ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴰⵟⴰⵏⵥⴰⵏⵉ ⵉⵡⴻⴽⴽⴻⴷ-ⴷ ⵍⴻⴱⵖⵉ ⵏ ⵜⵎⵓⵔⵜ-ⵉⵙ ⵉ ⵡⴻⵙⵏⴻⵔⵏⵉ ⵏ ⵍⴻⵎⵄⵉⵡⵏⴰ ⴰⴽⴽ ⴷ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ- ⴰⵙⴻⵍⵡⴰⵢ ⴰⵟⴰⵏⵥⴰⵏⵉ, ⵊⴰⴽⴰⵢⴰ ⵎⵔⵉⵙⵀⵧ ⴽⵉⴽⵡⴻⵜⴻ ⵉⵡⴻⴽⴽⴻⴷ-ⴷ ⴰⵙⵙ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⴱⴻⵍⵍⵉ ⵜⵉⵔⵣⴰ-ⵉⵏⴻⵙ ⵖⴻⵔ ⵜⵎⵓⵔⵜ ⵏ ⵍⴻⵣⵣⴰⵢⴻⵔ ⵜⵓⵙⴰ-ⴷ ⴰⴽⴽⴻⵏ ⴰⴷ ⵜⵕⴻⵚⵚⵉ ⴰⵙⵙⴰⵖ ⵢⴻⵍⵍⴰⵏ ⴳⴻⵔ ⵙⵏⴰⵜ ⵏ ⵜⵎⵓⵔⴰ ⴷ ⵓⵏⴻⴳⵎⵓ ⴷⵉ ⵢⴰⵍ ⴰⵃⵔⵉⵛ ⵍⴰⴷⵖⴰ ⵜⴰⴷⴰⵎⵙⴰ. ⴷⴻⴳ ⵡⴰⵡⴰⵍ ⴷ-ⵢⴻⵏⵏⴰ ⵉ ⵢⵉⵎⴰⵡⵍⴰⵏ ⵉⵙⴰⵍⵍⴻⵏ ⴷⴻⴼⴼⵉⵔ ⵓⴷⵉⵡⴻⵏⵏⵉ ⴷ-ⵢⴻⵍⵍⴰⵏ ⴳⴰⵔ-ⴰⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵙⴻⵍⵡⴰⵢ ⴰⵟⴰⵏⵥⴰⵏⵉ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵔⵣⴰ ⵏ ⴷⴷⴻⵡⵍⴰ ⵖⴻⵔ ⵍⴻⵣⵣⴰⵢⴻⵔ ⴷ ⵜⵉⵏ ⵉⴼⴰⵣⴻⵏ ⴰⵛⴽⵓ ⵉⵙⵉⵏ ⵉⴷⵉⵙⴰⵏ ⵅⴻⴷⵎⴻⵏ ⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵍⴻⵎⵄⵉⵡⵏⴰ ⵉⴵⴰⵀⴷⴻⵏ ⵍⴰⴷⵖⴰ ⴷⴻⴳ ⵡⴻ^ⵃⵔⵉⵛ-ⵉⵙ ⴰⴷⴰⵎⵙⴰⵏ. ⴷⴻⴼⴼⵉⵔ ⵎⵉ ⴷ-ⵉⴱⴷⴻⵔ ⴱⴻⵍⵍⵉ ⵍⴻⵎⵅⴰⵍⵟⴰⵜ ⴳⴻⵔ ⵙⵏⴰⵜ ⵏ ⵜⵎⵓⵔⴰ ⴷ ⵜⵉⴷ ⵉⴼⴰⵣⴻⵏ ⵏⴻⵣⵣⴰⵀ, ⵉⵏⴻⴱⴳⵉ ⵏ ⵍⴻⵣⵣⴰⵢⴻⵔ ⵢⴻⵙⵎⴻⴽⵜⴰ-ⴷ ⴷ ⴰⴽⴽⴻⵏ « ⴰⵛⵃⴰⵍ ⵉⵏⴻⵍⵎⴰⴷⴻⵏ ⴷ ⵜⵏⴻⵍⵎⴰⴷⵉⵏ ⵉⵟⴰⵏⵥⴰⵏⵉⵢⴻⵏ ⵢⴻⵇⵇⴰⵕⴻⵏ ⴷⵉ ⵍⴻⵣⵣⴰⵢⴻⵔ ⴷⵉ ⵢⴰⵍ ⵜⴰⵏⴳⴰ ⵙⴻⴳ ⵜⵓⵊⵊⵢⴰ ⵖⴻⵔ ⵜⵊⴻⵏⵢⵓⵕⵉⵜ » ⵢⴻⵏⵏⴰ ⴱⴻⵍⵍⵉ ⴰⵢⴰⴳⵉ « ⴷ ⴰⴼⵓⴷ ⵏ ⵍⴻⵣⵣⴰⵢⴻⵔ ⵉ ⵡⴻⵙⵏⴻⵔⵏⵉ ⵓⵙⵙⵏⴰⵏ ⵏ ⵜⴰⵔⵡⴰ ⵏ ⵜⵎⵓⵔⵜ-ⵉⵡ ». ⵙⴻⴳ ⵢⵉⴷⵉⵙ-ⵏⵏⵉⴹⴻⵏ, ⴰⵙⴻⵍⵡⴰⵢ ⴰⵟⴰⵏⵥⴰⵏⵉ ⵢⴻⵙⵎⴻⴽⵜⴰ-ⴷ ⴰⵢⴻⵏ ⴷ-ⵢⴻⵜⵜⵓⵙⴽⴻⴼⵍⴻⵏ ⴷⴻⴳ ⵡⴻⴳⵏⵉ ⴰⴳⵎⴰⵡⵉ ⴷⵉ ⵜⵎⵓⵔⵜ-ⵉⵙ, ⵖⴻⴼ ⴰⴰⵢⴰⴳⵉ ⵢⴻⵜⵜⴽⴻⵍ ⵖⴻⴼ ⵜⵎⵓⵔⵜ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵙⴼⴰⵢⴷⵉⵏ ⵙⵉ ⵍⴻⴵⵔⵉⴱⴰ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ ⵏ ⵡⴰⵏⵏⴰⵏ ⴰⴽⴽ ⴷ ⵜⵎⵓⵙⵏⵉ ⵜⴰⵎⴰⴹⵕⴰⵏⵜ.
