ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⴽⵍⵉ ⵏ 8 ⵎⴰⵢⵓ 1945: ⴷ ⴰⵖⵔⴻⴼ ⵉⴼⴻⵀⵎⴻⵏ ⴰⵢ ⴷ-ⵢⴻⴼⴼⵖⴻⵏ ⵖⴻⵔ ⵉⵣⴻⵏⵇⴰⵏ

ⵙⴹⵉⴼ – ⵜⵉⴽⵍⵉⵡⵉⵏ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ 8 ⵎⴰⵢⵓ 1945 ⴷ ⵜⵉⴷ ⴰⵢ ⴷ-ⵢⴻⵍⵍⴰⵏ ⵙ ⵍⴻⵄⵇⴻⵍ, ⵙ ⵜⴰⵍⵡⵉⵜ, ⵡⴰⵔ ⵛⵛⵡⴰⵍ, ⵢⴻⵔⵏⴰ ⴷ ⴰⵢⴰ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴷⴰⴽⴽⴻⵏ ⴰⵖⵔⴻⴼ ⴰⴷⵣⴰⵢⵔⵉ ⵢⴻⵍⵍⴰ ⴷ ⵓⴼⵀⵉⵎ ⵢⴻⵔⵏⴰ ⴷ ⵓⵖⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵙⴹⵉⴼ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ.

ⵜⵉⴽⵍⵉⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴰ ⴷⴻⴳ ⵙⴹⵉⴼ, ⴷⴻⴳ ⴳⴰⵍⵎⴰ ⴷ ⵡⴰⵏⴷⴰ ⵏⵉⴹⴻⵏ ⵜⵜⵡⴰⵎⴻⵃⵇⴻⵏⵜ ⴷⴻⴳ ⵢⵉⴷⴰⵎⵎⴻⵏ, ⴷ ⵜⵉⴽⵍⵉⵡⵉⵏ ⴰⵢ ⴷ-ⴳⴰⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵍⵍⴰⵏ ⴱⵖⴰⵏ ⵜⵉⵍⴻⵍⵍⵉ ⵢⴻⵔⵏⴰ ⴱⵖⴰⵏ ⴰⴷ ⴷ-ⵙⵙⴻⴽⵏⴻⵏ ⴰⵢⴰ ⵙ ⵜⴰⵍⵡⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⵢⴻⵙⵙⴻⵍⵡⵉⵏ ⴷⴻⴳ ⵙⴹⵉⴼ ⴰⵙⴼⵓⴳⴻⵍ ⵓⵏⵚⵉⴱ ⵏ ⵓⵎⵓⵍⵍⵉ ⵡⵉⵙ 70 ⵏ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945.

ⵓⵇⴱⴻⵍ ⴰⵢⴰ, ⵎⴰⵙⵙ ⵣⵉⵜⵧⵓⵏⵉ ⵢⴻⵔⵥⴻⵎ ⵜⴰⵎⴻⵙⵔⵉⵜ ⵜⴰⵖⴻⵍⵏⴰⵡⵜ ⵏ ⵓⴷⵍⵉⵙ ⴷⴻⴳ ⵜⴳⴻⵏⵏⴰⵔⵉⵜ ⵏ ⵎⴰⴰⴱⵧⵓⴷⴰ, ⵢⴻⵔⵏⴰ ⴷⴻⴳ ⵓⵙⴼⵓⴳⴻⵍ-ⴰ ⵏ 8 ⵎⴰⵢⵓ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵖⵔⴻⴼ ⴰⴷⵣⴰⵢⵔⵉ ⴰⵢ ⵢⴻⵙⴼⵓⴳⵓⵍⴻⵏ 8 ⵎⴰⵢⵓ 1945, « ⵢⴻⴹⴹⴻⴼ ⵎⵍⵉⵃ ⴷⴻⴳ ⵓⵎⴻⵣⵔⵓⵢ-ⵏⵏⴻⵙ », ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⴰⴽⴼ ⵓⴳⴰⵔ ⵏ ⵡⴰⵣⴰⵍ ⵉ ⵜⴻⴳⵔⴰⵡⵍⴰ-ⵏⵏⴻⵙ ⵜⵓⵔⴱⵉⵃⵜ ⴷ ⵓⵎⴻⵣⵔⵓⵢ ⵏ ⵜⵎⵓⵔⵜ-ⵏⵏⴻⵙ ⴰⵢ ⵢⴻⵛⵛⵓⵕⴻⵏ ⴷ ⵜⵉⵖⴻⵔⵙⴰⵡⵉⵏ.

« ⴰⵙⵙ-ⴰ, ⴰⵇⵍ-ⴰⵖ ⵍⴰ ⵏⴻⵜⵜⴻⵎⵙⵉⵣⵣⵉⵍ ⴷ ⵡⴰⴽⵓⴷ ⴰⴽⴽⴻⵏ ⴰⴷ ⴷ-ⵏⴻⵊⵎⴻⵄ ⴰⵏⴻⵛⵜ ⴰⴽⴽ ⵓⵎⵉ ⵏⴻⵣⵎⴻⵔ ⵏ ⵛⵛⵀⴰⴷⴰⵜ ⴷ ⵜⴻⵕⵛⵉⴱⵉⵏ ⵖⴻⴼ ⵜⴻⴳⵔⴰⵡⵍⴰ ⴰⴽⴽⴻⵏ ⴰⴷ ⵏⴻⵊⵊ ⵉⵏⵎⴻⵣⵔⵓⵢⴻⵏ ⴰⴷ ⴰⵔⵓⵏ ⴰⵎⴻⵣⵔⵓⵢ ⵏ ⵜⵎⵓⵔⵜ-ⵏⵏⴻⵖ ⵙ ⵍⴻⵄⵇⴻⵍ-ⵏⵙⴻⵏ ⵢⴻⵔⵏⴰ ⵙ ⵜⵓⴹⴹⴼⴰ ⵏ ⵜⵍⴻⵎⵎⴰⵙⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ.

ⴰⵟⴰⵙ ⵏ ⵢⵉⵎⵊⵓⵀⴰⴷ ⴷ ⵢⵉⵙⴽⵓⵜⵉⵢⴻⵏ ⵉⵇⴱⵓⵔⴻⵏ ⵓⵎⵉ ⵢⴻⵔⵔⴰ ⵓⵏⴻⵖⵍⴰⴼ ⵜⴰⵊⵎⵉⵍⵜ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵊⵉⴼⴻⵕ ⵏ ⵜⵎⴻⵙⵔⵉⵜ ⵏ ⵓⴷⵍⵉⵙ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⴰⵙⴻⴳⴳⴰⵙ-ⴰ ⴳⴰⵔ 7 ⴷ 14 ⵎⴰⵢⵓ ⴰⵣⴰⵍ ⵏ 90 ⵏ ⵢⵉⵅⵅⴰⵎⴻⵏ ⵏ ⵜⴻⵥⵔⵉⴳⵜ, ⴳⴰⵔ-ⴰⵙⴻⵏ 10 ⴷ ⵉⴱⴻⵕⵕⴰⵏⵉⵢⴻⵏ.

ⵓⵇⴱⴻⵍ ⴰⵢⴰ, ⵎⴰⵙⵙ ⵣⵉⵜⵧⵓⵏⵉ ⵢⴻⴱⵔⴰ-ⴷ ⵉ ⵓⵙⵙⴻⵏⵖⴻⵍ ⴰⵎⴻⵣⵡⴰⵔⵓ ⵏ ⵓⴱⵉⵟⵓⵏ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵏ ⵓⵟⵔⴰⵎⵡⴰⵢ ⴷⴻⴳ ⵜⴻⵎⴷⵉⵏⵜ ⵏ ⵙⴹⵉⴼ.

ⴰⵟⵔⴰⵎⵡⴰⵢ-ⴰ ⴰⴷ ⵜ-ⵜⴻⴱⵏⵓ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⴰⴼⵕⴻⵏⵙⵉⵙⵜ-ⵜⴰⵟⴻⵔⴽⵉⵜ ⴰⴽⴽⴻⵏ ⴰⴷ ⵢⴻⵇⵇⴻⵏ ⵉⴳⵎⴰⵎⴻⵏ ⵏ ⵜⴻⵎⴷⵉⵏⵜ ⵏ ⵙⴹⵉⴼ ⴷ ⵜⴻⵙⴷⴰⵡⵉⵜ ⵏ ⴻⵍ ⴱⴻⵣ ⴰⵢ ⴷ-ⵢⴻⵣⴳⴰⵏ ⴷⴻⴳ ⵓⵜⴰⵔⴰⵎ (ⵍⵖⴻⵔⴱ) ⵏ ⵜⴻⵎⴷⵉⵏⵜ-ⴰ, ⵢⴻⵔⵏⴰ ⴰⴷ ⵉⵄⴻⴷⴷⵉ ⵖⴻⴼ 27 ⵏ ⵜⴻⵖⵙⴰⵔ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵜⵜⵡⴰⵙⵙⴻⵎⵖⴻⵔ ⴰⴽⴽⴻⵏ ⴰⴷ ⵢⴰⵡⴻⴹ ⴰⵔⵎⴰ ⴷ ⴰⵏⴰⴼⴰⴳ ⵏ 8 ⵎⴰⵢⵓ 1945, ⵙⴷⴰⵜ ⵄⵉⵏ ⴰⵔⵏⴰⵜ.

ⴰⵙⴻⵏⴼⴰⵔ-ⴰ ⴰⵔⴰ ⵢⴻⵙⵏⴻⵔⵏⵉⵏ ⵜⴰⵎⵚⵓⴽⴰ ⵏ ⵜⴻⵎⴷⵉⵏⵜ ⵏ ⵙⴹⵉⴼ ⴰⴷ ⵜⵜⵡⴰⵙⵙⴻⴼⵜⵉⵏ ⴷⴻⴳ-ⵙ 38 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⴰⴷ ⵢⴻⵙⵄⵓ 39 ⵏ ⵜⵎⴰⵛⵉⵏⵉⵏ ⵏ ⵓⵟⵔⴰⵎⵡⴰⵢ ⴷ 400 ⵏ ⵢⵉⴽⴻⵔⵙⵉⵢⴻⵏ, ⵢⴻⵔⵏⴰ ⴰⴷ ⴷ-ⵉⴼⴰⴽ ⴷⴻⴳ ⵜⴳⴰⵔⴰ ⵏ 2017 ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⴼⴻⵀⵎⴻⵏ.

ⴰⵏⴻⵖⵍⴰⴼ ⵢⴻⵙⵙⴻⵍⵡⵉ ⴷⴰⵖ, ⴷⴻⴳ ⵓⴳⵎⵓⴹ (ⵛⵛⴻⵔⵇ) ⵏ ⵙⴹⵉⴼ, ⵢⵉⵡⴻⵜ ⵏ ⵜⴼⴰⴳⵍⴰ ⵏ ⵓⵙⴻⵎⵎⵉ ⵏ ⵜⵏⴻⵣⴷⵓⵖⵉⵏ ⵜⵉⵙⵎⴰⵍⴰⵏⵉⵏ ⵢⴻⵜⵜⵡⴰⵄⴰⵡⵏⴻⵏ ⴰⵢ ⵢⴻⵜⵜⵡⴰⴱⵏⴰⵏ ⵉ ⵢⵉⵙⴻⵍⵎⴰⴷⴻⵏ ⴷ ⵢⵉⵅⴻⴷⴷⴰⵎⴻⵏ ⵏ ⵜⴻⵙⴷⴰⵡⵉⵜ, ⴷⵖⴰ ⵢⴻⵜⵜⵓⵏⴻⴼⴽ-ⴰⵙⴻⵏⵜ ⵢⵉⵙⴻⵎ ⵏ ⵓⵎⴻⵖⵔⵓⵙ (ⵛⵛⴰⵀⵉⴷ) ⵙⴰⵉⴷ ⴽⴻⴷⴷⴰⴷ. ⵉ ⵍⵎⴻⵏⴷ ⵏ ⵡⴰⵢⴰ, ⵎⴰⵙⵙ ⵣⵉⵜⵧⵓⵏⵉ ⵢⴻⴼⴽⴰ, ⵙ ⵜⵉⵏ ⵏ ⵓⵣⴰⵎⵓⵍ, ⵜⵉⵙⵓⵔⴰ ⵏ ⵢⵉⵅⵅⴰⵎⴻⵏ ⵉ ⴽⵔⴰ ⵙⴻⴳ ⵡⵉⴷ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵏⴻⵣⴷⵓⵖⵜ-ⴰ, ⵙⴰⴽⴽⵉⵏ ⵢⴻⵙⵙⴻⴼⵇⴻⴷ ⴰⵙⴻⵏⴼⴰⵔ ⵏ ⵍⴻⴱⵏⵉ ⵏ 130 ⵏ ⵜⵏⴻⵣⴷⵓⵖⵉⵏ ⵏⵉⴹⴻⵏ ⵙⴻⴳ ⵚⵚⴻⵏⴼ-ⴰ, ⴷ ⵜⵉⴷ ⴰⵔⴰ ⵢⴻⵜⵜⵓⵏⴻⴼⴽⴻⵏ ⵉ ⵢⵉⵅⴻⴷⴷⴰⵎⴻⵏ ⵏ ⵜⵖⵉⵡⴰⵏⵜ ⵏ ⵙⴹⵉⴼ.

ⴰⵏⴻⵖⵍⴰⴼ ⵢⴻⵔⵥⴻⵎ ⴷⴰⵖ ⴰⵎⵎⴰⵙ ⴰⵎⵙⴻⵏⵣⵉ ⴰⵎⴻⵇⵔⴰⵏ ⵏ ⵔⴰⵉⵙ, ⴰⵢ ⴷ-ⵜⴻⴱⵏⴰ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⵓⵙⵍⵉⴳⵜ, ⵙⴰⴽⴽⵉⵏ ⵢⴻⵔⵣⴰ, ⵜⴰⵎⴻⴷⴷⵉⵜ, ⵖⴻⴼ ⵡⴰⵎⵎⴰⵙ ⵏ ⵓⵙⴳⵓⵏⴼⵓ ⵏ ⵢⵉⵎⵊⴰⵀⴷⴻⵏ ⵏ ⵃⴻⵎⵎⴰⵎ ⴳⴻⵔⴳⵓⵔ (50 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ ⵏ ⵙⴹⵉⴼ).

ⴰⵎⵎⴰⵙ-ⵏⵏⵉ ⴰⵎⵙⴻⵏⵣⵉ ⵏ ⵔⴰⵉⵙ ⵍⵍⴰⵏ ⴷⴻⴳ-ⵙ 106 ⵏ ⵍⵎⴰⵃⴻⵍⵍⴰⵜ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴷⴻⴳ-ⵙ ⵍⴱⵉⵔⵓⵡⴰⵜ ⴷ ⵡⵓⵔⵜⴰⵏ. ⵢⴻⵙⵄⴰ 4 ⵏ ⵢⵉⵙⵡⵉⵔⴻⵏ, ⵢⴻⵔⵏⴰ ⴰⴷ ⵅⴻⴷⵎⴻⵏ ⴷⴻⴳ-ⵙ, ⵖⴻⴼ ⵍⴻⵃⵙⴰⴱ ⵏ ⵢⵉⵎⵙⴻⴼⵜⵉ ⴰⴱⴷⴻⵔⵔⴰⵀⵎⴰⵏⴻ ⵔⴰⵉⵛⵀⴻⵎⵙ, 600 ⵏ ⵢⵉⵎⴷⴰⵏⴻⵏ.

ⵜⴰⴼⴰⴳⵍⴰ ⵜⵓⵏⵚⵉⴱⵜ ⵏ ⵓⵎⵓⵍⵍⵉ ⵡⵉⵙ 70 ⵏ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945 ⵜⴻⴱⴷⴰ-ⴷ ⵜⴰⵚⴻⴱⵃⵉⵜ ⵙ ⵜⴻⴷⵢⴰⵏⵉⵏ ⵜⵉⴷⴻⵍⵙⴰⵏⵉⵏ ⴷ ⵜⵏⴰⴷⴷⴰⵍⵉⵏ, ⵢⴻⵔⵏⴰ ⴰⴷ ⵜⴽⴻⵎⵎⴻⵍ ⴰⵙⵙ ⵏ ⵍⵊⴻⵎⵄⴰ ⵙ ⵜⵉⴽⵍⵉ ⵏ ⵜⵓⴹⴹⴼⴰ ⴷⴻⴳ ⵛⵛⴼⴰⵡⴰⵜ ⴰⵏⴷⴰ ⴰⵔⴰ ⵢⴻⵜⵜⵡⴰⴹⴼⴻⵔ ⵓⴱⵔⵉⴷ-ⵏⵏⵉ ⴰⵢ ⵢⴻⴹⴼⴻⵔ ⵓⵖⵔⴻⴼ ⴰⴷⵣⴰⵢⵔⵉ ⴷⴻⴳ ⵜⵉⴽⵍⵉ-ⵏⵏⴻⵙ ⵜⴰⵎⴻⵣⵡⴰⵔⵓⵜ ⵏ 8 ⵎⴰⵢⵓ, 70 ⵏ ⵢⵉⵙⴻⴳⴳⴰⵙⴻⵏ ⴰⵢⴰ.