ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ: ⵉⴼⵓⴽ ⵛⵛⵕⴻⵄ, ⵉⵎⵛⴻⵜⴽⵉⵢⴻⵏ ⵜⵜⵡⴰⵅⴻⵢⵢⴱⴻⵏ ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵛⵛⵕⴻⵄ-ⵏⵏⵉ ⵏ 23 ⵏ ⵢⵉⵎⴷⴰⵏⴻⵏ ⴷ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵜⵜⵡⴰⵜⵜⴻⵀⵎⴻⵏ ⵙ ⵜⵓⴽⵛⵉ ⵏ ⵜⵊⵓⵄⴰⵍ ⴷⴻⴳ ⵜⴻⵎⵙⴰⵍⵜ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ ⴰⵢ ⴷ-ⵢⴻⴱⴷⴰⵏ ⴷⴻⴳ 2009, ⵢⴻⴼⵔⴰ ⴰⵙⵙ ⵏ ⵍⴻⵅⵎⵉⵙ ⵎⵉ ⴷ-ⵢⴻⵏⵟⴻⵇ ⵍⵇⴰⴹⵉ ⵏ ⵍⴷⵣⴰⵢⴻⵔ ⵍⴻⵃⴽⴻⵎ ⵏ ⵓⵙⵙⵓⵔⴻⴼ (ⴰⵙⴻⵎⵎⴻⵃ), ⵢⴻⵔⵏⴰ ⴰⵢⴰ ⵉⵅⴻⵢⵢⴻⴱ ⵉⵎⵛⴻⵜⴽⵉⵢⴻⵏ.

ⵎⵔⴰⵡ ⵙⴻⵎⵎⵓⵙ (15) ⵏ ⵢⵉⵎⴷⴰⵏⴻⵏ ⴷ ⵙⴰ (7) ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵜⵜⵡⴰⵜⵜⴻⵀⵎⴻⵏ ⴷⴻⴳ ⵛⵛⵕⴻⵄ-ⴰ ⴰⵢ ⵢⴻⵇⵇⵉⵎⴻⵏ 8 ⵏ ⵡⵓⵙⵙⴰⵏ. ⵉ ⵓⵙⵎⴻⴽⵜⵉ, ⵛⵛⵕⴻⵄ-ⴰ ⵢⴻⵜⵜⵡⴰⵡⴻⵅⵅⴻⵔ ⵙⵏⴰⵜ ⵏ ⵜⵉⴽⴽⴰⵍ ⴷⴻⴳ 2014 ⵢⴻⵔⵏⴰ ⵄⴻⵔⴹⴻⵏ ⵢⵉⴱⵓⴳⴰⵟⵓⵜⴻⵏ ⵏ ⵜⴻⵎⵃⴰⴷⴷⵉⵜ ⴰⴷ ⴰⵙ-ⵄⴰⵡⴷⴻⵏ ⴰⵚⴻⵏⵏⴻⴼ ⴰⴽⴽⴻⵏ ⴰⴷ ⴷ-ⵢⵉⵍⵉ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⵓⴼⴼⵖⵉⵡⵉⵏ ⵉ ⵍⵇⴰⵏⵓⵏ.

ⵛⵛⵕⴻⵄ-ⴰ ⵢⴻⴱⴷⴰ-ⴷ ⴰⵙⵙ ⵏ ⵍⵃⴻⴷⴷ 30 ⵢⴻⴱⵔⵉⵔ ⵙ ⵜⴼⴰⴳⵍⴰ ⴰⵢ ⵢⴻⵏⵏⵓⵎⴻⵏ ⵜⴻⵜⵜⵉⵍⵉ-ⴷ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ: ⴰⵃⴷⴰⵕ ⵏ ⵢⵉⵎⴻⵜⵜⵀⵓⵎⴻⵏ, ⴽⵔⴰ ⵙⴻⴳ-ⵙⴻⵏ ⵍⵍⴰⵏ ⴷⴻⴳ ⵜⵍⴻⵍⵍⵉ ⵜⵓⵄⴹⵉⵍⵜ ⵎⴰ ⴷ ⵡⵉⵢⴰⴹ ⵍⵍⴰⵏ ⵜⵜⵡⴰⵃⴻⴱⵙⴻⵏ, ⴰⵃⴷⴰⵕ ⵏ ⵢⵉⵏⴰⴳⴰⵏ, ⴰⵙⴻⵎⵎⵉ ⵏ ⵜⵙⴻⵇⵇⴰⵎⵓⵜ ⵏ ⵢⵉⵎⴳⵉⵍⵍⵉⵢⴻⵏ ⴷ ⵜⵖⵓⵔⵉ ⵏ 250 ⵏ ⵢⵉⵙⴻⴱⵜⴰⵔ ⵏ ⵕⵕⴰⵢ ⵏ ⵓⵡⴻⵅⵅⴻⵔ ⵏ ⵛⵛⵕⴻⵄ.

ⵉⴽⴻⵎⵎⴻⵍ ⵛⵛⵕⴻⵄ-ⵏⵏⵉ ⴰⵔⵎⵉ ⴷ ⴰⵙⵙ ⵏ ⵍⵃⴻⴷⴷ 3 ⵎⴰⵢⵓ, ⵙ ⵜⵖⵓⵔⵉ ⵏ ⵜⴻⵎⵃⴰⴷⴷⵉⵜ ⵜⴰⵏⴻⴳⴳⴰⵔⵓⵜ, ⵜⵉⵏ ⵏ ⵓⴱⵓⴳⴰⵟⵓ ⵏ ⵜⴻⵎⵃⴰⴷⴷⵉⵜ ⵏ ⵓⵎⴻⵜⵜⵀⵓⵎ ⴰⴳⴻⵊⴷⴰⵏ, ⵛⵀⴰⵏⵉ ⵎⴻⴷⵊⴷⵧⵓⴱ. ⵏⴰⵇⴰⵍ, ⵉⵎⵡⴻⴽⴽⴻⵍ ⵢⴻⵙⵙⵓⵜⴻⵔ ⵍⴻⵃⴽⴰⵎ ⴷ ⵉⵎⴻⵇⵔⴰⵏⴻⵏ ⵏ ⵍⵃⴻⴱⵙ ⵍⴰⴷⵖⴰ ⵎⴳⴰⵍ ⵛⵀⴰⵏⵉ ⴷ ⴽⵀⴻⵍⵍⴰⴷⵉ (20 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ).

ⴷⴻⴳ ⵟⴰⵎ-ⵏⵏⵉ (8) ⵏ ⵡⵓⵙⵙⴰⵏ ⵏ ⵛⵛⵕⴻⵄ, ⴰⵢ ⵉⵛⵓⴱⴰⵏ ⵜⴰⴼⴹⵉⵃⵜ ⵢⴻⵇⵇⵏⴻⵏ ⵖⴻⵔ ⵢⵉⴷⵔⵉⵎⴻⵏ, ⵢⵉⵡⴻⵏ ⵙⴻⴳ ⵢⵉⵎⴻⵜⵜⵀⵓⵎⴻⵏ, ⴰⴷⵧⵓ ⵜⴻⴷⵊ ⴻⴷⴷⵉⵏⴻ ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ ⴷⴻⴳ ⵜⴻⵎⵙⴰⵍⵜ ⵏ ⵙⵡⵉⵙⵙⵍⴻⴰⴽⵙ, ⴰⴽⴽ ⵉⵎⴻⵜⵜⵀⵓⵎⴻⵏ ⵄⴻⴷⴷⴰⵏ-ⴷ ⵖⴻⵔ ⵓⴼⴻⴳⴳⴰⴳ ⵢⴻⵔⵏⴰ ⵙⵙⴰⵡⵍⴻⵏ-ⴷ ⴰⵎ ⵡⴰⴽⴽⴻⵏ ⴰⵢ ⵜⴻⵏ-ⵢⴻⴱⵃⴻⵜ ⵍⵇⴰⴹⵉ ⵖⴻⴼ ⵓⵜⵜⴻⴽⴽⵉ-ⵏⵙⴻⵏ ⴷⴻⴳ ⵜⴻⵎⵙⴰⵍⵜ-ⴰ.

ⵙⵉⵏ-ⵏⵏⵉ ⵏ ⵢⵉⵎⴻⵜⵜⵀⵓⵎⴻⵏ ⵉⴳⴻⵊⴷⴰⵏⴻⵏ, ⵛⵀⴰⵏⵉ ⵎⴻⴷⵊⴷⵧⵓⴱ ⴷ ⴽⵀⴻⵍⵍⴰⴷⵉ ⵎⵧⵀⴰⵎⴻⴷ ⵜⵜⵡⴰⵃⴻⴽⵎⴻⵏ ⴼⴻⵍⵍ-ⴰⵙⴻⵏ 10 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ ⴷ ⵍⴻⵅⴹⴻⵢⵢⴰ ⵏ ⵡⴰⵟⴰⵙ ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴷ ⵜⵓⴽⴽⵙⴰ ⵏ ⵡⴰⵢⵍⴰ ⴷ ⵢⵉⴷⵔⵉⵎⴻⵏ-ⵏⵙⴻⵏ.

ⴰⵎⴰⵔⵓ ⴰⵎⴰⵜⵓ ⴰⵇⴱⵓⵔ ⵏ ⵓⵏⴻⵖⵍⴰⴼ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ ⴱⵧⵓⵛⵀⴰⵎⴰ ⵎⵧⵀⴰⵎⴻⴷ ⴷ 3 ⵏ ⵢⵉⵎⴻⵜⵜⵀⵓⵎⴻⵏ ⵏⵉⴹⴻⵏ ⵙⵙⵓⵔⴼⴻⵏ-ⴰⵙⴻⵏ ⴷⴻⴳ ⵛⵛⵕⴻⵄ-ⴰ.

ⵚⴰ-ⵏⵏⵉ (7) ⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ (ⵛⵉⵜⵉⵛ ⵛⵔⵛⵛ ⵏ ⵛⵛⵉⵏⵡⴰ, ⵛⵧⵊⴰⴰⵍ ⵏ ⵊⴰⵒⵓⵏ, ⵒⵉⵣⴰⵔⵔⵧⵜⵉ ⵏ ⵙⵙⵡⵉⵙ, ⵛⴰⵔⴰⵠⴻⵏⵜⴰ ⵏ ⵙⵙⵡⵉⵙ, ⵉⵙⵧⵍⵓⵅ ⵛⵧⵔⵙⴰⵏ ⵏ ⵙⵒⴻⵏⵢⵓⵍ, ⵙⵎⵉⵏⵛ ⵏ ⴽⴰⵏⴰⴷⴰ ⴷ ⵛⵧⴱⴰ ⵏ ⵒⵓⵕⵜⵓⴳⴰⵍ) ⵢⴻⵜⵜⵡⴰⵃⴽⴻⵎ ⵖⴻⴼ ⵢⴰⵍ ⵢⵉⵡⴻⵜ ⴼⴻⵍⵍ-ⴰⵙⴻⵏⵜ ⴰⴷ ⵜⵅⴻⵍⵍⴻⵚ ⵙⴻⵎⵎⵓⵙ (5) ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵏ ⵍⴻⵅⴹⴻⵢⵢⴰ ⵉ ⵍⵅⴻⵣⵏⴰ ⵏ ⵓⵡⴰⵏⴰⴽ.

ⵉ ⵓⵙⵎⴻⴽⵜⵉ, ⴷⴻⴳ 2006, ⵢⴻⵜⵜⵓⵏⴻⴼⴽ ⵍⴻⵄⵇⴻⴷ ⵏ ⵍⴻⴱⵏⵉ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ ⵉ ⵜⴻⴳⵔⴰⵡⵜ ⵜⴰⵛⵉⵏⵡⴰⵜⵜ ⵏ ⵛⵉⵜⵉⵛ-ⵛⵔⵛⵛ ⵙ ⵡⴰⵣⴰⵍ ⵏ 6 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ.

ⵎⴰⵛⴰ ⴰⵙⴻⵏⴼⴰⵔ-ⵏⵏⵉ ⵇⵇⵉⵎⴻⵏ ⴽⴰⵏ ⵜⵜⵄⴰⵡⴰⴷⴻⵏ-ⴰⵙ ⴰⵇⴻⵢⵢⴻⵎ ⴰⵔⵎⵉ ⴰⵢ ⵢⴻⵡⵡⴻⴹ ⵖⴻⵔ 13 ⵏ ⵢⵉⴷⵓⵍⴰⵕⴻⵏ, ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ, ⴰⴱⴷⴻⵍⴽⴰⴷⴻⵔ ⴽⴰⴷⵉ.

ⵉⴱⵓⴳⴰⵟⵓⵜⴻⵏ ⵏ ⵛⵀⴰⵏⵉ ⴷ ⴽⵀⴻⵍⵍⴰⴷⵉ ⵏⵏⴰⵏ-ⴷ, ⵙⴻⴳ ⵢⵉⴷⵉⵙ-ⵏⵙⴻⵏ, ⴷⴰⴽⴽⴻⵏ ⴰⴷ ⵔⵥⴻⵏ ⵛⵛⵕⴻⵄ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵢⵓⴳⵉ ⴰⵙⵙⵓⵜⴻⵔ ⵏ ⵓⵖⵔⴰⵎ ⵏ ⵢⵉⴷⵔⵉⵎⴻⵏ ⵖⴻⴼ ⵍⴻⵅⵚⴰⵔⴰ ⴷⴻⴳ ⵡⴰⵢⵍⴰ ⴷ ⵍⴱⴰⵍ ⵉ ⵢⵉⵎⵛⴻⵜⴽⵉⵢⴻⵏ (ⴳⴰⵔ-ⴰⵙⴻⵏ ⵓⵍⴰ ⴷ ⵍⵅⴻⵣⵏⴰ ⵏ ⵓⵡⴰⵏⴰⴽ) ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵎⵎⴻⵛⵛⴻⵏ ⴷⴻⴳ ⵜⴻⵎⵙⴰⵍⵜ-ⴰ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ.

ⵍⵅⴻⵣⵏⴰ ⵏ ⵓⵡⴰⵏⴰⴽ ⵜⴻⵙⵙⵓⵜⴻⵔ-ⴷ 12 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵙⵖⵓⵔ ⴽⵀⴻⵍⵍⴰⴷⵉ ⵎⵧⵀⴰⵎⴻⴷ ⴷ ⵛⵀⴰⵏⵉ ⵎⴻⴷⵊⴷⵧⵓⴱ, ⵉⵎⴻⵜⵜⵀⵓⵎⴻⵏ ⵉⴳⴻⵊⴷⴰⵏⴻⵏ ⴷⴻⴳ ⵜⴻⵎⵙⴰⵍⵜ-ⴰ.

ⵎⴰ ⴷ ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ (ⴰⵏⴰ) ⵜⴻⵙⵙⵓⵜⴻⵔ ⵙⴻⴳ ⵢⵉⵎⴻⵜⵜⵀⵓⵎⴻⵏ ⴰⴷ ⴰⵙ-ⵅⴻⵍⵍⵚⴻⵏ ⵙ ⵓⵊⴻⵎⵎⴰⵍ ⵙⴻⵎⵎⵓⵙ (5) ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴰⴽⴽⴻⵏ ⴰⴷ ⴰⵙ-ⵖⴻⵔⵎⴻⵏ ⵍⴻⵅⵚⴰⵔⴰ ⵏ ⵍⴱⴰⵍ ⴷⴻⴳ ⵜⴻⵎⵙⴰⵍⵜ-ⴰ.

ⴰⵅⵅⴰⵎ ⵏ ⵛⵛⵕⴻⵄ ⵢⵓⴳⵉ ⴷⴰⵖ ⴰⴷ ⵢⴻⵇⴱⴻⵍ ⴰⴷ ⵜⵉⵍⵉ ⵜⴻⴷⵡⴰⵏⵜ ⴷ ⵜⵉⵎⵛⴻⵜⴽⵉⵜ, ⵉⵎⵉ ⵖⴻⴼ ⵍⴻⵃⵙⴰⴱ ⵏ ⵓⵅⵅⴰⵎ ⵏ ⵛⵛⵕⴻⵄ, ⵜⴰⴷⵡⴰⵏⵜ ⵓⵔ ⵜⴻⵅⵚⵉⵔ ⴰⵛⴻⵎⵎⴰ ⴷⴻⴳ ⵜⴻⵎⵙⴰⵍⵜ-ⴰ.