ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⴰⴷ ⵜⵓⵔⴰⵔ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ

ⵜⵉⵣⵉ ⵡⴻⵣⵣⵓ – ⵜⴰⵡⵉⵍⴰⵜ ⵏ ⵜⵉⵣⵉ ⵡⴻⵣⵣⵓ ⴰⴷ ⵜⵓⵔⴰⵔ ⴷⴷⵓⵕ « ⴷ ⴰⵎⴻⵇⵔⴰⵏ ⴰⵟⴰⵙ » ⴷⴻⴳ ⵡⴰⵀⵉⵍ ⴰⵖⴻⵍⵏⴰⵡ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵖⴰⵡⴰⵙ ⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ 2015-2019, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⵓⵏⴻⵎⵀⴰⵍ ⴰⵍⴻⵎⵎⴰⵙ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⵏ ⵓⵖⵍⵉⴼ ⵏ ⵓⴳⵎⴰⵔ ⵏ ⵢⵉⵙⴻⵍⵎⴰⵏ ⴷ ⵜⴻⵖⴱⵓⵍⴰ ⵏ ⵓⴳⵎⴰⵔ, ⵎⵓⵙⵜⴰⵒⵀⴰ ⵧⵓⵙⵙⴰⵉⴷ.

ⵉⵎⴹⴻⴱⴱⴻⵔ-ⴰ ⵏⴻⵎⵍⴰⵍ-ⵉⵜ ⴷⴻⴳ ⵓⵥⴻⴼⴼⵓⵏ (60 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ-ⴰⴳⵎⵓⴹⴰⵏ ⵏ ⵜⵉⵣⵉ ⵡⴻⵣⵣⵓ) ⵉ ⵍⵎⴻⵏⴷ ⵏ ⴱⴻⴷⴷⵓ, ⴰⵙⵙ ⵏ ⵙⵙⴻⴱⵜ, ⵏ ⵜⵃⴻⵎⵍⴰ ⵏ ⵢⵉⵙⵓⴳⴰⵏ ⴷ ⵡⵓⴳⴳⵓⴳⴻⵏ ⵉⵥⴻⵔⵡⴰⵍⴻⵏ 2015, ⵢⴻⵔⵏⴰ ⵢⴻⵙⵙⴻⴼⵀⴻⵎ-ⴷ ⴷⴰⴽⴽⴻⵏ ⴷⴻⴳ ⵓⵇⴰⵍⴻⴱ ⵏ ⵓⵖⴰⵡⴰⵙ ⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ ⵏ 2015-2019 ⵏ ⵓⵖⵍⵉⴼ ⵏ ⵓⴳⵎⴰⵔ ⵏ ⵢⵉⵙⴻⵍⵎⴰⵏ, « ⵜⴰⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⴰⴷ ⵜⵓⵔⴰⵔ ⴷⴷⵓⵕ ⴷ ⴰⵎⴻⵇⵔⴰⵏ ⵎⵍⵉⵃ ⴷⴻⴳ ⵓⵙⵙⴻⴼⵄⴻⵍ ⵏ ⵡⴰⵀⵉⵍ ⴰⵖⴻⵍⵏⴰⵡ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ, ⴷ ⵡⵉⵏ ⴰⵔⴰ ⵢⴻⵙⵎⴻⵖⵔⴻⵏ ⴰⴼⴰⵔⴻⵙ ⴰⴷⵣⴰⵢⵔⵉ ⵏ ⵢⵉⵙⴻⵍⵎⴰⵏ ⵢⴻⵜⵜⵡⴰⵕⴻⴱⴱⴰⵏ ».

ⴷⴷⵓⵕ-ⴰ ⴰⴷ ⴰⵙ-ⴷ-ⵉⵚⴰⵃ ⵉ ⵜⵡⵉⵍⴰⵢⵜ-ⴰ ⵉⵎⵉ ⴷ ⵏⴻⵜⵜⴰⵜ ⴰⵢ ⴷ ⵜⴰⵡⵉⵍⴰⵢⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⴰⵢ ⵢⴻⵜⵜⵡⴰⵄⵔⴻⴹ ⵚⵚⴻⵏⴼ-ⴰ ⵏ ⵓⵕⴻⴱⴱⵉ, ⵢⴻⵔⵏⴰ ⵍⴼⵉⵔⵎⴰ ⵜⴰⵎⴻⵣⵡⴰⵔⵓⵜ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⵏ ⵍⴻⴱⵃⴻⵕ ⵜⴻⵣⴳⴰ-ⴷ ⴷⴻⴳ ⵜⴰⴷⴷⴰⵔⵜ ⵏ ⵎⵍⴰⵜⴰ, ⵖⴻⵔ ⵓⵏⴻⴽⵛⵓⵎ ⵓⵜⵔⵉⵎ (ⴰⵖⴻⵔⴱⵉ) ⵏ ⵜⴻⵎⴷⵉⵏⵜ ⵏ ⵓⵥⴻⴼⴼⵓⵏ.

« ⴰⵙⴻⵏⴼⴰⵔ ⴰⵎⴻⵣⵡⴰⵔⵓ ⴷⴻⴳ ⵍⴷⵣⴰⵢⴻⵔ ⵉ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⴷⴻⴳ ⵍⴻⵇⴼⴰⵚ ⵢⴻⵜⵜⵉⴼⵍⵉⵡⴻⵏ ⴷⴻⴳ ⵍⴻⴱⵃⴻⵕ ⵢⴻⵍⵍⴰ-ⴷ ⴷⴻⴳ ⵓⵥⴻⴼⴼⵓⵏ, ⴷⵖⴰ ⴷ ⴰⵢⴰ ⴰⵢ ⵢⴻⵊⵊⴰⵏ ⵜⴰⵎⵏⴰⴹⵜ-ⴰ ⴷ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⴰⴷ ⴹⴹⴼⴻⵏⵜ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵡⴰⵀⵉⵍ ⴰⵖⴻⵍⵏⴰⵡ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⴷⴻⴳ ⵍⴻⴱⵃⴻⵕ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵏⴻⵜⵜⴽⴻⵍ ⴰⵟⴰⵙ ⵖⴻⴼ ⵍⴼⵉⵔⵎⴰ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⵏ ⵓⵥⴻⴼⴼⵓⵏ. ⵍⴼⵉⵔⵎⴰ-ⴰ ⵜⵜⵕⴻⴱⴱⵉⵏ ⴷⴻⴳ-ⵙ ⴰⵇⴰⵔⵓⵙ ⴷ ⵓⵢⵏⴰⵏⴰⵣ ⴷⴻⴳ ⵍⴻⵇⴼⴰⵚ ⵢⴻⵜⵜⵉⴼⵍⵉⵡⴻⵏ ⴷⴻⴳ ⵍⴻⴱⵃⴻⵕ, ⵢⴻⵔⵏⴰ ⴰⵙⴻⴼⵔⴰⴽ ⵏ ⵍⴼⵉⵔⵎⴰ-ⴰ ⵢⴻⵙⵙⴻⵏ ⵚⵚⴻⵏⵄⴰ-ⵏⵏⴻⵙ ⵢⴻⵔⵏⴰ ⵢⴻⵙⵄⴰ ⵜⵜⴻⵊⵕⵉⴱⴰ, ⴰⵎ ⵡⴰⴽⴽⴻⵏ ⴰⵢ ⵍⴰ ⵜⵜ-ⵢⴻⵙⵙⴻⵍⵎⴰⴷ ⴱⴰⵟⴻⵍ ⵉ ⵡⵉⴷ ⴰⵢ ⵢⴻⴱⵖⴰⵏ ⴰⴷ ⵙⵙⴻⴼⵜⵉⵏ ⴷⴻⴳ ⵓⵏⵔⴰⵔ-ⴰ ⴰⴽⴽⴻⵏ ⴰⴷ ⵔⴻⴱⵃⴻⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⵓⵙⵜⴰⵒⵀⴰ ⵧⵓⵙⵙⴰⵉⴷ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵢⴻⵍⵍⴰ ⵢⵉⵡⴻⵏ ⵏ ⵡⴰⵀⵉⵍ ⴷ ⴰⵣⵉⵜⴰⵍ ⵉ ⵍⵎⴻⵏⴷ ⵏ ⵓⵙⵏⴻⵔⵏⵉ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⴰⵎⴰ ⴷⴻⴳ ⵍⴻⴱⵃⴻⵕ, ⴰⵎⴰ ⴷⴻⴳ ⵡⴰⵎⴰⵏ ⵉⵥⵉⴷⴰⵏⴻⵏ, ⵉⵀⴻⵢⵢⴰ-ⵜ-ⵉⴷ ⵓⵖⵍⵉⴼ ⵏ ⵓⴳⵎⴰⵔ ⵏ ⵢⵉⵙⴻⵍⵎⴰⵏ ⵙⴻⴳ-ⴰ ⵖⴻⵔ 2019 ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵜⵎⵓⵔⵜ ⴰⴷ ⴷ-ⵜⵜⴼⴰⵔⴰⵙ ⵓⴳⴰⵔ ⵏ 100 000 ⵏ ⵢⵉⵟⵓⵏⴻⵏ ⵏ ⵢⵉⵙⴻⵍⵎⴰⵏ ⴷⴻⴳ ⵓⵏⵔⴰⵔ-ⴰ ⵏ ⵓⵕⴻⴱⴱⵉ. ⴰⵀⵉⵍ-ⴰ ⴷ ⵡⵉⵏ ⴰⵢⴷⴻⴳ ⴰⵔⴰ ⴷ-ⴳⴻⵏ ⵓⴳⴰⵔ ⵏ 600 ⵏ ⵢⵉⵙⴻⵏⴼⴰⵔⴻⵏ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⴷⴻⴳ ⵡⴰⵎⴰⵏ ⵉⵥⵉⴷⴰⵏⴻⵏ ⴷ ⵍⴻⴱⵃⴻⵕ ⴷⴻⴳ ⵡⴰⴽⴽ ⵜⵉⵎⵉⵡⴰ ⵏ ⵜⵎⵓⵔⵜ, ⴳⴰⵔ-ⴰⵙⴻⵏ 75 ⵏ ⵢⵉⵙⴻⵏⴼⴰⵔⴻⵏ ⴰⴷ ⴷ-ⵉⵍⵉⵏ ⴷⴻⴳ ⵓⵙⴻⴳⴳⴰⵙ-ⴰ ⵏ 2015, ⵢⴻⵔⵏⴰ 20 ⵙⴻⴳ-ⵙⴻⵏ ⴰⴷ ⴷ-ⵉⵍⵉⵏ ⴷⴻⴳ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⴰ ⵙⵙⴻⴼⵔⴰⵢⴻⵏ ⴰⴷ ⴷ-ⴳⴻⵏ, ⴷⴻⴳ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ, 10 ⵏ ⵍⴼⵉⵔⵎⴰⵜ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⵙⴻⴳ-ⴰ ⵖⴻⵔ 2019. ⴽⵔⴰ ⵙⴻⴳ-ⵙⴻⵏⵜ ⴱⴷⴰⵏⵜ ⴰⵅⴻⴷⴷⵉⵎ, ⵎⴰ ⴷ ⵜⵉⵢⴰⴹ, ⵍⴰ ⵜⴻⵏⵜ-ⵉⴷ-ⵜⵜⵀⴻⵢⵢⵉⵏ, ⵢⴻⵔⵏⴰ ⵙⵏⴰⵜ ⵙⴻⴳ-ⵙⴻⵏⵜ ⴰⴷ ⴱⴷⵓⵏⵜ ⴰⴷ ⴷ-ⵜⵜⴰⴽⴼⴻⵏⵜ ⵍⵖⴻⵍⵍⴰ ⴷⴻⴳ ⵓⵣⴳⴻⵏ ⵡⵉⵙ ⵙⵉⵏ ⵏ ⵓⵙⴻⴳⴳⴰⵙ ⵏ 2015.

ⴰⴽⴽⴻⵏ ⴽⴰⵏ ⴰⵔⴰ ⴱⴷⵓⵏⵜ ⵍⴼⵉⵔⵎⴰⵜ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⴰⴷ ⴷ-ⵜⵜⴰⴽⴼⴻⵏⵜ ⵍⵖⴻⵍⵍⴰ, ⴰⴷ ⵢⴻⴱⴷⵓ ⴷⴰⵖ ⵓⵙⵙⴻⴼⵔⵓⵔⴻⵅ ⵏ ⵢⵉⵙⴻⵍⵎⴰⵏ ⵉⵎⴻⵥⵢⴰⵏⴻⵏ ⴷⴻⴳ ⵍⴼⵉⵔⵎⴰⵜ-ⴰ ⴷ ⵓⴼⴰⵔⴻⵙ ⵏ ⵜⵓⵛⵛⵉⵜ ⵏ ⵢⵉⵙⴻⵍⵎⴰⵏ ⴷⴻⴳ-ⵙⴻⵏⵜ, ⵉⵎⵉ ⵉⵙⴻⵍⵎⴰⵏ ⵉⵎⴻⵥⵢⴰⵏⴻⵏ ⴷ ⵜⵓⵛⵛⵉⵜ ⵏ ⵢⵉⵙⴻⵍⵎⴰⵏ ⵍⴰ ⵜⴻⵏ-ⵉⴷ-ⵜⵜⴰⵊⵊⵡⴻⵏ ⵙⴻⴳ ⵜⵎⵓⵔⴰ ⵏ ⵓⵣⵖⴰⵔ, ⵉⵎⵉ ⵜⴰⵙⵡⵉⵄⵜ-ⴰ, ⴰⵙⵙⴻⴼⵜⵉ ⵏ ⵢⵉⴷⵔⵉⵎⴻⵏ ⴷⴻⴳ ⵙⵉⵏ-ⴰ ⵏ ⵢⵉⵏⵓⵔⴰⵔ ⵓⵔ ⴷ-ⵢⴻⵙⵙⴻⴽⵛⴰⵎ ⴰⵔⴰ ⴰⵟⴰⵙ ⵏ ⵢⵉⴷⵔⵉⵎⴻⵏ.

« ⴰⵙⵙⴻⴼⵔⵓⵔⴻⵅ ⵏ ⵢⵉⵙⴻⵍⵎⴰⵏ ⵉⵎⴻⵥⵢⴰⵏⴻⵏ ⵢⴻⵇⵇⴻⵏ ⵖⴻⵔ ⴱⴻⴷⴷⵓ ⵏ ⵓⵅⴻⴷⴷⵉⵎ ⵏ ⵢⵉⵙⴻⵏⴼⴰⵔⴻⵏ-ⴰ, ⵢⴻⵔⵏⴰ ⵙⵙⴻⴼⴽⴻⵏⵜ ⴰⵣⴰⵍ ⵏ 15 ⵖⴻⵔ 20 ⵏ ⵍⴼⵉⵔⵎⴰⵜ ⵏ ⵓⵕⴻⴱⴱⵉ ⵏ ⵢⵉⵙⴻⵍⵎⴰⵏ ⴰⴽⴽⴻⵏ ⴰⴷ ⵜⴻⴱⴷⵓ ⵜⵜⵊⴰⵕⴰ ⵏ ⵓⵙⵙⴻⴼⵔⵓⵔⴻⵅ ⴷ ⵓⵙⵙⴻⵏⵣⵉ ⵏ ⵢⵉⵙⴻⵍⵎⴰⵏ ⵉⵎⴻⵥⵢⴰⵏⴻⵏ. ⵏⵏⵉⴳ ⵡⴰⵢⴰ, ⵍⴼⵉⵔⵎⴰ ⵏ ⵓⵥⴻⴼⴼⵓⵏ ⵜⴻⵙⵄⴰ ⵉⴼⴻⵔⴳⴰⵏ ⵉ ⵍⵎⴻⵏⴷ ⵏ ⵓⵙⵙⴻⴼⵔⵓⵔⴻⵅ ⴷ ⵓⵙⵙⴻⵏⵣⵉ ⵏ ⵢⵉⵙⴻⵍⵎⴰⵏ ⵉⵎⴻⵥⵢⴰⵏⴻⵏ ⵎⵉ ⴰⵔⴰ ⴷ-ⵢⴻⵡⵊⴻⴷ ⴽⵓⵍⴻⵍⵛ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴼⴰⵔⴻⵙ ⵏ ⵜⵓⵛⵛⵉⵜ ⵏ ⵢⵉⵙⴻⵍⵎⴰⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⵍⵓⵣⵉⵏ ⵏ ⵓⴼⴰⵔⴻⵙ ⵏ ⵜⵓⵛⵛⵉⵜ-ⴰ ⵢⴻⵙⵙⴻⴼⴽ ⴰⴷ ⴷ-ⵜⴻⵜⵜⴻⴳ, ⵎⴰ ⵓⵍⴰⵛ, 20 000 ⵏ ⵢⵉⵟⵓⵏⴻⵏ ⵏ ⵜⵓⵛⵛⵉⵜ ⴷⴻⴳ ⵓⵙⴻⴳⴳⴰⵙ ⴰⴽⴽⴻⵏ ⴰⴷ ⵜⴻⵇⵇⴻⵍ ⵜⴻⵙⵄⴰ ⵍⴼⴰⵢⴷⴰ.