Asebter amenzawi

Asmel n Tmaziɣt n APS, d aɛiwen ameqran i tneflit n tutlayt

TABATENT – Imekkiyen deg wass n tezrewt ɣef tutlayt tamaziɣt deg wahilen n tliẓri tazzayrit i d-tessuddes, ass n larebɛa, tesdawit n Tbatent, nnan-d belli asmel i d-tesseɣnew tnegga (APS) s tmaziɣt d aɛiwen ameqran i tneflit n tutlayt-a.

Azwur n tnegga n yisalan n lezzayer d ’’timerna’’ deg lmeǧhud n uzayez akken ad yesnefli, ad yessemɣer asemres n tutlayt-a s yilɣagduden iɣelnawen, i d-yenna uselway n tiddukla, Aurès i tneflit d usmatu n Tmaziɣt, Naïma Delloul.

Wid i d-yemmeslayen, ideg llan yemnuda, imazunen n tregwa n tliẓriwin tusligin d yinelmaden n tutlayt tamaziɣt, nnan-d belli asmel n tnegga APS ‘’yezmer ad yessiweḍ iɣmisen ad ẓergen isebtar neɣ iɣmisen s tmaziɣt s usemres n yisekkilen n tfinaɣ, taɛrabt d tlatinit.

Mohamed Merdaci, d amnadi amazzag deg tgemmi tamaziɣt, yenna-d ’’yif ahat lemmer kkin imassanen deg lmeǧhud-a’’ acku, ɣef wakken yettwali, tutlayt-a d taɣawsa tucrikt n akk izzayriyen, yal tamnaḍt tesɛa ayen i tt-yerzan kan nettat. Yerna yenna-d ɣef tɣawsa-a, tamlilt n yimaṭṭafen idiganen akken ad as-fken azal ‘’i tentaliyin tidiganin’’ n Tmaziɣt.

Tildin n teɣṣar deg temnaḍin n terga n tliẓri taɣelnawt tis 4 n Tmaziɣt, aya ‘’d ayen ara yeldin ilɣagduden i tmeslayin n tutlayt Tamaziɣt, akken i walan wid yekkin deg uskasi.

‘’Yessefk ad yili umahil akken ad yili umawal unṣib i wid akk yessemrasen tutlayt Tamaziɣt deg yilɣagduden’’, i d yessumer seg tama-s Dr. Djamel Nehali, d aɣella n ugezdu n Tutlayt Tamaziɣt deg tesdawit n Tbatent.

Ɣur usdawan-a, Tamaziɣt ‘’ddeqs i telḥ ama deg yimaṭṭafen, tiliẓriwin… Ma d tura, deg tira, i lmend n APS. Aya d taɣawsa i yessefk ad nesseǧhed’’.

Wid i d-yemmeslayen, fkan iwellihen, deg taggara n yimahilen-nsen, akken ad ldin ugar tallunt talɣagdudant i tentaliyin i d-yekkan seg tutlayt Tamaziɣt, ‘’aya d taɣawsa iǧehden n usmal n tutlayt-a imi ara taweḍ ɣer tɣemmar akk n tmurt’’.