ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⵡⴻⵜ-ⴷ ⴷⴻⴳ ⵜⵙⴻⵔⵜⵉⵜ ⵜⵉⵙⵕⴰⵢⵉⵍⵉⵜ ⵏ ⵓⵙⵙⴻⵀⵔⴻⵙ ⴷⴻⴳ ⴼⴰⵍⴻⵙⵟⵉⵏ

ⵍⵇⵓⴷⵙ ⵜⴰⴳⵎⵓⴹⴰⵏⵜ ⵢⴻⵜⵜⵡⴰⴹⴹⴼⴻⵏ – ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⴻⵙⵙⵓⵎⵎⴻⵍ-ⴷ ⴰⵙⵙ ⵏ ⵙⵙⴻⴱⵜ ⴰⴽⴻⵎⵎⴻⵍ ⵏ ⵜⵙⴻⵔⵜⵉⵜ ⵏ ⵓⵙⵙⴻⵀⵔⴻⵙ (ⵍⵉⵙⵜⵉⵄⵎⴰⵕ) ⵜⵉⵙⵕⴰⵢⵉⵍⵉⵜ, ⵢⴻⵔⵏⴰ ⵜⴻⵙⴱⴰⵏ-ⴷ ⵛⵛⴻⴽⴽ-ⵏⵏⴻⵙ ⴷⴻⴳ ⵓⵄⴻⵡⵡⴻⵍ ⵏ ⵉⵙⵕⴰⵢⵉⵍ ⴰⴽⴽⴻⵏ ⴰⴷ ⵜⴻⵎⵛⵉⵡⴻⵕ ⴷ ⵢⵉⴼⴰⵍⴻⵙⵟⵉⵏⵉⵢⴻⵏ ⵙⴷⴻⴼⴼⵉⵔ ⵎⴰ ⵢⴻⴽⵛⴻⴼ-ⴷ ⵓⵏⴰⴱⴰⴹ ⵉⵙⵕⴰⵢⵉⵍⵉ ⴷⴰⴽⴽⴻⵏ ⴰⵜⴰⵏ ⴰⴷ ⵢⴻⴱⵏⵓ 900 ⵏ ⵜⵏⴻⵣⴷⵓⵖⵉⵏ ⵉ ⵢⵉⵎⵀⵓⵔⴰⵙ ⴷⴻⴳ ⵍⵇⵓⴷⵙ ⵜⴰⴳⵎⵓⴹⴰⵏⵜ ⵢⴻⵜⵜⵡⴰⴹⴹⴼⴻⵏ.

« ⵓⵍⴰ ⵎⴰ ⵜⵉⵎⵓⵔⴰ ⵏ ⵓⵎⴰⴹⴰⵍ ⵙ ⵓⵎⴰⵜⴰ ⵄⴻⵢⵢⵏⴻⵏⵜ-ⴰⵙ ⵉ ⵉⵙⵕⴰⵢⵉⵍ ⴰⴽⴽⴻⵏ ⴰⴷ ⵜⴻⵃⴱⴻⵙ ⵜⴰⵙⴻⵔⵜⵉⵜ-ⵏⵏⴻⵙ ⵏ ⵓⵙⵙⴻⵀⵔⴻⵙ, ⵜⴰⵎⵓⵔⵜ-ⴰ ⵎⴰⵣⴰⵍ-ⵉⵜⵜ ⵜⵄⴻⵡⵡⴻⵍ ⴰⴽⴽⴻⵏ ⴰⴷ ⵜⵜ-ⵜⴽⴻⵎⵎⴻⵍ ⵢⴻⵔⵏⴰ ⴰⵢⴰ ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⵜⵉⴼⵔⴰⵜ ⵏ ⵙⵉⵏ ⵏ ⵢⵉⵡⴰⵏⴰⴽⴻⵏ [ⴷⴷⵓⵍⴰⵜ], ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴽⵛⴰⵎ ⵛⵛⴻⴽ ⴷⴻⴳ ⵏⵏⴻⵢⵢⴰ ⵉ ⵍⵎⴻⵏⴷ ⵏ ⵓⵎⵜⴰⵡⴰ ⴰⵔⴰ ⴷ-ⵢⵉⵍⵉⵏ ⵙ ⵍⴻⵎⵛⴰⵡⵕⴰⵜ ⴰⴽⴽⴻⴷ ⵢⵉⴼⴰⵍⴻⵙⵟⵉⵏⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

« ⵜⵉⵀⵔⴰⵙ ⴼⴼⵖⴻⵏⵜ ⵉ ⵍⵇⴰⵏⵓⵏ ⴰⴳⵔⴰⵖⵍⴰⵏ. ⵜⴰⴷⵓⴽⵍⵉ ⵜⵓⵕⵓⴼⵉⵜ ⴷ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ-ⵙ ⵄⴻⵡⵡⵍⴻⵏⵜ ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⵍⵇⴰⵏⵓⵏ ⴷ ⵢⵉⵎⵜⴰⵡⴰⵢⴻⵏ ⵓⵛⵔⵉⴽⴻⵏ ⵙ ⵍⴻⴽⵎⴰⵍ-ⵏⵙⴻⵏ ⵢⴻⵔⵏⴰ ⵙ ⵜⵉⴷⴻⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵀⵔⴰⵙ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.

ⴰⵙⵙ ⵏ ⵍⴻⵅⵎⵉⵙ, ⵜⵓⴷⴷⵙⴰ ⵜⴰⵔⵏⴰⴱⴰⴹⵜ (ⵧⵏⴳ) ⵏ « ⵜⴰⵍⵡⵉⵜ ⵉⵎⵉⵔ-ⴰ » ⵢⴻⵍⵍⴰⵏ ⵎⴳⴰⵍ ⵓⵙⵙⴻⵀⵔⴻⵙ, ⵜⴻⵏⵏⴰ-ⴷ ⴷⴰⴽⴽⴻⵏ ⵉⵙⵕⴰⵢⵉⵍ ⵜⴻⵇⴱⴻⵍ ⵉⴹⴻⵍⵍⵉ-ⵏⵏⵉ ⵍⴻⴱⵏⵉ ⵏ 900 ⵏ ⵜⵏⴻⵣⴷⵓⵖⵉⵏ ⵉ ⵢⵉⵎⵀⵓⵔⴰⵙ ⴷⴻⴳ ⵍⴷⵓⵇⵙ ⵜⴰⴳⵎⵓⴹⴰⵏⵜ ⵢⴻⵜⵜⵡⴰⴹⴹⴼⴻⵏ.

ⴰⵇⴱⴰⵍ-ⴰ ⵢⴻⵍⵍⴰ-ⴷ ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⴼⴰⵍⴻⵙⵟⵉⵏⵉⵢⴻⵏ ⵙⵙⵓⵎⵎⵍⴻⵏ-ⴷ ⵢⴰⴳⵉ ⴰⵏⴰⴱⴰⴹ ⵏ ⵓⵢⴻⴼⴼⵓⵙ ⵉⵙⵕⴰⵢⵉⵍⵉ ⴰⵢ ⴷ-ⵢⴻⵙⴱⴰⵏⴻⵏ ⵉⵎⴰⵏ-ⵏⵏⴻⵙ ⴷ « ⴰⵏⴰⴱⴰⴹ ⵏ ⵢⵉⵎⵀⵓⵔⴰⵙ ».

ⵜⵉⵎⵓⵔⴰ ⵏ ⵓⵎⴰⴹⴰⵍ ⵙ ⵓⵎⴰⵜⴰ ⵜⵜⵡⴰⵍⵉⵏⵜ ⴷⴰⴽⴽⴻⵏ ⴰⵙⵙⴻⵀⵔⴻⵙ, ⴰⵏⴰⵎⴻⴽ-ⵏⵏⴻⵙ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⵉ ⵢⵉⵖⴰⵔⵉⵎⴻⵏ ⴷⴻⴳ ⵢⵉⴽⴰⵍⵍⴻⵏ ⵢⴻⵜⵜⵡⴰⴹⴹⴼⴻⵏ ⵏⴻⵖ ⴰⵢ ⵜⴻⵇⵇⴻⵏ ⵉⵙⵕⴰⵢⵉⵍ ⵖⴻⵔ ⵡⴰⴽⴰⵍ-ⵏⵏⴻⵙ ⵙⴻⴳ 1967. ⴰⵢⴰ ⵢⴻⵍⵍⴰ-ⴷ ⴷ ⵓⵏⵊⵓⴳ ⴰⵎⴻⵇⵔⴰⵏ, ⵖⴻⴼ ⵍⴻⵃⵙⴰⴱ ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ, ⴷⴻⴳ ⵓⴱⵔⵉⴷ ⵏ ⵜⴰⵍⵡⵉⵜ ⴳⴰⵔ ⵢⵉⵙⵕⴰⵢⵉⵍⵉⵢⴻⵏ ⴷ ⵢⵉⴼⴰⵍⴻⵙⵟⵉⵏⵉⵢⴻⵏ.

ⴰⵏⴻⵖⵍⴰⴼ ⴰⵎⴻⵏⵣⵓ ⵉⵙⵕⴰⵢⵉⵍⵉ ⴱⴻⵏⵊⴰⵎⵉⵏ ⵏⴻⵜⴰⵏⵢⴰⵀⵓ ⵢⴻⴹⴼⴻⵔ ⵜⴰⵙⴻⵔⵜⵉⵜ-ⴰ ⵡⴰⵔ ⴰⵃⴱⴰⵙ, ⵍⴰⴷⵖⴰ ⴷⴻⴳ ⵍⵇⵓⴷⵙ ⵜⴰⴳⵎⵓⴹⴰⵏⵜ ⴰⵏⴷⴰ ⴰⵢ ⴱⵖⴰⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⴷ ⴷ-ⴳⴻⵏ ⵜⴰⵎⴰⵏⴻⵖⵜ ⵏ ⵓⵡⴰⵏⴰⴽ ⴰⵢ ⵙⵙⴰⵔⴰⵎⴻⵏ ⴰⴷ ⵜ-ⵉⴷ-ⵙⴱⴻⴷⴷⴻⵏ.

ⵉⵎⴹⴻⴱⴱⴻⵔ ⴰⴼⴰⵍⴻⵙⵟⵉⵏⵉ ⴰⵄⵍⴰⵢⴰⵏ ⵙⴰⴻⴱ ⴻⵔⴰⴽⴰⵜ ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴰⴽⴽⴻⵏ ⵜⴰⵎⵙⵉⵙⵉⵜ ⵏ ⵓⵏⴰⴱⴰⴹ ⵉⵙⵕⴰⵢⵉⵍⵉ ⴰⵢ ⴷ-ⵉⴳⴰ ⴱⴻⵏⵊⴰⵎⵉⵏ ⵏⴻⵜⴰⵏⵢⴰⵀⵓ ⵜⴻⵍⵍⴰ « ⵎⴳⴰⵍ ⵜⴰⵍⵡⵉⵜ ⴷ ⵓⵔⴽⴰⴷ ».

ⴰⴳⴻⵣⴷⵓ ⵏ ⵓⵡⴰⵏⴰⴽ ⴰⵎⴰⵔⵉⴽⴰⵏⵉ (ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ) ⵢⴻⵙⵙⵓⵎⵎⴻⵍ-ⴷ ⴷⴰⵖ ⵕⵕⴰⵢ-ⴰ « ⵢⴻⵜⵜⵅⴻⵢⵢⵉⴱⴻⵏ » ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⵉ ⵢⵉⵎⵀⵓⵔⴰⵙ ⴷⴻⴳ ⵍⵇⵓⴷⵙ ⵜⴰⴳⵎⵓⴹⴰⵏⵜ ⴰⴷ ⴷ-ⵢⴻⴳⵍⵓ ⵙ ⵢⵉⵅⴻⵚⵚⴰⵔⴻⵏ ».

ⴷⴻⴳ ⵎⴻⵖⵔⴻⵙ ⵏ 2010, ⴰⵏⴻⵖⵍⴰⴼ ⵉⵙⵕⴰⵢⵉⵍⵉ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵢⴻⴽⵛⴻⴼ-ⴷ ⵢⵉⵡⴻⵏ ⵏ ⵓⵖⴰⵡⴰⵙ ⵏ ⵍⴻⴱⵏⵉ ⵏ 1600 ⵏ ⵜⵏⴻⵣⴷⵓⵖⵉⵏ ⴷⴻⴳ « ⵔⴰⵎⴰⵜ ⵙⵀⵍⵧⵎⵧ » ⴰⵏⴷⴰ ⴰⵢ ⵣⴻⴷⵖⴻⵏ ⵢⵉⵎⵀⵓⵔⴰⵙ ⵉⵎⴷⴻⵢⵢⵏⴻⵏ ⵉⵎⴻⴹⴹⵓⵔⴼⴰ. ⴰⵢⴰ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵏⵎⴰⵣⵓⵍ ⵏ ⵓⵙⴻⵍⵡⴰⵢ ⴰⵎⴰⵔⵉⴽⴰⵏⵉ ⵊⵧⴻ ⴱⵉⴷⴻⵏ, ⵢⴻⵔⵏⴰ ⴷ ⴰⵢⴰ ⴰⵢ ⵉⵛⴻⵡⵡⵍⴻⵏ ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵙⵙⴰⵖⴻⵏ ⴳⴰⵔ ⵉⵙⵕⴰⵢⵉⵍ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ.