Asebter amenzawi

Uraren n Ugrakal-2021: imukan ad d-wejden deg lawan (Aseqqamu ulimpi adzayri)

LDZAYER TAMANEƔT – D Wehṛan ay d-yessersen iman-nnes d tamazwart i Wuraren igrakalen n 2021, yerna imukan aydeg ay la ssefrayen ad d-ilin wuraren-a ad d-wejden deg wakud, ɣef leḥsab n Useqqamu ulimpi d unaddal adzayri.

Deg yiwet n terzi n uxeddim deg Wehṛan, deg uqaleb n uḍfar n ukaram n timmazwert n Wehṛan i lmend n Wuraren Igrakalen n 2021, aselway n Useqqamu ulimpi adzayri Mustapha Berraf yenna-d ɣef yicanṭiyen ayɣef yerza dakken « ixeddimen la tteddun akken igerrez ɣer sdat, yerna aya yettajja-aɣ ad nessirem ad d-faken yixeddimen deg wakud ».

Deg terzi-a, aselway n Useqqamu ulimpi adzayri yessukk-d tiṭ d yiduba idiganen ɣef « yixeddimen n usmal ara yettwaxedmen » i lmend n tedyant-a.

Ɣef leḥsab n teɣbalut-a, ttwaddmen akk yiḥezziben i lmend n ummager n Yiseqquma ulimpiyen iɣelnawen d yimaslaḍen n Useqqamu agraɣlan n Wuraren Igrakalen deg Wehṛan i lmend n usmal n tmaneɣt n utaram n tmurt.

Timmazwert (aṛecceḥ) n temdint n Wehṛan akken ad d-ilin deg-s Wuraren Igrakalen n 2021 yeqbel-itt Useqqamu agraɣlan n Wuraren Igrakalen deg Yebrir n 2015. Tamdint ara d-yettwafernen akken ad d-tili deg-s teẓrigt tis 19 n wuraren ad tettwassen ass n 27 Ɣuct deg Pescara (Ṭṭalyan).

Tamdint n Wehṛan ad temsizzel d temdint tatunsit n Sfaqs i lmend n waya.

Ldzayer tessuddes Uraren Igrakalen i tikkelt tamezwarut deg 1975.