ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
Seg Tasanayt s tmaziɣt imunen
ⴰⵙⴻⵍⵡⴰⵢ ⴰⵟⴰⵏⵣⴰⵏⵉ ⵢⴻⵙⵙⵓⵍⵉ ⵜⵉⵔⵣⴰ-ⵙ ⵏ ⴷⴷⴻⵡⵍⴰ ⵄⴻⵔ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⴰⵟⴰⵏⵥⴰⵏⵉ, ⵊⴰⴽⴰⵢⴰ ⵎⵔⵉⵙⵀⵧ ⴽⵉⴽⵡⴻⵜⴻ, ⵢⴻⵙⵙⵓⵍⵉ ⴰⵙⵙ ⵏ ⵍⴻⵜⵏⵉⵢⴻⵏ ⵜⵉⵔⵣⴰ ⵏ ⴷⴷⴻⵡⵍⴰ ⵏ ⵜⵍⴰⵜⴰ ⵏ ⵡⵓⵙⵙⴰⵏ ⵙ ⵡⴻⵏⵛⴰⴷ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ. ⴰⵙⴻⵍⵡⴰⵢ ⴰⵟⴰⵏⵥⴰⵏⵉ ⵢⴻⵍⵍⴰ ⵖⴻⵔ ⵢⵉⴷⵉⵙ-ⵉⵙ ⴷⴻⴳ ⵓⵏⴰⴼⴰⴳ ⴰⴳⴻⵔⴰⵖⵍⴰⵏ ⵀⵧⵓⴰⵔⵉ-ⴱⵧⵓⵎⴻⴷⵉⴻⵏⴻ, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵡⴰⵖⵍⴰⵏ, ⵎⴰⵙ ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴰⴽⴽ ⴷ ⵢⵉⵏⴻⵖⵍⴰⴼⴻⵏ ⵏ ⵍⵃⵓⴽⵓⵎⴰ. ⴷⵉ ⵜⵉⵔⵣⴰ-ⵢⴰⴳⵉ, ⴰⵙⴻⵍⵡⴰⵢ ⵏ ⵟⴰⵏⵥⴰⵏⵉ ⵢⴻⵍⵍⴰ ⵢⴻⵎⴷⵉⵡⴻⵏⵏⵉ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ. ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵉ ⵜⵖⴰⵎⵙⴰ ⴷⴻⴼⴼⵉⵔ ⵏ ⵜⴻⵎⵍⵉⵍⵉⵜ-ⴰⴳⵉ, ⴰⵙⴻⵍⵡⴰⵢ ⴽⵉⴽⵡⴻⵜⴻ ⵉⵡⴻⴽⴽⴻⴷ-ⴷ ⴱⴻⵍⵍⵉ ⵜⵉⵔⵣⴰ-ⵉⵏⴻⵙ ⵏ ⴷⴷⴻⵡⵍⴰ ⵖⴻⵔ ⵍⴻⵣⵣⴰⵢⴻⵔ ⴷ ⵜⵉⵏ ⵢⴻⵙⵄⴰⵏ ⴰⵣⴰⵍ ⵎⵓⵇⵇⵕⴻⵏ ⴰⵛⴽⵓ ⵉⵙⵉⵏ ⵉⴷⵉⵙⴰⵏ ⵔⵏⴰⵏ ⵍⴵⴰⵀⴷ ⵉ ⵍⴻⵎⵄⵉⵡⵏⴰ ⵢⴻⵇⵇⵡⴰⵏ ⵍⴰⴷⵖⴰ ⴷⴻⴳ ⵡⴻⵃⵔⵉⵛ ⴰⴷⴰⵎⵙⴰⵏ.
