ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴻⴼⴽ ⴰⴷ ⵏⴻⵙⵄⴻⴷⴷⵉ ⵜⴰⴱⵕⴰⵜ ⵏ ⵛⵛⵓⵀⴰⴷⴰ ⴰⴽⴽⴻⵏ ⴰⴷ ⴷ-ⵜⴻⵇⵇⵉⵎ ⴷⴻⴳ ⵛⵛⴼⴰⵡⴰⵜ

ⵍⴱⵓⵕⵊ ⴱⵓⵄⵕⵉⵕⵉⵊ – ⴰⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⵉⵃⴻⵜⵜⴻⵜ-ⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴱⵓⵕⵊ ⴱⵓⵄⵕⵉⵕⵉⵊ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵏⴻⵙⵙⵉⵡⴻⴹ ⵉ ⵜⵙⵓⵜⵡⵉⵏ ⴰⵢ ⵍⴰ ⴷ-ⵢⴻⵜⵜⴰⵍⵉⵏ ⵜⴰⴱⵕⴰⵜ ⵏ ⵢⵉⵎⴻⵖⵔⵓⵙⴻⵏ ⵏ ⵡⴰⵎⴱⴻⵕ ⴰⴽⴽⴻⵏ ⴰⴷ ⵏⴻⴳ ⵍⴻⵇⵔⴰⵔ ⵉ ⵛⵛⴼⴰⵡⴰⵜ ⵜⵓⵛⵔⵉⴽⵜ.

« ⵉⵍⴻⵎⵥⵉⵢⴻⵏ ⵢⴻⵙⵙⴻⴼⴽ ⴰⴷ ⴼⴻⵕⵃⴻⵏ ⵙ ⵢⵉⵣⵔⵉ ⴷ ⵜⴻⴳⵔⴰⵡⵍⴰ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵅⴻⴷⴷⵉⵎ ⴷⴻⴳ ⵜⵡⵉⵍⴰⵢⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵢⴻⵙⵙⴻⴼⴽ, ⵉ ⵍⵎⴻⵏⴷ ⵏ ⵡⴰⵢⴰ, ⴰⴷ ⵜⵜⵡⴰⵍⴷⵉⵏ ⵢⵉⵙⴰⵍⴰⵢⴻⵏ ⴷ ⵜⴻⵎⵚⵓⴽⵉⵡⵉⵏ ⵏⵉⴹⴻⵏ ⴰⵔⴰ ⵢⴻⵙⵄⵓⵏ ⵜⵜⴰⵡⵉⵍⴰⵜ ⵉⵜⵔⴰⵔⴻⵏ ⵏ ⵜⴻⵍⵖⵓⵜ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵇⵇⵉⵎⴻⵏ ⵍⴷⵉⵏ ⵓⵍⴰ ⵎⵉ ⴰⵔⴰ ⵉⴼⴰⴽ ⵓⵅⴻⴷⴷⵉⵎ ⵏ ⵜⴻⴷⴱⴻⵍⵜ ⵙ ⵓⵎⴰⵜⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵜⵜⵉⵍⵉⵏⵜ ⵜⴻⵎⵍⵉⵍⵉⵢⵉⵏ ⴳⴰⵔ ⵢⵉⴱⴰⵍⵎⵓⴷⴻⵏ ⴷ ⵢⵉⵎⵊⴰⵀⴷⴻⵏ ⴰⴽⴽⴻⵏ ⵉⵏⴻⴳⴳⵓⵔⴰ-ⴰ ⴰⴷ ⴷ-ⵙⴼⴻⵀⵎⴻⵏ ⵉ ⵢⵉⴳⴻⵔⴷⴰⵏ ⵉⴷⵣⴰⵢⵔⵉⵢⴻⵏ ⵜⴰⴱⵖⴻⵙⵜ, ⵜⴰⵙⴹⴰ ⴷ ⵓⵙⴼⴻⵍ ⴰⵢ ⴼⴽⴰⵏ ⵍⴻⵊⴷⵓⴷ-ⵏⵙⴻⵏ ⵉ ⵍⵎⴻⵏⴷ ⵏ ⵜⵎⵓⵔⵜ ».

ⵛⵛⴼⴰⵡⴰⵜ ⵜⵓⵛⵔⵉⴽⵜ ⴷ ⵏⴻⵜⵜⴰⵜ ⴰⵢ ⴷ « ⵕⵕⵓⵃ ⵏ ⵓⵖⵔⴻⴼ », ⵢⴻⵔⵏⴰ ⵉⵙⴰⵍⴰⵢⴻⵏ, ⴰⵎⵎⴰⵙⴻⵏ ⵏ ⵓⵙⴳⵓⵏⴼⵓ ⵏ ⵢⵉⵎⵊⴰⵀⴷⴻⵏ ⴷ ⵜⴻⵎⵇⴻⴱⵔⵉⵏ ⵏ ⵢⵉⵎⴻⵖⵔⵓⵙⴻⵏ ⴰⵜⵏⵉ ⴷⴰ ⴰⴽⴽⴻⵏ « ⴰⴷ ⴷ-ⵙⵎⴻⴽⵜⵉⵏ ⵉ ⵜⵙⵓⵜⵡⵉⵏ ⵏ ⵡⴰⵙⵙ-ⴰ ⴷ ⵓⵣⴻⴽⴽⴰ ⵜⴰⴱⵕⴰⵜ ⵏ ⵢⵉⵎⴻⵖⵔⵓⵙⴻⵏ ⴰⵢ ⵢⴻⴼⴽⴰⵏ ⵜⵓⴷⴻⵔⵜ-ⵏⵙⴻⵏ ⵉ ⵓⵣⴰⵔⵓⴳ ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵣⵉⵜⵧⵓⵏⵉ.

« ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵏⴻⵜⵜⵓ ⴷⴰⴽⴽⴻⵏ ⴰⵖⵔⴻⴼ ⴰⴷⵣⴰⵢⵔⵉ ⵢⴻⴼⴽⴰ ⴰⵙⴼⴻⵍ ⵖⵍⴰⵢⴻⵏ ⴰⴽⴽⴻⵏ ⴰⴷ ⴷ-ⵢⴻⵔⵔ ⵜⵉⵍⴻⵍⵍⵉ-ⵏⴻⵏⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ « ⵉⵏⴻⵄⵔⵓⴹⴻⵏ-ⵏⵏⵉ ⴽⴰⵏ ⵏ ⵍⴻⵙⵍⴰⵃ ⵉⵎⵉⵖⴻⵙ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵏⴻⵥⵔⵓⴼ ⴰⴷⵣⴰⵢⵔⵉ ⵙⵙⴻⴳⴳⵔⴰⵏ-ⴷ 40.000 ⵏ ⵡⵉⴷ ⵢⴻⵏⴹⴻⵔⵔⴻⵏ, ⵎⴰ ⴷ ⵜⵉⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945 ⴳⵍⴰⵏⵜ ⵙ 45.000 ⵏ ⵢⵉⵎⴷⴰⵏⴻⵏ, ⵢⴻⵔⵏⴰ ⴷ ⵍⵓⵍⵓⴼ ⵏⵉⴹⴻⵏ ⵓⵎⵉ ⴱⴱⵉⵏ ⵉⵖⴼⴰⵡⴻⵏ ⵙ ⵍⴼⵉⵏⴳⴰ ».

ⵎⵉ ⴷ-ⵢⴻⴱⴷⴻⵔ ⵜⴰⵎⵙⴰⵍⵜ ⵏ ⵜⵉⵔⴰⵡⵜ ⵏ ⵓⵎⴻⵣⵔⵓⵢ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⴽⴽⴻⵏ ⵛⵛⵖⴻⵍ-ⴰ « ⵢⴻⵔⵣⴰ ⵉⵎⵏⴰⴷⵉⵢⴻⵏ ⴷ ⵢⵉⵏⵎⴻⵣⵔⵓⵢⴻⵏ, ⵢⴻⵔⵏⴰ ⵎⴰⵛⵉ ⴷ ⵛⵛⵖⴻⵍ ⵏ ⵓⵖⵍⵉⴼ-ⵏⵏⴻⵙ », ⴷ ⴰⵛⵓ ⴽⴰⵏ, ⴰⵖⵍⵉⴼ ⵏ ⵢⵉⵎⵊⴰⵀⴷⴻⵏ ⵢⴻⵙⵙⴻⵃⴱⵉⴱⵉⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵖⴻⴼ ⵓⵍⵇⴰⴹ ⵏ ⵛⵛⵀⴰⴷⴰⵜ, ⴰⵎ ⵡⴰⴽⴽⴻⵏ ⴰⵢ ⵍⴰ ⴷ-ⵉⵃⴻⵙⵙⴻⴱ ⵉⵎⵓⴽⴰⵏ ⵏ ⵓⵄⴻⵜⵜⴻⴱ ⵏ ⴼⵕⴰⵏⵙⴰ, ⵉⵎⵓⴽⴰⵏ ⵏ ⵢⵉⵎⴻⵏⵖⵉ ⴷ ⵢⵉⵥⴻⴽⵡⴰⵏ ⵓⵛⵔⵉⴽⴻⵏ.

ⴷⵖⴰ ⴷⴻⴳ ⵡⴰⵢⴰ, ⵢⴻⴱⴷⴻⵔ-ⴷ ⴰⵎⴻⴷⵢⴰ ⵏ ⵜⴻⵙⴷⴰⵡⵉⵜ ⵏ ⵜⵓⵙⵙⵏⵉⵡⵉⵏ ⵜⵉⵙⵍⴰⵎⵉⵢⵉⵏ ⵏ ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ ⵏ ⵇⵙⴻⵏⵟⵉⵏⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵍⵎⴻⵊⵀⵓⴷ ⵏ ⵓⵍⵇⴰⴹ ⵏ ⵛⵛⵀⴰⴷⴰⵜ ⵙ ⵓⴽⵍⴰⵙ (ⴰⵙⴻⵊⵊⴻⵍ) ⵏ 160 ⵏ ⵜⵙⴰⵄⵜⵉⵏ ⵏ ⵡⴰⵡⴰⵍ ⴷ ⵢⵉⵎⵊⴰⵀⴷⴻⵏ, ⵢⴻⵔⵏⴰ ⵉⴽⵍⴰⵙⴻⵏ-ⴰ ⴰⴷ ⵜⵜⵓⵏⴻⴼⴽⴻⵏ ⵉ ⵓⵖⵍⵉⴼ ⵏ ⵢⵉⵎⵊⴰⵀⴷⴻⵏ.

ⴰⵏⴻⵖⵍⴰⴼ ⵢⴻⴱⴷⴰ-ⴷ ⵜⵉⵔⵣⵉ-ⵏⵏⴻⵙ ⵙ ⵓⵙⵙⵉⵡⴻⴹ ⵏ ⵕⵕⴻⵃⵎⴰ ⵉ ⵢⵉⵎⴻⵖⵔⵓⵙⴻⵏ ⴷⴻⴳ ⵜⵎⴻⵇⴱⴻⵔⵜ ⵏ ⵢⵉⵎⴻⵖⵔⵓⵙⴻⵏ ⵏ ⵍⴱⵓⵕⵊ ⴱⵓⵄⵕⵉⵕⵉⵊ, ⵢⴻⵔⵏⴰ ⵢⴻⵙⵙⴻⴼⵇⴻⴷ, ⴷⴻⴳ ⵜⵓⵣⵣⵢⴰ-ⵏⵏⴻⵙ, ⴰⵎⵎⴰⵙ ⵏ ⵓⵙⴳⵓⵏⴼⵓ ⵏ ⵢⵉⵎⵊⴰⵀⴷⴻⵏ ⴷⴻⴳ ⵃⴻⵎⵎⴰⵎ ⵍⴱⵉⴱⴰⵏ, ⴷⴻⴳ ⵜⵖⵉⵡⴰⵏⵜ ⵏ ⵍⴻⵎⵀⵉⵔ, ⵙⴰⴽⴽⵉⵏ ⵢⴻⵔⵣⴰ ⵖⴻⴼ ⵜⴰⵊⵊⴰⵍⵜ ⵜⴰⵎⴻⵄⴷⵓⵕⵜ ⵏ ⵢⵉⵡⴻⵏ ⵏ ⵓⵎⴻⵖⵔⵓⵙ ⴷⴻⴳ ⵜⵖⵉⵡⴰⵏⵜ ⵏ ⵎⴻⵏⵚⵓⵔⴰ.

ⴰⵏⴻⵖⵍⴰⴼ ⵢⴻⵙⵙⴻⵍⵡⵉ ⴷⴰⵖ ⵜⴰⴼⴰⴳⵍⴰ ⵏ ⵓⵙⴻⵎⵎⵉ ⵏ ⵓⵖⴰⵔⴰⵎ ⵏ 680 ⵏ ⵜⵏⴻⵣⴷⵓⵖⵉⵏ, ⴷ ⵡⵉⵏ ⵓⵎⵉ ⵢⴻⵜⵜⵓⵏⴻⴼⴽ ⵢⵉⵙⴻⵎ ⵏ ⵓⵎⵊⴰⵀⴻⴷ ⴰⵎⴻⵕⵃⵓⵎ ⵍⴰⵀⵛⴻⵏⴻ ⴱⵧⵓⵣⵉⴷⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ ⵢⵉⵎⵊⴰⵀⴷⴻⵏ ⴷⴻⴳ ⵓⵙⴰⵍⴰⵢ ⵏ ⵜⵡⵉⵍⴰⵢⵜ ⵢⴻⵔⵏⴰ ⵢⴻⵙⵙⴻⴷⵇⴻⴷ ⴰⵅⵅⴰⵎ ⵏ ⵜⵎⴻⵀⵍⴰ ⵏ ⵢⵉⵎⵊⴰⵀⴷⴻⵏ ⵏ ⵜⵡⵉⵍⴰⵢⵜ ⵏ ⵍⴱⵓⵕⵊ ⴱⵓⵄⵕⵉⵕⵉⵊ.