ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴷⵣⴰⵢⴻⵔ ⴷ ⵜⴰⵏⵣⴰⵏⵢⴰ ⴳⵔⴻⵏⵜ-ⴷ ⵜⵉⵖⵔⵉ ⵉ ⵢⵉⵎⴰⵍⵉⵢⴻⵏ ⴰⴽⴽⴻⵏ « ⴰⴷ ⵙⵙⴻⵃⴱⵉⴱⵔⴻⵏ » ⵖⴻⴼ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵍⴷⵣⴰⵢⴻⵔ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵍⴷⵣⴰⵢⴻⵔ ⴷ ⵜⴰⵏⵣⴰⵏⵢⴰ ⴳⵔⴻⵏⵜ-ⴷ ⵜⵉⵖⵔⵉ ⵉ ⵡⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ ⴷⴻⴳ ⵎⴰⵍⵉ ⴰⴽⴽⴻⵏ « ⴰⴷ ⵙⵙⴻⵃⴱⵉⴱⵔⴻⵏ » ⵖⴻⴼ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵢ ⵢⴻⵜⵜⵡⴰⵡⴻⵎⵎⵕⴻⵏ ⴷⴻⴳ ⵜⴻⵣⵡⴰⵔⴰ ⵏ ⵎⴻⵖⵔⴻⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⵙⵏⴰⵜ-ⴰ ⵏ ⵜⵎⵓⵔⴰ « ⵙⵙⴻⴽⵏⴻⵏⵜ-ⴷ ⴷⴰⴽⴽⴻⵏ ⵜⴻⵛⵖⴻⴱ-ⵉⵜⴻⵏⵜ ⵜⴻⵎⵙⴰⵍⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵅⵚⴰⵔ ⵏ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ [ⵍⴰⵎⴰⵏ] ⴷⴻⴳ ⵓⴳⴰⴼⴰ ⵏ ⵎⴰⵍⵉ, ⵢⴻⵔⵏⴰ ⵄⴻⵔⴹⴻⵏⵜ-ⴷ ⴰⴽⴽ ⵉⴷⵉⵙⴰⵏ ⵉⵎⴰⵍⵉⵢⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⵢⴻⵔⵏⴰ ⴰⴷ ⵙⵙⴻⵃⴱⵉⴱⵔⴻⵏ ⴷⴻⴳ ⵓⵙⵙⴻⴼⵄⴻⵍ ⵓⵎⵎⵉⴷ ⵏ ⵓⵎⵜⴰⵡⴰ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵓⵛⵔⵉⴽ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴼⴼⵉⵔ ⵜⴻⵔⵣⵉ ⵏ ⵓⵡⴰⵏⴰⴽ ⴰⵢ ⴷ-ⵉⴳⴰ ⵓⵙⴻⵍⵡⴰⵢ ⴰⵜⴰⵏⵣⴰⵏⵉ, ⵊⴰⴽⴰⵢⴰ ⵎⵔⵉⵙⵀⵧ ⴽⵉⴽⵡⴻⵜⴻ ⵖⴻⴼ ⵍⴷⵣⴰⵢⴻⵔ.

ⵙⵏⴰⵜ-ⴰ ⵏ ⵜⵎⵓⵔⴰ ⴳⵔⴻⵏⵜ-ⴷ ⴷⴰⵖ ⵜⵉⵖⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ « ⴰⴷ ⵉⵄⴰⵡⴻⵏ ⵎⴰⵍⵉ ⴷⴻⴳ ⵍⵎⴻⵊⵀⵓⴷ-ⵏⵏⴻⵙ ⵏ ⵓⵏⵏⴻⵔⵏⵉ ⴰⴷⴰⵎⵙⴰⵏ ⴷ ⵓⵏⵎⴻⵜⵜⵉ ».

ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉⵅⴻⴱⴱⴻⵔ ⴰⵙⴻⵍⵡⴰⵢ ⴽⵉⴽⵡⴻⵜⴻ ⵖⴻⴼ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴳⴰⵔ ⵢⵉⵎⴰⵍⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴰⵙ-ⵢⴻⵏⵏⴰ ⴷⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴼⴰⴳⵍⴰ ⵏ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⴰⵙⵙ ⵏ 15 ⵎⴰⵢⵓ ⴷⴻⴳ ⴱⴰⵎⴰⴽⵧ. ⵏⵏⵉⴳ ⵡⴰⵢⴰ, ⵢⴻⵙⵙⴰⵡⴻⵍ-ⴷ ⵖⴻⴼ ⵓⵙⵙⵉⵔⴻⵎ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵙⵜⴻⵏⵢⵉ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ ⴰⵎⵜⴰⵡⴰ-ⴰ « ⴰⵔⴰ ⵉⵃⴻⵔⵣⴻⵏ ⵏⵏⴼⴻⵄ ⵏ ⵡⴰⴽⴽ ⵉⴷⵉⵙⴰⵏ ⵉⵎⴰⵍⵉⵢⴻⵏ ⴷⴻⴳ ⵜⴷⵓⴽⵍⵉ ⴷ ⵓⵃⵔⴰⵣ ⵏ ⵜⵏⴰⵢⴰ ⵏ ⵜⵎⵓⵔⵜ ⵏ ⵎⴰⵍⵉ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⵏⵉⵜ ⵏ ⵍⵉⴱⵢⴰ, ⵉⵙⴻⵍⵡⴰⵢⴻⵏ ⴱⵧⵓⵜⴻⴼⵍⵉⴽⴰ ⴷ ⴽⵉⴽⵡⴻⵜⴻ ⵙⵙⴰⵡⵍⴻⵏ-ⴷ ⵖⴻⴼ « ⵓⵛⵖⴰⴱ ⴰⵍⵇⴰⵢⴰⵏ » ⵓⵎⵉ ⵃⵓⵍⴼⴰⵏ ⵖⴻⴼ ⵓⵅⵚⴰⵔ ⵏ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ ⴷⴻⴳ ⵜⵎⵓⵔⵜ-ⴰ ⴷ ⵍⵎⴰⴹⴻⵔⵔⴰ ⵏ ⵡⴰⵢⴰ ⴰⵎⴰ ⵖⴻⴼ ⵜⴻⴼⵔⵉⵇⵜ, ⴰⵎⴰ ⵖⴻⴼ ⵜⴻⵎⵏⴰⴹⵜ ⵏ ⵙⵙⴰⵃⴻⵍ.

ⵙⵉⵏ-ⴰ ⵏ ⵢⵉⵎⴹⴻⴱⴱⵔⴻⵏ ⴳⵔⴻⵏ-ⴷ ⵜⵉⵖⵍⵎⵉ ⵉ ⵡⴰⴽⴽ ⵉⴷⵉⵙⴰⵏ ⵉⵍⵉⴱⵉⵢⴻⵏ, ⵎⴻⵏⵖⵉⵔ ⵜⵉⴳⵔⴰⵡⵉⵏ ⴰⵢ ⵢⴻⵜⵜⵡⴰⵚⴻⵏⵏⴼⴻⵏ ⴷ ⵜⵉⵔⴻⴱⵔⴰⴱⵉⵏ ⵖⴻⵔ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⴽⴽⴻⵏ « ⴰⴷ ⵜⵜⴻⴽⴽⵉⵏ ⵙ ⵡⵓⵍ ⵣⴻⴷⴷⵉⴳⴻⵏ ⴷⴻⴳ ⵓⵎⵛⵉⵡⴻⵕ ⴰⵢ ⴷ-ⵢⴻⴱⴷⴰ ⵓⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵉⴱⵢⴰ, ⵎⴰⵙⵙ ⴱⴻⵔⵏⴰⵔⴷⵉⵏⵧ ⵍⴻⵧⵏ, ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴰⵔⴰ ⵉⵃⴻⵔⵣⴻⵏ ⵜⴰⴷⵓⴽⵍⵉ, ⵜⵓⵎⵎⴷⴰ ⵏ ⵡⴰⴽⴰⵍ, ⴰⵔⴽⴰⴷ ⵏ ⵜⵎⵓⵔⵜ ⴷ ⵜⴻⴳⵎⴰⵜ ⴷⴻⴳ ⵓⵖⵔⴻⴼ-ⵏⵏⴻⵙ ».

ⴰⵙⴻⵍⵡⴰⵢ ⵏ ⵜⴰⵏⵣⴰⵏⵢⴰ ⵢⴻⵏⵏⴰ-ⴷ « ⵢⵓⵎⴰⵔ » ⵙ ⵍⵎⴻⵊⵀⵓⴷ ⴰⴷⵣⴰⵢⵔⵉ ⴷ ⵓⵙⵙⵓⴷⴷⴻⵙ ⵏ ⵜⴻⵎⵍⵉⵍⵉⵜ ⵜⵉⵙ ⵙⵏⴰⵜ ⴷⴻⴳ ⵡⵓⵙⵙⴰⵏ ⵏ 13 ⴷ 14 ⵢⴻⴱⵔⵉⵔ 2015 ⴰⵢⴷⴻⴳ ⴷ-ⵎⵍⴰⵍⴻⵏ ⵢⵉⵖⴻⵍⵍⴰⵜⴻⵏ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ ⴷ ⵢⵉⵎⴻⵖⵏⴰⵙⴻⵏ ⵉⵍⵉⴱⵉⵢⴻⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷ ⵜⵉⵎⵍⵉⵍⵉⵜ ⴰⵢⴷⴻⴳ ⴰⵢ ⴷ-ⵍⵍⴰⵏ ⵢⵉⵙⵓⵔⵉⴼⴻⵏ ⴷ ⵉⵎⴻⵇⵔⴰⵏⴻⵏ ⵖⴻⵔ ⵙⴷⴰⵜ ⵉ ⵍⵎⴻⵏⴷ ⵏ ⵓⵎⵙⴻⴼⵀⴰⵎ ⵖⴻⴼ ⵓⵎⵜⴰⵡⴰ ⴰⵔⴰ ⵢⴻⴼⵔⵓⵏ ⵜⴰⵍⵓⴼⵜ ⵏ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵍⵖⵓ-ⴰ.