Asebter amenzawi

Aselway n Tanzanya yessaweḍ ṛṛeḥma i yimeɣrusen n Tegrawla n uslelli aɣelnaw

LDZAYER TAMANEƔT – Aselway n Tanzanya, Jakaya Mrisho Kikwete, yessaweḍ ṛṛeḥma ass n ssebt, deg tgara n tmeddit deg umqam n yimeɣrusen (Ldzayer Tamaneɣt) i yimeɣrusen n ṭṭrad n uslelli aɣelnaw.

Mass Kikwete yedda-d d uneɣlaf anesmigal n tɣawsiwin n Lmeɣreb d Tefriqt, Abdelkader Messahel.

Uqbel waya, aselway n Tanzanya iwala amsudeɣ n yiwet n tegrawt n Tɛessast n tegduda yerna yerra-as tajmilt, sakkin yessers tameqqunt n tjejjigin sdat umqam yettarran tajmilt i yimeɣrusen am wakken ay yebded tadqiqt n tsusmi i lmend n yimeɣrusen n tegrawla.

Aselway Kikwete yerza sakkin ɣef usalay n umjahed anda ay as-d-sfehmen iḥricen yemgerraden n umezruy n Ldzayer, ladɣa tallit n ṭṭrad n uslelli aɣelnaw.

Aselway n Tanzanya yusa-d cwiṭ uqbel ɣer Ldzayer deg terzi n uwanak n kraḍ (3) n wussan s uneɛruḍ n uselway n tegduda, Abdelaziz Bouteflika.