ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵖⵎⵉⵙ ⵏ « ⵍ'ⴻⵛⵀⵧ ⴷ’ⴰⵍⴳⴻⵔ », ⴷ ⵜⵜⴰⵡⵉⵍ ⵉ ⵓⵙⵙⴻⴷⴷⵓ ⵏ ⴷⴷⵉⵄⴰⵢⴰ ⵏ ⴼⵕⴰⵏⵙⴰ ⴷ ⵓⵃⴰⵕⴻⴱ ⵏ ⵜⵏⴻⴼⵙⵉⵜ ⵏ ⵎⴻⴷⴷⴻⵏ (ⴰⵎⵢⴰⴳⴻⵔ)

ⵙⴽⵉⴽⴷⴰ, 7 ⵎⴰⵢⵓ 2015 – ⴰⵖⵎⵉⵙ ⵏ « ⵍ’ⴻⵛⵀⵧ ⴷ’ⴰⵍⴳⴻⵔ » ⵢⴻⵍⵍⴰ-ⴷ ⴷ ⵜⵜⴰⵡⵉⵍ ⵉ ⵟⵟⵔⴰⴷ ⴰⵙⵏⴰⴼⵙⵉ ⴷ ⵜⴻⵣⵏⵉⵡⵜ ⵏ ⴼⵕⴰⵏⵙⴰ ⴷⴻⴳ ⵍⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⵜⵜⴻⴽⴽⵉⵢⴻⵏ ⵏ ⵜⴻⵎⵍⵉⵍⵉⵜ ⵖⴻⴼ « ⵜⵡⵉⵍⴰⵢⵜ ⵜⵉⵙ ⵙⵏⴰⵜ ⴷⴻⴳ ⵟⵟⵔⴰⴷ ⵏ ⵓⵣⴰⵔⵓⴳ », ⴰⵢ ⵉⵔⴻⵥⵎⴻⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⵏ ⵙⴽⵉⴽⴷⴰ.

ⵎⴰⵙⵙ ⴰⵎⵧⵔ ⴱⵧⵓⴷⴻⵔⴱⴰ, ⵏ ⵜⴻⵙⴷⴰⵡⵉⵜ ⵏ ⵎⵙⵉⵍⴰ, ⵉⴳⴰ-ⴷ ⴰⵙⴰⵔⴰⴳ ⵖⴻⴼ ⵓⵖⵎⵉⵙ ⵏ « ⵍ’ⴻⵛⵀⵧ ⴷ’ⴰⵍⴳⴻⵔ ⴷ ⵜⵓⵎⵎⵖⴰ ⵏ ⵓⴳⴰⴼⴰ ⵏ ⵇⵙⴻⵏⵟⵉⵏⴰ » ⴰⵢⴷⴻⴳ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵖⵎⵉⵙ-ⴰ ⵏ ⵜⴻⵀⵔⴻⵙⵜ (ⵍⵉⵙⵜⵉⵄⵎⴰⵕ) ⴰⵢ ⴷ-ⵙⴱⴻⴷⴷⴻⵏ ⴷⴻⴳ 1909, ⴷ ⴰⵖⵎⵉⵙ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⵉⵎⵓⵖⵍⵉⵡⵉⵏ ⵏ ⵓⵢⴻⴼⴼⵓⵙ ⴰⵎⴻⴹⴹⴰⵔⴼⵓ ⵢⴻⵔⵏⴰ ⴷ ⵡⵉⵏ ⴰⵢ ⵢⴻⵍⵍⴰⵏ ⵢⴻⴽⴽⴰⵜ ⵖⴻⴼ ⴰⴽⴽⴻⵏ ⵜⴰⴷⴻⵔⵙⵉ ⵜⵓⵕⵓⴼⵉⵜ ⵢⴻⴷⴷⵔⴻⵏ ⴷⴻⴳ ⵍⴷⵣⴰⵢⴻⵔ ⴰⴷ ⵜⵉⴼ ⵉⵎⴻⵣⴷⴰⵖⴻⵏ ⵉⵏⴻⵚⵍⵉⵢⴻⵏ ⴰⵎⴰ ⴷⴻⴳ ⵜⴷⴰⵎⵙⴰ, ⴰⵎⴰ ⴷⴻⴳ ⵢⵉⴷⵍⴻⵙ ⵏⴻⵖ ⴷⴻⴳ ⵜⵙⴻⵔⵜⵉⵜ.

ⴷⴻⴳ ⵜⴰⵍⵍⵉⵜ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⴰⵖⵎⵉⵙ-ⴰ ⵢⴻⵍⵍⴰ ⵢⴻⵙⵙⵓⴼⴼⵓⵖ-ⴷ ⵉⵍⵖⴰ ⵏ ⵢⵉⴳⴻⵏ ⴰⴼⵕⴻⵏⵙⵉⵙ, ⵢⴻⵔⵏⴰ ⵢⴻⵍⵍⴰ ⵢⴻⵙⵙⵓⴼⴼⵓⵖ-ⴷ ⴷⴰⵖ ⵉⵔⵓⵒⵓⵔⵟⴰⵊⴻⵏ « ⵉⵡⴻⵀⵀⴰⵏ ⵖⴻⵔ ⵓⴷⴰⴼⴻⵄ ⵖⴻⴼ ⵜⵎⵓⵖⵍⵉⵡⵉⵏ ⵏ ⵓⴷⴰⴱⵓ ⵏ ⵜⴻⵀⵔⴻⵙⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⵙⴰⵔⴰⴳ-ⴰ.

ⴰⵖⵎⵉⵙ-ⴰ ⵢⴻⴱⴷⴻⵔ-ⴷ ⴰⵛⵃⴰⵍ ⴷ ⵜⵉⴽⴽⴻⵍⵜ ⵉⵙⴻⵎ ⵏ ⵓⵎⴻⵖⵔⵓⵙ (ⵛⵛⴰⵀⵉⴷ) ⵣⵉⴳⵀⵧⵓⴷ ⵢⵧⵓⵛⴻⴼ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵎⵎⵖⴰ ⵏ 20 Ɣⵓⵛⵜ 1955, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵢⴻⵏ ⴰⵢ ⵢⴻⵍⵍⴰ ⵢⴻⵜⵜⴻⴳ-ⵉⵜ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵢⵓⵙⴰ-ⴷ ⵙⴻⴳ ⵢⵉⵡⴻⵏ ⵏ ⵕⵕⴰⵢ ⴰⴱⴻⵕⵕⴰⵏⵉ. ⵉⵙⵡⵉ ⵏ ⵜⴻⵣⵏⵉⵡⵜ-ⴰ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴱⵧⵓⴷⴻⵔⴱⴰ, ⵏⴻⵜⵜⴰ ⴷ ⴰⵛⴻⵎⵎⴻⵜ ⵏ ⵛⵛⵖⴻⵍ-ⴰ ⴰⵎⴻⵇⵔⴰⵏ ⴰⴽⴽⴻⵏ ⵓⵔ ⴷ-ⵜⵜⴰⴱⴷⴰⴷⴻⵏ ⴰⵔⴰ ⵍⴻⵊⵏⴰⵙ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⴰⴷⵣⴰⵢⵔⵉ.

ⴰⵎⵏⴰⴷⵉ-ⴰ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵖⵎⵉⵙ ⵏ « ⵍ’ⴻⵛⵀⵧ ⴷ’ⴰⵍⴳⴻⵔ » ⵢⴻⵍⵍⴰ ⴷ ⵏⴻⵜⵜⴰ ⴰⵢ ⴷ ⴰⵏⴻⵟⵟⴰⵇ ⵏ ⵢⵉⵊⵉⵏⵉⵕⴰⵍⴻⵏ-ⵏⵏⵉ ⴰⵢ ⵉⴳⴰⵏ ⵜⵓⵜⵜⵢⴰ ⵜⴰⵙⴻⵔⴷⴰⵙⵉⵜ ⴷⴻⴳ 1961, ⵢⴻⵔⵏⴰ ⴰⵖⵎⵉⵙ-ⴰ ⵢⴻⵍⵍⴰ ⵢⴻⵙⵙⴽⴰⵏⴰⵢ-ⴷ ⴰⴽⵕⴰⵀ-ⵏⵏⴻⵙ ⵉ ⵓⵊⵉⵏⵉⵕⴰⵍ ⴷⴻ ⴳⴰⵓⵍⵍⴻ, ⵢⴻⵔⵏⴰ ⴷ ⵜⵉⵏ ⴰⵢ ⵢⴻⵍⵍⴰⵏ ⴷ ⵜⴰⵎⵓⵖⵍⵉ ⵏ ⵓⵎⵓⵔ ⴰⵎⴻⵇⵔⴰⵏ ⵏ ⵡⵓⵕⵓⴼⵉⵢⴻⵏ ⴰⵢ ⵢⴻⴷⴷⵔⴻⵏ ⴷⴻⴳ ⵍⴷⵣⴰⵢⴻⵔ.

ⵜⵉⵎⵍⵉⵍⵉⵜ-ⴰ ⵏ ⵙⵉⵏ ⵏ ⵡⵓⵙⵙⴰⵏ ⴰⵢ ⵜⴳⴰ ⵜⵎⴻⵀⵍⴰ ⵏ ⵢⵉⴷⵍⴻⵙ ⴷ ⵜⴻⵙⴷⴰⵡⵉⵜ ⵏ 20 Ɣⵓⵛⵜ 1955 ⴷⴻⴳ ⵙⴽⵉⴽⴷⴰ, ⵜⵜⴻⴽⴽⴰⵏ ⴷⴻⴳ-ⵙ ⵢⵉⵎⵙⴰⵔⴰⴳⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⴻⵙⴷⴰⵡⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ.