Asebter amenzawi
Uraren ulimpiyen n 2016/Takurt n uḍar (assewjed): taɣlamt taɣelnawt ad tesleɣmu gar 11 d 19 Mayu
LDZAYER, 7 Mayu 2015 (NSL) – Taɣlamt tulimpit tadzayrit n tkurt n uḍar ad teg gar 11 d 19 Mayu annan n usleɣmu akken ad tessewjed iman-nnes ad tettekki deg Wuraren Ulimpiyen n Rio de Janeiro deg 2016. Annan-a ad d-yili deg Wammas atekni aɣelnaw n Tfidiṛalit tadzayrit n tkurt n uḍar deg Sidi Musa (tawilayt n Ldzayer).
Annan-a ad d-tili deg-s temlilit tammidwant gar teɣlamt taɣelnawt tulimpit n Ldzayer d tin n Sudan ass n ttlata 19 Mayu 2015 ɣef 7s00 n tmeddit deg usarir n Mustapha Tchaker deg Leblida.
Asleɣmay n teɣlamt tulimpit tadzayrit, Pierre André Schurmann, yefren-d 24 n yimariren ay la yetturaren deg Temɣunin timsadurin 1 d 2 akken ad ttekkin deg wannan-a. Taɣlamt tulimpit tadzayrit tettwaɛdeṛ seg uttekki deg snat n tuzzyiwin timezwura n temliliyin n ussuffeɣ n telɣuɣa n Tefriqit n 2015 n U-23, maca deg tgara n Mayu ad turar d Sierra Leone d Kamrun.
Timlilit n twadda (ṛṛwaḥ) d Sierra Leone ad tili ass n 22 Mayu, ma d tin n tuqqla ad tili ass n 29 Mayu deg Kamrun.
Taɣlamt n Ldzayer ad turar timlilit n twadda (ṛṛwaḥ) n tuzzya tis 3 deg 19 Yulyu deg Ldzayer, sakkin ad turar timlilit n tuqqla gar 31 d 2 Ɣuct beṛṛa i Ldzayer.
Aḥric aneggaru n telɣuɣa n Tefriqt n Yiɣlanen n U-23 ad d-yili gar 5 d 19 Dujembeṛ ay d-yetteddun deg Sinigal. Dɣa d kraḍt (3) n teɣlamin timezwura n telɣuɣa-a n Tefriqt ara yettekkin deg Wuraren Ulimpiyen n 2016 n Rio de Janeiro, ma d tis kuẓet (4) ad turar timliliyin n wuggug mgal tmurt tasyawit ara d-yufraren.
Tikkelt taneggarut aydeg ay tettekka Ldzayer deg tkurt n uḍar deg Wuraren ulimpiyen tella-d deg 1980 deg Musku.
Umuɣ n 24 n yimariren ay d-yettwafernen: Salhi Abdelkader (ASO Cclef),. Metehezem Oussama (CA Tabatent), Chaal Farid (MC Ldzayer), Barka Mohamed Amine (ASM Wehṛan), Salah Nour El Islam (ASO Cclef), Bouchar Sofiane (ES Sḍif), Abdellaoui Ayoub (USM Ldzayer), Keniche Ryad (USM Lḥeṛṛac), Cherifi Redouane (USMB Belɛebbas), Ferhani Houari (RC Laṛebɛa) , Zouache Ayache (ES Sḍif), Semahi Khelil (ASO Cclef), Draoui Zakaria (CR Belouizdad), Benkhemassa Mohamed (USM Ldzayer), Belaalem Djamel (ASM Wehṛan), Benghit Raouf (Paradou AC), Djaadja Hamed (USMB Belɛebbas), Meziane Abderrahmane (USM Ldzayer)
19. Hadouche Zakaria (ASO Cclef), Benkablia Mohamed (ASM Wehṛan), Tabti Larbi
(ASM Wehṛan), Derfelou Oussama (RC Laṛebɛa), Abdeldjelil Oussama (JSK),Meziani Tayeb (Paradou AC).
