ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴻⴼⴽ ⵓⵅⴻⴷⴷⵉⵎ ⵏ ⵓⵎⵎⴻⴽⵜⵉ ⵉ ⵍⵎⴻⵏⴷ ⵏ ⵓⵙⵜⴻⵄⵕⴻⴼ ⵙ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945

ⵙⴹⵉⴼ – ⵢⴻⵙⵙⴻⴼⴽ ⵓⵅⴻⴷⴷⵉⵎ ⵏ ⵓⵎⵎⴻⴽⵜⵉ ⴷ ⵓⵏⴰⴷⵉ ⴰⵍⵇⴰⵢⴰⵏ ⴷⴻⴳ ⵓⵎⴻⵣⵔⵓⵢ ⴰⴽⴽⴻⵏ ⴰⴷ ⵢⴻⵜⵜⵡⴰⵃⵕⴻⵙ ⵓⵡⴰⵏⴰⴽ ⴰⴼⵕⴻⵏⵙⵉⵙ ⴰⴽⴽⴻⵏ ⴰⴷ ⵢⴻⵙⵜⴻⵄⵕⴻⴼ ⵙ ⵓⴱⵔⵉⴷ ⵓⵏⵚⵉⴱ ⵙ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945 ⴷⴻⴳ ⵍⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⵙⴹⵉⴼ ⵓⵏⵎⴻⵣⵔⵓⵢ ⴳⵉⵍⵍⴻⵙ ⵎⴰⵏⵛⴻⵔⵧⵏ.

ⴰⵅⴻⴷⴷⵉⵎ-ⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵍⵉ ⵙ « ⵓⵎⴱⴰⴷⴷⴻⵍ ⴳⴰⵔ ⵢⵉⵙⴷⴰⵡⴰⵏⴻⵏ ⵉⴷⵣⴰⵢⵔⵉⵢⴻⵏ ⴷ ⵢⴻⴼⵕⴻⵏⵙⵉⵙⴻⵏ ⴰⴽⴽⴻⵏ ⴰⴷ ⴷ-ⴽⴻⵛⴼⴻⵏ ⴰⴽⴽ ⴰⵢⴻⵏ ⵢⴻⵇⵇⵏⴻⵏ ⵖⴻⵔ ⵜⴻⴷⵢⴰⵏⵉⵏ-ⴰ ⵢⴻⵙⵙⴻⵃⵣⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵏⵛⴻⵔⵧⵏ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ ⵖⴻⴼ « ⵜⵏⴻⴳⵣⴰⵔⵉⵏ ⵏ ⵜⴻⵀⵔⴻⵙⵜ [ⵍⵉⵙⵜⵉⵄⵎⴰⵕ] », ⴷ ⵜⵉⵏ ⴰⵢ ⴷ-ⵜⴻⵙⵙⵓⴷⴷⴻⵙ ⵜⴻⵙⴷⴰⵡⵉⵜ ⵏ ⵍⴰⵎⵉⵏⴻ-ⴷⴻⴱⴰⴳⵀⵉⵏⴻ ⴷⴻⴳ ⵙⴹⵉⴼ, ⵙⴷⴻⴼⴼⵉⵔ ⵎⴰ ⵜⴻⵍⵍⴰ-ⴷ ⴷⴻⴳ ⵇⵙⴻⵏⵟⵉⵏⴰ ⴷ ⴳⴰⵍⵎⴰ.

Ɣⴻⴼ ⵍⴻⵃⵙⴰⴱ ⵏ ⵓⵏⵎⴻⵣⵔⵓⵢ-ⴰ, « ⵉⵅⴻⴷⴷⵉⵎⴻⵏ ⵓⵙⵙⵏⴰⵏⴻⵏ ⴰⵢⴷⴻⴳ ⴰⵔⴰ ⵎⵄⴰⵡⴰⵏⴻⵏ ⵢⵉⵏⵎⴻⵣⵔⵓⵢⴻⵏ, ⵉⵎⵙⴻⵏⵎⴻⵜⵜⵉⵢⴻⵏ, ⵉⵎⴻⵙⵏⴰⴼⵙⵉⵢⴻⵏ ⴷ ⵢⵉⵎⴻⵙⵏⴻⵎⴷⴰⵏⴻⵏ ⵖⴻⴼ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945, ⴰⴷ ⴷ-ⴽⴻⵛⴼⴻⵏ ⵜⵉⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ ⵜⵉⴽⵍⵉ ⴰⵔⴰ ⵢⴻⵙⵙⵉⵡⴹⴻⵏ ⴼⵕⴰⵏⵙⴰ ⴰⴽⴽⴻⵏ ⴰⴷ ⵜⴻⵙⵜⴻⵄⵕⴻⴼ ⵙ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵜⴻⴷⵢⴰⵏⵉⵏ ⵏ ⵙⴹⵉⴼ, ⴳⴰⵍⵎⴰ ⴷ ⵅⴻⵔⵔⴰⵟⴰ ».

ⵎⴰⵙⵙ ⵎⴰⵏⵛⴻⵔⵧⵏ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵜⵉⴷⵢⴰⵏⵉⵏ ⵏ 8 ⵎⴰⵢⵓ 1945 « ⵢⴻⴼⴼⴻⵔ-ⵉⵜⴻⵏⵜ ⵓⴷⴰⴱⵓ ⴷ ⵜⵖⴻⵎⵙⴰ ⵏ ⴼⵕⴰⵏⵙⴰ ⵖⴻⴼ ⵓⴳⴷⵓⴷ ⴷⴻⴳ ⴼⵕⴰⵏⵙⴰ ⴷ ⵓⵎⴰⴹⴰⵍ ⴰⵣⴰⵍ ⵏ 60 ⵏ ⵢⵉⵙⴻⴳⴳⴰⵙⴻⵏ », ⵢⴻⵔⵏⴰ ⵙⵙⴻⴷⴷⴰⵏ ⴷⴷⵉⵄⴰⵢⴰ ⵜⴰⴽⴻⵍⵍⴰⵅⵜ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ « ⵜⴰⴽⵔⵉⴹⵜ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵡⵓⵕⵓⴼⵉⵢⴻⵏ ⴷⴻⴳ ⵙⴹⵉⴼ ⵜⵃⴻⵜⵜⴻⵎ ⵜⴰⴷⴱⴻⵍⵜ ⵜⴰⴼⵕⴻⵏⵙⵉⵙⵜ ⴰⴷ ⵜⴻⴳ ⴽⵔⴰ ».

ⵎⴰⵙⵙ ⵎⴰⵏⵛⴻⵔⵧⵏ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⵉⴷⴻⵜ ⴷⵉⵎⴰ ⵜⴻⵜⵜⴱⴰⵏ-ⴷ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⵉⴳⴰⵡⵉⵏ » ⴰⵢ ⵜⴳⴰ ⴼⵕⴰⵏⵙⴰ ⵜⵓⵏⵚⵉⴱⵜ, ⴰⵎ ⵓⵙⴻⵍⵡⴰⵢ ⴼⵔⴰⵏçⵧⵉⵙ ⵀⵧⵍⵍⴰⵏⴷ ⴰⵢ ⵢⴻⵙⵜⴻⵄⵕⴼⴻⵏ ⴷⴻⴳ ⵍⴷⵣⴰⵢⴻⵔ ⴷⴻⴳ 2012 ⵙ « ⵍⵃⵉⴼ ⴰⵢ ⵜⴻⵙⵄⴻⴷⴷⴰ ⴼⵕⴰⵏⵙⴰ ⵖⴻⴼ ⵓⵖⵔⴻⴼ ⴰⴷⵣⴰⵢⵔⵉ » ⴷ ⵜⴻⵊⵎⵉⵍⵜ ⴰⵢ ⵢⴻⵔⵔⴰ ⵓⵎⴰⵔⵓ ⵏ ⵓⵡⴰⵏⴰⴽ ⴰⴼⵕⴻⵏⵙⵉⵙ ⵏ ⵢⵉⵎⴻⵏⵖⴰⵏ ⵉⵇⴱⵓⵔⴻⵏ, ⵊⴻⴰⵏ-ⵎⴰⵔⵛ ⵜⵧⴷⴻⵙⵛⵀⵉⵏⵉ, ⵉ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵖⵍⵉⵏ ⴷⴻⴳ ⵙⴹⵉⴼ, ⴷ ⴰⵢⴻⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴰⴽⵓⴽⵔⵓ ⴰⵔⴰ ⵢⴻⵙⵙⵉⵡⴹⴻⵏ ⴼⵕⴰⵏⵙⴰ ⴰⴷ ⵜⴻⵙⵜⴻⵄⵕⴻⴼ ⵙ ⵜⵎⴰⵙⵉⵜ-ⵏⵏⴻⵙ.

ⴰⵏⵎⴻⵣⵔⵓⵢ-ⴰ ⵢⴻⴱⴷⴻⵔ-ⴷ ⴷⴰⵖ ⴷⴰⴽⴽⴻⵏ ⴽⵔⴰ ⵏ ⵢⵉⵙⴻⵇⵇⵓⵎⴰ ⵏ ⵜⵖⵉⵡⴰⵏⵉⵏ ⵏ ⵜⴻⵎⴷⵉⵏⵉⵏ ⵏ ⴼⵕⴰⵏⵙⴰ ⴷⴻⵖⵔⴻⵏⵜ (ⴱⴱⵓⵟⵉⵏⵜ) ⵉ ⵍⵎⴻⵏⴷ ⵏ ⵓⵙⵜⴻⵄⵕⴻⴼ ⵙ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ ⴷ ⵓⵎⵎⴻⴽⵜⵉ ⵏ ⵓⵎⵓⵍⵍⵉ ⵡⵉⵙ 70 ⵏ ⵜⴻⴷⵢⴰⵏⵜ-ⴰ ⴷⴻⴳ ⵒⴰⵔⵉⵙ, ⵏⴰⵏⵜⴻⵔⵔⴻ ⴷ ⵔⴻⵏⵏⴻⵙ, ⵢⴻⵔⵏⴰ ⴰⵢⴰ ⵢⴻⵎⵎⴰⵍ-ⴷ ⵎⵍⵉⵃ ⴰⴱⴻⴷⴷⴻⵍ.

ⵜⵉⵎⵍⵉⵍⵉⵜ-ⴰ ⵢⴻⵙⵙⵓⴷⴷⴻⵙ-ⵉⵜⵜ ⵓⴳⴻⵣⴷⵓ ⵏ ⵜⴻⵎⵍⵉⵍⵉⵢⵉⵏ ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ 2015 ⵏ ⵢⵉⴷⵍⴻⵙ ⴰⵄⵕⴰⴱ », ⵢⴻⵔⵏⴰ ⵍⵍⴰⵏ-ⴷ ⴷⴻⴳ ⵜⴻⵎⵍⵉⵍⵉⵜ-ⴰ ⴰⵟⴰⵙ ⵏ ⵢⵉⵙⴰⵔⴰⴳⴻⵏ ⴰⵢ ⴷ-ⵢⴻⵙⵙⴰⵡⵍⴻⵏ ⵖⴻⴼ ⵡⵓⴷⵎⴰⵡⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴻⴷⵢⴰⵏⵉⵏ ⵏ 8 ⵎⴰⵢⵓ 1945. ⵜⵉⵎⵍⵉⵍⵉⵜ-ⴰ ⵍⵍⴰⵏⵜ-ⴷ ⴷⴻⴳ-ⵙ ⵛⵛⵀⴰⴷⴰⵜ ⵏ ⵡⵉⴷ ⴰⵢ ⴷ-ⵉⵎⴻⵏⵄⴻⵏ ⵙⴻⴳ ⵜⵏⴻⴳⵣⴰⵔⵉⵏ-ⵏⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵙⵙⴰⵡⵍⴻⵏ ⴽⵔⴰ ⵖⴻⴼ ⵡⴰⴷⴷⵓⴷ « ⵢⴻⵜⵜⵅⴻⵢⵢⵉⴱⴻⵏ » ⵏ ⵢⵉⴽⴰⴱⴰⵔⴻⵏ ⵉⵣⴻⵍⵎⴰⴹⴻⵏ ⵏ ⴼⵕⴰⵏⵙⴰ.

ⵡⵉⴷ ⴰⵢ ⴷ-ⵉⴳⴰⵏ ⵉⵙⴰⵔⴰⴳⴻⵏ ⵙⵙⴰⵡⵍⴻⵏ-ⴷ ⴷⴰⵖ ⵖⴻⴼ ⵜⵏⴻⴳⵣⴰⵔⵉⵏ ⴰⵢ ⵜⴳⴰ ⵜⴻⵀⵔⴻⵙⵜ ⴷⴻⴳ ⵜⴻⴼⵔⵉⵇⵜ ⵜⴰⵙⴻⴱⴳⴰⵙⵜ ⴰⵢ ⵜⴻⵃⴽⴻⵎ ⴼⵕⴰⵏⵙⴰ. ⵜⵉⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ ⵖⴻⴼ « ⵜⵏⴻⴳⵣⴰⵔⵉⵏ ⵏ ⵜⴻⵀⵔⴻⵙⵜ » ⴰⴷ ⵜⴽⴻⵎⵎⴻⵍ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⴻⵙⴷⴰⵡⵉⵜ ⵏ ⴰⴱⴷⴻⵔⵔⴰⵀⵎⴰⵏⴻ ⵎⵉⵔⴰ, ⴷⴻⴳ ⴱⴳⴰⵢⴻⵜ.