ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷⴷⴰⵍⴻⵏ ⵏ ⵢⵉⵎⴻⵄⴷⴰⵕ - ⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵏ ⵜⴽⵓⵔⵜ ⵏ ⵢⵉⵙⵡⵉ: ⵍⴷⵣⴰⵢⴻⵔ ⴰⴷ ⵜⴻⴱⴷⵓ ⵓⵔⴰⵔ ⴷ ⵊⴰⵒⵓⵏ

ⵙⴻⵧⵓⵍ – ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵍⴰⵡⵉⵏ ⵏ ⵜⴽⵓⵔⵜ ⵏ ⵢⵉⵙⵡⵉ ⴰⴷ ⴷ-ⵜⴻⴱⴷⵓ ⵓⵔⴰⵔ-ⵏⵏⴻⵙ ⴷⴻⴳ ⵡⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵏ ⵡⴰⴷⴷⴰⵍⴻⵏ ⵏ ⵢⵉⵎⴻⵄⴷⴰⵕ (ⵉ ⵡⵉⴷ ⵢⴻⵜⵜⵡⴰⵍⵉⵏ) ⴰⵙⵙ ⵏ ⵍⴻⵜⵏⵉⵢⴻⵏ ⵎⴳⴰⵍ ⵜⴻⵖⵍⴰⵎⵜ ⵏ ⵊⴰⵒⵓⵏ, ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ, ⴷⴻⴳ ⵜⴻⴳⵔⴰⵡⵜ ⴱ ⴷⴻⴳ ⵙⴻⵧⵓⵍ (ⴽⵓⵔⴰ ⵏ ⵓⵏⵥⵓⵍ).

ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⴰⴷ ⵜⵓⵔⴰⵔ ⴷⴻⴳ ⵜⴻⴳⵔⴰⵡⵜ-ⴰ ⵖⴻⵔ ⵢⵉⴷⵉⵙ ⵏ ⵊⴰⵒⵓⵏ, ⴽⴰⵏⴰⴷⴰ, ⴽⵓⵔⵢⴰ ⵏ ⵓⵏⵥⵓⵍ), ⵍⴰⵏⴳⵍⵉⵣ, ⵓⵙⵜⵕⴰⵍⵢⴰ, ⵍⴰⵍⵎⴰⵏ ⴷ ⵙⵙⵡⵉⴷ.

ⵜⴰⴳⵔⴰⵡⵜ ⴰ ⵍⵍⴰⵏⵜ ⴷⴻⴳ-ⵙ ⵛⵛⵉⵏⵡⴰ, ⴳⵀⴰⵏⴰ, ⵉⵙⵕⴰⵢⵉⵍ, ⵙⵒⴻⵏⵢⵓⵍ, ⴼⵉⵏⵍⴰⵏⴷ, ⵍⴻⴳⵔⵉⴳ, ⵓⴽⵕⴰⵏⵢⴰ ⴷ ⴷⴰⵏⵎⴰⵕⴽ.

ⴷ ⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⵜⴻⵜⵜⴻⴽⴽⴰ ⴰⵔⴰ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵍⴰⵡⵉⵏ ⴷⴻⴳ ⵡⵓⵔⴰⵔⴻⵏ-ⴰ ⵉⵎⴰⴹⵍⴰⵏⴻⵏ, ⵢⴻⵔⵏⴰ ⵙⴷⴻⴼⴼⵉⵔ ⵏ ⵊⴰⵒⵓⵏ, ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⴰⴷ ⵜⵓⵔⴰⵔ ⵎⴳⴰⵍ ⵜⵉⵏ ⵏ ⴽⴰⵏⴰⴷⴰ (ⴰⵙⵙ ⵏ ⵜⵜⵍⴰⵜⴰ), ⵙⴰⴽⴽⵉⵏ ⵎⴳⴰⵍ ⵜⵉⵏ ⵏ ⵙⵙⵡⵉⴷ (ⴰⵙⵙ ⵏ ⵍⴰⵕⴻⴱⵄⴰ), ⵙⴰⴽⴽⵉⵏ ⵎⴳⴰⵍ ⴽⵓⵔⵢⴰ ⵏ ⵓⵏⵥⵓⵍ ⴷ ⵍⴰⵏⴳⵍⵉⵣ (ⴰⵙⵙ ⵏ ⵍⴻⵅⵎⵉⵙ), ⵙⴰⴽⴽⵉⵏ ⵎⴳⴰⵍ ⵜⵉⵏ ⵏ ⵓⵙⵜⵕⴰⵍⵢⴰ ⴷ ⵜⵉⵏ ⵏ ⵍⴰⵍⵎⴰⵏ (ⴰⵙⵙ ⵏ ⵍⵊⴻⵎⵄⴰ).

ⴽⵓⵥⴻⵜ (4) ⵏ ⵜⴻⵖⵍⴰⵎⵉⵏ ⵜⵉⵎⴻⵣⵡⵓⵔⴰ ⵏ ⵢⴰⵍ ⵜⴰⴳⵔⴰⵡⵜ ⴰⴷ ⵓⵔⴰⵔⴻⵏⵜ ⴷⴻⴳ ⵜⵉⵙ ⴽⵓⵥⴻⵜ ⵏ ⵜⵏⴻⴳⴳⴰⵔⵓⵜ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵙⵙⴻⴱⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⵎⴰ ⴷ ⴰⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴷ ⵜⵏⴻⴳⴳⴰⵔⵓⵜ ⴰⴷ ⴷ-ⵉⵍⵉⵏⵜ ⴰⵙⵙ ⵏ ⵍⵃⴻⴷⴷ.

« ⵜⴰⵖⵍⴰⵎⵜ ⵏ ⵜⵍⴰⵡⵉⵏ ⵏ ⵜⴽⵓⵔⵜ ⵏ ⵢⵉⵙⵡⵉ ⴷ ⵜⴰⵎⴰⵢⵏⵓⵜ ⵢⴻⵔⵏⴰ ⴰⴷ ⵜⴼⴰⵕⴻⵙ, ⵙⴻⴳ ⵡⵓⵔⴰⵔⴻⵏ-ⴰ ⵉⵎⴰⴹⵍⴰⵏⴻⵏ ⵏ ⵙⴻⵧⵓⵍ, ⴰⴽⴽⴻⵏ ⴰⴷ ⵜⴻⵙⵙⴻⵡⵊⴻⴷ ⵉⵎⴰⵏ-ⵏⵏⴻⵙ ⴰⴽⴽⴻⵏ ⵉⵡⴰⵜⴰ ⵉ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⴽⵓⵔⵜ ⵏ ⵢⵉⵙⵡⵉ ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⵎⴱⴻⵕ, ⵢⴻⵔⵏⴰ ⵙ ⵜⴻⵍⵖⵓⵖⴰ-ⴰ ⴰⵔⴰ ⵄⴻⴷⴷⵉⵏⵜ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ ⵔⵉⵧ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴻⴼⵀⴻⵎ ⵜⴷⵉⴼⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍⴻⵏ ⵏ ⵢⵉⵎⴻⵄⴷⴰⵕ.

ⵎⴻⵏⵖⵉⵔ ⵜⴰⴽⵓⵔⵜ ⵏ ⵢⵉⵙⵡⵉ ⵏ ⵜⵍⴰⵡⵉⵏ, ⵍⴷⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⴷⴻⴳ ⵙⵉⵏ ⵏ ⵡⴰⴷⴷⴰⵍⴻⵏ ⵏⵉⴹⴻⵏ ⴷⴻⴳ ⵡⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵏ ⴽⵓⵔⵢⴰ ⵏ ⵓⵏⵥⵓⵍ (ⵙⴻⴳ 10 ⵖⴻⵔ 18 ⵎⴰⵢⵓ 2015). ⵡⵉ ⴷ ⵜⴰⵜⵍⵉⵜⵉⵜ ⴷ ⵓⵊⵓⴷⵓ.

ⴷⴻⴳ ⵓⵊⵓⴷⵓ, ⴰⵜⵜⴻⴽⴽⵉ ⵏ ⵢⵉⴷⵣⴰⵢⵔⵉⵢⴻⵏ ⴰⴷ ⴷ-ⵢⵉⵍⵉ ⴰⵙⵙ ⵏ ⵍⴰⵕⴻⴱⵄⴰ, ⴷ ⴰⵙⵙ ⴰⵢⴷⴻⴳ ⴰⵔⴰ ⵏⵏⴰⵖⴻⵏ ⵢⵉⵔⴳⴰⵣⴻⵏ ⵏ ⴷⴷⴰⵡ ⵏ 60 ⴽⴳ, ⵢⴻⵔⵏⴰ ⴰⴷ ⵢⴻⵜⵜⴻⴽⴽⵉ ⴷⴻⴳ ⵡⴰⵢⴰ ⵓⵍⵖⵓⵖ ⵏ ⵓⵎⴰⴹⴰⵍ, ⵎⵧⵓⵍⵧⵓⴷ ⵏⵧⵓⵔⴰ, ⴷ ⴱⴻⵍⴰⴱⴻⵙ ⵎⵧⵀⴰⵎⴻⴷ ⴽⴰⵎⴻⵍ. ⴰⴷ ⵜⵜⴻⴽⴽⵉⵏ ⴷⴰⵖ ⵢⵉⵔⴳⴰⵣⴻⵏ ⵏ ⴷⴷⴰⵡ ⵏ 66 ⴽⴳ, ⵢⴻⵔⵏⴰ ⴰⴷ ⵢⵉⵍⵉ ⴳⴰⵔ-ⴰⵙⴻⵏ ⵓⴷⵣⴰⵢⵔⵉ ⵙⵉⴷ ⴰⵍⵉ ⵍⴰⵎⵔⵉ. ⴰⵀⵉⵍ ⵏ ⵡⴰⵙⵙ ⵏ ⵍⴰⵕⴻⴱⵄⴰ ⴰⴷ ⵏⵏⴰⵖⴻⵏⵜ ⴷⴰⵖ ⴷⴻⴳ-ⵙ ⵜⵍⴰⵡⵉⵏ ⵏ ⴷⴷⴰⵡ ⵏ 57 ⴽⴳ ⴷ ⴷⴷⴰⵡ ⵏ 70 ⴽⴳ.

ⵓⵙⵙⴰⵏ ⵏ ⵍⴻⵅⵎⵉⵙ ⴷ ⵍⵊⴻⵎⵄⴰ ⴰⴷ ⴷ-ⵉⵍⵉⵏ ⴷⴻⴳ-ⵙ ⵢⵉⵎⴻⵏⵖⵉⵡⴻⵏ ⵏ ⵡⴰⴼⴼⴰⵙ (ⵜⵓⴽⴽⵙⴰ) ⴷ ⵢⵉⵎⴻⵏⵖⵉⵢⴻⵏ ⵏ ⵜⵏⴻⴳⴳⴰⵔⵓⵜ ⵏ ⵜⴰⴳⴳⴰⵢⵉⵏ ⵏⵉⴹⴻⵏ, ⵙ ⵓⵜⵜⴻⴽⴽⵉ ⵏ ⵢⵧⵓⵛⴻⴼ ⵔⴰⴷⵊⴰⵉ, ⴰⴱⴷⴻⵍⴰⵧⵓⵉ ⵛⵀⴻⵔⵉⵏⴻ, ⵎⴻⵀⴷⵉ ⵎⴻⵙⴽⵉⵏⴻ, ⵜⴰⵀⴰⵔ ⵀⵉⴷⴻⴱ ⴷ ⵢⴰⵛⵉⵏⴻ ⵛⵀⴻⴽⴽⴰⵍⵉ. ⵜⵉⵏⴻⴳⴳⵓⵔⴰ ⵙ ⵜⴻⵖⵍⴰⵎⵉⵏ ⴰⴷ ⴷ-ⵉⵍⵉⵏⵜ ⴰⵙⵙ ⵏ ⵙⵙⴻⴱⵜ.

ⴷⴻⴳ ⵜⴰⵜⵍⵉⵜⵉⵜ, ⵍⴷⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⵙ ⴼⵉⵔⴰⵙ ⴱⴻⵏⵜⵔⵉⴰ ⴰⵢ ⵉⵄⴻⴷⴷⴰⵏ ⵖⴻⵔ ⵜⵏⴻⴳⴳⴰⵔⵓⵜ ⵏ ⵜⴻⵎⵙⵉⵣⵡⴻⵔⵜ ⵏ ⵜⴻⵖⵣⴻⴼ (ⵜ11), ⵍⵢⵏⴷⴰ ⵀⴰⵎⵔⵉ (ⵜⴻⵖⵣⴻⴼ ⵜ12), ⵏⴰⵛⴻⵔⴻⴷⴷⵉⵏⴻ ⴽⴰⵔⴼⴰⵙ (ⵜⵉⵎⵙⵉⵣⵣⵍⵉⵏ ⵏ 5000 ⵏ ⵍⵎⵉⵜⵔⴰⵜ ⴷ 10000 ⵏ ⵍⵎⵉⵜⵔⴰⵜ, ⵜ12) ⴷ ⴰⴱⴷⴻⵍⴰⵜⵉⴼ ⴱⴰⴽⴰ (ⵜ13) ⴷⴻⴳ ⵜⴻⵎⵙⵉⵣⵣⵍⵉⵏ ⵏ ⵓⵣⴳⴻⵏ ⵏ ⵓⵖⴻⵣⴼⴰⵏ.

« ⴰⴷ ⴷ-ⵏⴻⵔⴱⴻⵃ ⵜⵉⵣⴰⵍⵖⵉⵡⵉⵏ ⴷ ⵜⴻⵏⵇⵉⴹⵉⵏ » ⵉ ⵍⵎⴻⵏⴷ ⵏ ⵓⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ ⵔⵉⵧ ⵏ 2016 ⴷ ⵉⵙⵡⵉ ⴰⵢ ⴷ-ⵜⴳⴰ ⵉ ⵢⵉⵎⴰⵏ-ⵏⵏⴻⵙ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍⴻⵏ ⵏ ⵢⵉⵎⴻⵄⴷⴰⵕ ⴷⴻⴳ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵡⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵏ ⵙⴻⵧⵓⵍ.