ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴷⵣⴰⵢⴻⵔ-ⵜⴰⵏⵣⴰⵏⵢⴰ: « ⵜⵉⵎⵓⵖⵍⵉⵡⵉⵏ ⵉⵛⴻⵔⴽⴻⵏ » ⵖⴻⴼ ⵜⵍⵓⴼⴰ ⵜⵉⵎⴻⵇⵔⴰⵏⵉⵏ ⴰⵎⴰ ⴷⴻⴳ ⵜⴻⴼⵔⵉⵇⵜ ⵏⴻⵖ ⴷⴻⴳ ⵓⵎⴰⴹⴰⵍ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵍⴷⵣⴰⵢⴻⵔ ⴷ ⵜⴰⵏⵣⴰⵏⵢⴰ ⵙⵙⴻⴽⵏⴻⵏⵜ-ⴷ ⴷⴰⴽⴽⴻⵏ ⵙⵄⴰⵏⵜ « ⵜⵉⵎⵓⵖⵍⵉⵡⵉⵏ ⴷ ⵜⵓⵛⵔⵉⴽⵉⵏ » ⵖⴻⴼ ⵜⴻⵎⵙⴰⵍ ⵜⵉⵎⵏⴰⴹⴰⵏⵉⵏ ⴷ ⵜⴻⴳⵔⴰⵖⵍⴰⵏⵉⵏ ⵜⵉⵎⴻⵇⵔⴰⵏⵉⵏ ⴰⵢⴷⴻⴳ ⵙⵄⴰⵏⵜ ⵏⵏⴼⴻⵄ ⵢⴻⵔⵏⴰ ⵄⴰⵡⴷⴻⵏⵜ ⵡⴻⴽⴽⴷⴻⵏⵜ-ⴷ ⴷⴰⴽⴽⴻⵏ ⴰⵜⴻⵏⵜⵉ ⵄⴻⵡⵡⵍⴻⵏⵜ ⴰⴽⴽⴻⵏ ⴰⴷ ⵊⵊⴻⵏⵜ ⴳⴰⵔ-ⴰⵙⴻⵏⵜ ⵕⵕⵓⵃ-ⵏⵏⵉ ⵏ ⵓⵎⵛⵉⵡⴻⵕ ⴰⵢ « ⵢⴻⵍⵍⴰⵏ ⴷⵉⵎⴰ » ⴷⴻⴳ ⵡⴰⵙⵙⴰⵖⴻⵏ-ⵏⵙⴻⵏⵜ ⵓⵛⵔⵉⴽⴻⵏ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵛⴻⴽⵕⴻⵏⵜ-ⴷ ⴷⴷⵓⵕ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⴼⴻⵔⵔⵓ ⵙ ⵜⴰⵍⵡⵉⵜ ⵏ ⵜⵍⵓⴼⴰ ⴰⵢ ⵢⴻⵔⵣⴰⵏ ⵜⴰⴼⵔⵉⵇⵜ, ⵢⴻⵔⵏⴰ ⵍⴷⵣⴰⵢⴻⵔ ⴷ ⵜⴰⵏⵣⴰⵏⵢⴰ « ⵙⵙⴻⴽⵏⴻⵏⵜ-ⴷ ⴷⴰⴽⴽⴻⵏ ⵜⴻⵛⵖⴻⴱ-ⵉⵜⴻⵏⵜ ⵜⴻⵎⵙⴰⵍⵜ ⵉⵎⵉ ⴰⵢ ⵎⴰⵣⴰⵍ ⵍⵍⴰⵏ ⵢⵉⵃⴻⵊⵊⵓⵊⴰ ⵏ ⵛⵛⵡⴰⵍ ⴷⴻⴳ ⵜⴻⴼⵔⵉⵇⵜ ⴰⵢ ⵉⴹⵓⵔⵔⴻⵏ ⴰⵏⵏⴻⵔⵏⵉ ⴰⴷⴰⵎⵙⴰⵏ ⴷ ⵓⵏⵎⴻⵜⵜⵉ » ⴷⴻⴳ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵢⵉⵡⴻⵏ ⵏ ⵓⵍⵖⵓ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ ⵏ ⵓⵡⴰⵏⴰⴽ ⴰⵢ ⴷ-ⵉⴳⴰ ⵓⵙⴻⵍⵡⴰⵢ ⵏ ⵜⴰⵏⵣⴰⵏⵢⴰ, ⵊⴰⴽⴰⵢⴰ ⵎⵔⵉⵙⵀⵧ ⴽⵉⴽⵡⴻⵜⴻ, ⵙ ⵓⵏⴻⵄⵔⵓⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵉⵙⴻⵍⵡⴰⵢⴻⵏ ⴱⵧⵓⵜⴻⴼⵍⵉⴽⴰ ⴷ ⴽⵉⴽⵡⴻⵜⴻ « ⵄⴰⵡⴷⴻⵏ ⵡⴻⴽⴽⴷⴻⵏ-ⴷ ⵖⴻⴼ ⵓⴱⴷⴰⴷ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵍⵎⴻⵊⵀⵓⴷ ⴰⵢ ⵜⴻⵜⵜⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⵏ ⴰⴷ ⴷ-ⵜⴰⴼ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵉ ⵜⴻⵣⵖⵉⵏⵉⵏ ⴷ ⵜⵍⵓⴼⴰ ⴷⴻⴳ ⵜⴻⴼⵔⵉⵇⵜ ⵢⴻⵔⵏⴰ ⵡⴻⴽⴽⴷⴻⵏⵜ-ⴷ ⴷⴰⵖ ⴷⴰⴽⴽⴻⵏ ⵢⴻⴼⴼⴻⴼⴽ ⴰⴷ ⵅⴻⴷⵎⴻⵏⵜ ⵉ ⵍⵎⴻⵏⴷ ⵏ ⵓⵏⵏⴻⵔⵏⵉ ⴰⴷⴰⵎⵙⴰⵏ ⴷ ⵓⵏⵎⴻⵜⵜⵉ ⴷⴻⴳ ⵓⵎⴻⵏⵥⴰⵡ, ⵍⴰⴷⵖⴰ ⴷⴻⴳ ⵓⵇⴰⵍⴻⴱ ⵏ ⵜⵉⵛⵛⵓⵔⴽⴰ ⵜⴰⵎⴰⵢⵏⵓⵜ ⵉ ⵜⵏⴻⴼⵍⵉⵜ ⵏ ⵜⴻⴼⵔⵉⵇⵜ (ⵏⴻⵒⴰⴷ), ⴰⵢ ⵢⴻⵍⵍⴰⵏ ⴷ ⵜⴰⵎⵓⴷⴻⵎⵜ ⵉⵡⴰⵜⴰⵏ ⵉ ⴼⴻⵔⵔⵓ ⵏ ⵡⵓⴳⵓⵔⴻⵏ ⵢⴻⵙⵄⴰⵏ ⵓⴷⵎⴰⵡⴻⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵜⴻⴼⵔⵉⵇⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.

ⵙⵏⴰⵜ-ⴰ ⵏ ⵜⵎⵓⵔⴰ « ⵄⴰⵡⴷⴻⵏⵜ ⵡⴻⴽⴽⴷⴻⵏⵜ-ⴷ, ⴷⴰⵖ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵅⴻⴷⵎⴻⵏ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵜⵉⴽⵍⵉ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) ⴰⵢ ⴷ-ⵜⵀⴻⵢⵢⴰ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵙ ⵓⵙⵙⴻⴱⴷⴻⴷ ⵏ ⵢⵉⵖⴰⵍⵍⴻⵏ ⵉⴼⵔⵉⵇⵉⵢⴻⵏ ⵙⴻⴳ ⵍⴻⵄⴹⵉⵍ ⴰⴷ ⴷ-ⵜⴻⵡⵊⴻⴷ ⵜⴻⵣⵎⴻⵔⵜ ⵜⴰⴼⵔⵉⵇⵉⵜ ⵏ ⵜⵙⴻⴷⵎⵉⵔⵜ ⵜⴰⵎⵉⵔⴰⵏⵜ ⵉ ⵜⴻⵣⵖⵉⵏⵉⵏ (ⵛⴰⵔⵉⵛ) ».

ⴷⵖⴰ « ⵛⴻⴽⵕⴻⵏⵜ-ⴷ », ⴷⴻⴳ ⵜⴻⵎⵙⴰⵍⵜ-ⴰ « ⴰⵎⵄⴰⵡⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵓⵏⵔⴰⵔ ⵏ ⵜⵖⴻⵍⵍⵉⵙⵜ, ⴷ ⴰⵎⵄⴰⵡⴻⵏ ⵢⴻⵙⵙⴻⴼⵕⴰⵃⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵍⴰⴷⵖⴰ ⴷⴻⴳ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⴷⴻⴳ ⵓⵇⴰⵍⴻⴱ ⵏ ⵓⴽⴰⵍⴰ ⵏ ⵏⵡⴰⵇⵛⵓⵟ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵍⵖⵓ-ⴰ.