴰⵀⵉⵍ-ⵉⵙ ⵏ ⵜⵓⴽⵙⴰ ⵏ ⵓⵄⵣⴰⵍ’’.