ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

8 ⵎⴰⵢⵓ 1945: ⵍⵡⴰⵊⴻⴱ ⵏ ⵓⵎⵎⴻⴽⵜⵉ ⵓⵔ ⵢⴻⵔⵣⵉ ⴰⵔⴰ ⴽⴰⵏ ⵜⴰⵙⵓⵜⴰ ⵏ 54 (ⴰⵏⴻⵖⵍⴰⴼ)

ⵙⴹⵉⴼ – ⵍⵡⴰⵊⴻⴱ ⵏ ⵓⵎⵎⴻⴽⵜⵉ ⵏ ⵢⵉⵎⴻⵏⵖⵉ ⵏ ⵓⵖⵔⴻⴼ ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⵢⴰⵡⵉ ⴰⵣⴰⵔⵓⴳ (ⵍⵉⵙⵜⵉⵇⵍⴰⵍ) « ⵓⵔ ⵢⴻⵔⵣⵉ ⴰⵔⴰ ⴽⴰⵏ ⵜⴰⵙⵓⵜⴰ ⵏ ⵡⴰⵎⴱⴻⵕ, ⵢⴻⵔⵏⴰ ⵙ ⴽⵔⴰ ⵏ ⵡⵉⵏ ⴰⵢ ⵢⴻⵜⵜⵅⴻⵎⵎⵉⵎⴻⵏ ⴰⵢⴰ, ⵢⴻⵛⵛⴻⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵙⴹⵉⴼ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ.

ⴰⵏⴻⵖⵍⴰⴼ ⵢⴻⵙⵙⴻⵍⵡⵉ ⴰⵎⵎⴻⴽⵜⵉ ⵓⵏⵚⵉⴱ ⵡⵉⵙ 70 ⵏ ⵓⵎⵓⵍⵍⵉ ⵏ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945, ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵍⵡⴰⵊⴻⴱ-ⴰ ⵏ ⵓⵎⵎⴻⴽⵜⵉ ⵢⴻⵔⵣⴰ, ⴰⵙⵙ-ⴰ « ⵜⵉⵙⵓⵜⴰ ⴰⵢ ⵍⴰ ⴷ-ⵢⴻⵜⵜⵉⵎⵖⵓⵔⴻⵏ ».

ⵜⵉⴷⵢⴰⵏⵉⵏ ⵢⴻⵙⵙⴻⵃⵣⴰⵏⴻⵏ ⴰⵢ ⵢⴻⵙⵙⴰⵣⵣⵍⴻⵏ ⵉⴷⴰⵎⵎⴻⵏ ⴷⴻⴳ ⵎⴰⵢⵓ ⵏ 1945 ⴷⴻⴳ ⵙⴹⵉⴼ, ⵅⴻⵔⵔⴰⵟⴰ, ⴳⴰⵍⵎⴰ ⴷ ⵡⴰⵏⴷⴰ ⵏⵉⴹⴻⵏ, ⵍⵇⴻⵔⵃ ⴷ ⵢⵉⵎⴻⵟⵟⴰⵡⴻⵏ ⴰⵢ ⴷ-ⵢⴻⴽⴽⴰⵏ ⵙⴻⴳ-ⵙⴻⵏⵜ « ⵙⵙⴰⵖⴻⵏⵜ-ⴷ ⴰⴼⴻⵟⵟⵉⵡⴻⵊ ⵏ ⵓⵙⵙⵉⵔⴻⵎ ⴰⴽⴽⴻⵏ ⴰⴷ ⴷ-ⵜⴻⵔⵔ ⵍⴷⵣⴰⵢⴻⵔ ⵍⵃⴻⵕⵎⴰ-ⵏⵏⴻⵙ ⴰⵢ ⴰⵙ-ⵢⴻⵜⵜⵡⴰⴽⴽⵙⴻⵏ, ⵢⴻⵔⵏⴰ ⴰⴷ ⴷ-ⵜⴻⵔⵔ ⵍⴻⵇⴷⴻⵔ-ⵏⵏⴻⵙ ⴰⵢ ⵔⴽⵉⵏ ⵢⵉⴹⴰⵔⵔⴻⵏ ⵏ ⵡⵉⴷ ⴰⵢ ⵢⴻⴹⴹⴼⴻⵏ ⴰⴽⴰⵍ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⵉⵜⵧⵓⵏⵉ ⵙⴷⴻⴼⴼⵉⵔ ⵎⴰ ⵢⴻⵙⵙⴰⵡⴻⴹ ⵕⵕⴻⵃⵎⴰ ⵢⴻⵔⵏⴰ ⵢⴻⵙⵙⴻⵔⵙ ⵜⴰⵎⴻⵇⵇⵓⵏⵜ ⵏ ⵜⵊⴻⵊⵊⵉⴳⵉⵏ ⵙⴷⴰⵜ ⵏ ⵓⵎⵇⴰⵎ ⴰⵢ ⴳⴰⵏ ⴷ ⵜⴰⵊⵎⵉⵍⵜ ⵉ ⴱⵧⵓⵣⵉⴷ ⵙⴰⴰⵍ, ⴰⵎⴻⵖⵔⵓⵙ (ⵛⵛⴰⵀⵉⴷ) ⴰⵎⴻⵣⵡⴰⵔⵓ ⵏ 8 ⵎⴰⵢⵓ 1945.

ⴰⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵢⴻⵙⵙⴰⵡⴻⵍ-ⴷ ⵙⴷⴰⵜ ⵓⴳⴷⵓⴷ ⴷ ⴰⵎⴻⵇⵔⴰⵏ ⴰⵢⴷⴻⴳ ⵍⵍⴰⵏ ⵢⵉⵖⴻⵔⵎⴰⵏⴻⵏ ⴷ ⵢⵉⵎⵊⴰⵀⴷⴻⵏ, ⵢⴻⵔⵏⴰ, ⵙⴷⴻⴼⴼⵉⵔ ⵎⴰ ⵢⴻⵙⵙⴰⵡⴻⴹ-ⴷ ⵙⵙⵍⴰⵎ ⴰⵃⵎⴰⵢⴰⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⵎⴻⴽⵜⵉ ⵏ ⵡⵓⵙⵙⴰⵏ ⵉⵎⴻⵇⵔⴰⵏⴻⵏ ⵏ ⵜⴻⴳⵔⴰⵡⵍⴰ ⵏ ⵍⴷⵣⴰⵢⴻⵔ « ⵎⴰⵛⵉ ⴷ ⴰⵃⴱⴰⵙ ⴰⵔⴰ ⵜⴻⵃⴱⴻⵙ ⴷⴻⴳ-ⵙ ⵜⵎⵓⵔⵜ ⵉⵎⴰⵏ-ⵏⵏⴻⵙ ⴷⴻⴳ ⵡⴰⵢⴻⵏ ⵉⵄⴻⴷⴷⴰⵏ, ⵡⴰⵏⴰⴳ ⴷ ⵜⵜⴱⵓⵜ ⴷⴰⴽⴽⴻⵏ ⵍⴷⵣⴰⵢⴻⵔ ⵜⴻⴹⴹⴻⴼ ⴷⴻⴳ ⵓⵎⴻⵣⵔⵓⵢ-ⵏⵏⴻⵙ ».

ⵜⵉⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴽⴻⵎⵎⴻⵍ ⴷ « ⵜⴰⵙⵡⵉⵄⵜ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⴽⴻⵎⵎⴻⵍ ⵏ ⵢⵉⵎⴻⵏⵖⵉ ⵏ ⵓⵎⵓⵙⵙⵓ ⴰⵖⴻⵍⵏⴰⵡ ⵉ ⵍⵎⴻⵏⴷ ⵏ ⵓⵣⴰⵔⵓⴳ [ⵍⵉⵙⵜⵉⵇⵍⴰⵍ] ⵏ ⵜⵎⵓⵔⵜ ⴷ ⵓⵙⵍⴻⵍⵍⵉ-ⵏⵏⴻⵙ », ⵢⴻⵔⵏⴰ ⵢⴻⵏⵏⴰ-ⴷ ⴰⵢⴰ ⴷⴻⴳ ⵓⵎⵢⴰⴳⴻⵔ ⴰⵢⴷⴻⴳ ⵃⴻⴷⵕⴻⵏ ⴷⴰⵖ ⵢⵉⵎⵓⵔⴰ ⵉⵎⵓⵜⴰ ⵏ ⵜⵓⴷⴷⵙⵉⵡⵉⵏ ⵜⵉⵖⴻⵍⵏⴰⵡⵉⵏ ⵏ ⵢⵉⵎⵊⴰⵀⴷⴻⵏ, ⵏ ⵡⴰⵔⵔⴰⵡ ⵏ ⵢⵉⵎⴻⵖⵔⵓⵙⴻⵏ ⴷ ⵡⴰⵔⵔⴰⵡ ⵏ ⵢⵉⵎⵊⴰⵀⴷⴻⵏ.

ⵍⴷⵣⴰⵢⴻⵔ ⴰⴷ ⵜⴻⵇⵇⵉⵎ ⴷⵉⵎⴰ « ⵜⴻⴹⴹⴻⴼ ⵙ ⵜⵉⵙⵎⵉⵏ ⴷⴻⴳ ⵓⵎⴻⵣⵔⵓⵢ-ⵏⵏⴻⵙ ⴰⵏⴻⵙⴱⴰⵖⵓⵔ ⵢⴻⵔⵏⴰ ⴷⵉⵎⴰ ⴰⵎⴻⵣⵔⵓⵢ-ⴰ ⴰⴷ ⴰⵙ-ⴷ-ⵉⵎⴻⵍ ⴰⴱⵔⵉⴷ ⵉ ⵍⴷⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵇⵇⵉⵎ ⵜⵎⵓⵔⵜ-ⴰ ⵜⴻⵍⴷⵉ ⵖⴻⴼ ⵓⵎⴰⴹⴰⵍ ⴷ ⵡⴰⵣⴰⵍⴻⵏ ⵏ ⵜⴰⵍⵙⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ.

ⵜⵉⴼⴰⴳⵍⵉⵡⵉⵏ ⵜⵓⵏⵚⵉⴱⵉⵏ ⵏ ⵓⵎⵎⴻⴽⵜⵉ ⵏ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945, ⵢⴻⵙⵙⴻⵍⵡⵉ-ⵜⴻⵏⵜ ⵎⴰⵙⵙ ⵣⵉⵜⵧⵓⵏⵉ, ⵢⴻⵔⵏⴰ ⵜⴻⵍⵍⴰ-ⴷ ⴷⴻⴳ-ⵙⴻⵏⵜ ⵜⴻⴷⵇⵉⵇⵜ ⵏ ⵜⵙⵓⵙⵎⵉ ⴷ ⵓⵙⵙⵉⵡⴻⴹ ⵏ ⵕⵕⴻⵃⵎⴰ ⴷⴻⴳ ⵜⵎⴻⵇⴱⴻⵔⵜ ⵏ ⵙⵉⴷⵉ-ⵙⴰⵉⴷ, ⴷⴻⴳ ⵙⴹⵉⴼ, ⴷⴻⴳ ⵓⵎⴽⵓⵥ ⴰⵢ ⴷ-ⵀⴻⵢⵢⴰⵏ ⴷ ⵜⴰⵊⵎⵉⵍⵜ ⵉ ⵜⵎⴻⵔⵡⵉⵏ-ⵏⵏⵉ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⵡⴻⵏⵖⴻⵏ ⵢⴻⵔⵏⴰ ⴹⴻⵢⵢⵔⴻⵏ-ⵜⴻⵏ ⴷⴻⴳ ⵢⵉⵡⴻⵜ ⵏ ⵜⴻⵙⵔⴰⴼⵜ ⵜⵓⵛⵔⵉⴽⵜ.

ⴰⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵢⴻⵃⴷⴻⵕ, ⴷⴰⵖ, ⴷⴻⴳ ⵓⵎⵕⴰⵃ ⵏ ⵓⵣⴰⵔⵓⴳ, ⵙⴷⴰⵜ ⵜⴼⴻⵡⵡⴰⵕⵜ ⵏ ⵄⵉⵏ ⵍⴼⴻⵡⵡⴰⵕⴰ, ⵉ ⵛⵛⵏⴰ ⵏ ⵢⵉⵎⴻⵙⵖⴻⵔⵜⴻⵏ (ⵏⵏⴰⵛⵉⴷⴰⵜ) ⵙ ⵜⵓⵖⴰⵛ ⵏ 300 ⵏ ⵢⵉⵏⴻⵍⵎⴰⴷⴻⵏ ⵏ ⵢⵉⵖⴻⵔⴱⴰⵣⴻⵏ ⵏ ⵙⴹⵉⴼ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵣⴰ ⴷⴻⴳ ⵓⵙⵔⵉⵔ ⵏ ⵉⵏⵜⴻⵔⵏⴻⵜ ⵏ ⴰⵍⴳⴻⵔⵉⴻ ⵜⴻⵍⴻⵛⵧⵎ, ⵖⴻⴼ ⵢⵉⵡⴻⵜ ⵏ ⵜⴻⵎⵣⵉⴽⴽⴻⵏⵜ ⵏ ⵢⵉⵖⴻⴹⵎⴻⵏ (ⵜⵜⵡⴰⵎⴱⴻⵔ) ⴰⵢ ⴷ-ⵢⴻⴼⴼⵖⴻⵏ ⵉ ⵍⵎⴻⵏⴷ ⵏ 8 ⵎⴰⵢⵓ 1945. ⴰⵏⴻⵖⵍⴰⴼ ⵢⴻⵔⵣⴰ ⴷⴰⵖ ⵖⴻⴼ ⵜⵎⴻⵙⵔⵉⵜ ⵜⴰⴳⵔⴰⴽⴰⵍⵜ ⵏ ⵜⵥⵓⵔⵉⵢⵉⵏ ⵜⵉⵙⵙⵉⵍⵖⴰⵏⵉⵏ ⴷⴻⴳ ⵜⵣⴻⵖⵖⴰ ⵏ ⵜⵎⴻⵖⵔⵉⵡⵉⵏ ⵏ ⵜⵖⵉⵡⴰⵏⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵃⴷⴻⵕ ⴷⴻⴳ ⵢⵉⵡⴻⵜ ⵏ ⵜⴻⵎⵙⵉⵣⵡⴻⵔⵜ ⵏ ⵓⵙⵙⵓⵏⴻⵖ ⵏ ⵢⵉⴳⴻⵔⴷⴰⵏ ⴷⴻⴳ ⵡⵓⵔⵉ ⵏ ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ.

ⵎⴰⵙⵙ ⵜⴰⵢⴻⴱ ⵣⵉⵜⵧⵓⵏⵉ ⵢⴻⵅⵜⴻⵎ ⵜⵉⵔⵣⵉ-ⵏⵏⴻⵙ ⴷⴻⴳ ⵓⵅⵅⴰⵎ ⵏ ⵓⴳⵔⴰⵡ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ ⴰⵏⴷⴰ ⴰⵢ ⴷ-ⵜⴻⵍⵍⴰ ⵢⵉⵡⴻⵜ ⵏ ⵜⴼⴰⴳⵍⴰ ⵢⴻⵙⵙⴻⵡⵍⵉⵡⵉⵍⴻⵏ ⵓⵍ ⵉ ⵍⵎⴻⵏⴷ ⵏ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵉ « ⵢⵉⵏⵎⵓⵀⴰⵍ ⵏ ⵙⴹⵉⴼ » ⴰⵢ ⴷ-ⵢⴻⴼⴽⴰⵏ ⴰⵟⴰⵙ ⵉ ⵍⴷⵣⴰⵢⴻⵔ ⴷ ⵜⴰⵎⴰ ⵏ ⵙⴹⵉⴼ, ⴳⴰⵔ-ⴰⵙⴻⵏ ⴼⴻⵔⵀⴰⵜ ⴰⴱⴱⴰⵙ, ⴰⴷⵓⴽⵜⵓⵔ ⵎⵧⵀⴰⵎⴻⴷ-ⵍⴰⵎⵉⵏⴻ ⴷⴻⴱⴰⴳⵀⵉⵏⴻ ⴷ ⴼⵧⴷⵉⵍ ⴻⵍ ⵧⵓⵔⵜⵉⵍⴰⵏⵉ.

ⵉⵎⴹⴻⴱⴱⴻⵔ ⴰⵇⴱⵓⵔ ⵏ ⵓⵏⴰⴱⴰⴹ, ⴱⴻⵍⴰⵉⴷ ⴰⴱⵙⴻⵙⵍⴰⵎ, ⴰⵢ ⵉⵍⵓⵍⴻⵏ ⴷⴻⴳ ⵄⵉⵏ ⵍⴻⴽⴱⵉⵔⴰ (27 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ-ⴰⴳⵎⵓⴹⴰⵏ ⵏ ⵙⴹⵉⴼ), ⵢⴻⵔⵔⴰ-ⴰⵙ ⴷⴰⵖ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵜⴰⵊⵎⵉⵍⵜ ⴷⴻⴳ ⵜⴼⴰⴳⵍⴰ-ⴰ.