Asebter amenzawi

Aselway aṭanẓani iwekked-d lebɣi n tmurt-is i wesnerni n lemɛiwna akk d Lezzayer

Lezzayer- Aselway aṭanẓani, Jakaya Mrisho Kikwete iwekked-d ass lḥedd di Lezzayer tamanaɣt belli tirza-ines ɣer tmurt n Lezzayer tusa-d akken ad tṛeṣṣi assaɣ yellan ger snat n tmura d unegmu di yal aḥric ladɣa tadamsa. Deg wawal d-yenna i yimawlan isallen deffir udiwenni d-yellan gar-as d uselway n tegduda Mas Abdelaziz Bouteflika, aselway aṭanẓani yenna-d belli tirza n ddewla ɣer Lezzayer d tin ifazen acku isin idisan xedmen akken ad snernin lemɛiwna iǧahden ladɣa deg we^ḥric-is adamsan. Deffir mi d-ibder belli lemxalṭat ger snat n tmura d tid ifazen nezzah, inebgi n Lezzayer yesmekta-d d akken « acḥal inelmaden d tnelmadin iṭanẓaniyen yeqqaṛen di Lezzayer di yal tanga seg tujjya ɣer tjenyuṛit » yenna belli ayagi « d afud n Lezzayer i wesnerni ussnan n tarwa n tmurt-iw ». Seg yidis-nniḍen, aselway aṭanẓani yesmekta-d ayen d-yettuskeflen deg wegni agmawi di tmurt-is, ɣef aayagi yettkel ɣef tmurt n Lezzayer akken ad d-sfaydin si leǧriba n Lezzayer deg uḥric n wannan akk d tmusni tamaḍṛant.