Asebter amenzawi

Aselway Bouteflika yessawel d umtil-nnes atanzani

LDZAYER TAMANEƔT – Aselway n tegduda, Abdelaziz Bouteflika, yessawel ass n lḥedd d umtil-nnes n Tanzanya, Jakaya Mrisho Kikwete ay d-igan tirzi n 3 n wussan ɣef Ldzayer.

Yella-d udiwenni-a gar-asen s uḥdaṛ n uselway Useqqamu n uɣlan, Abdelkader Bensalah, aneɣlaf amenzu, Abdelmalek Sellal, aneɣlaf n uwanak, anemhal n udiwan n tselwit n tegduda, Ahmed Ouyahia, aneɣlaf n tɣawsiwin n uzɣar, Ramtane Lamamra, aneɣlaf n temguri d lminat, Abdeslem Bouchouareb d uneɣlaf anesmigal n tɣawsiwin n Lmeɣreb d Tefriqt, Abdelkader Messahel.

Aselway n Tanzanya yebda-d ass n ssebt tirzi n uwanak ɣef Ldzayer s uneɛruḍ n uselway n tegduda, Abdelaziz Bouteflika.

Tirzi-a tella-d « i ussejhed n wassaɣen iqburen n tegmat d temsetlelt gar Ldzayer d Tanzanya, yerna ad tili tirzi d tagnit i ‘uɛawed n uqeyyem ummid i umɛawen ucrik d ussukku n tiṭ ɣef yibriden d ttawilat n ussalqey d usnerni n ticcurka ara d-yawin lfayda ».