ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⴽⵀⴰⵍⵉⴼⴰ ⴱⴰⵏⴽ: ⴳⵓⴻⵍⵍⵉⵎⵉ ⵢⴻⵏⴽⴻⵕ ⴰⵜⵜⴻⴽⴽⵉ-ⵏⵏⴻⵙ ⴷⴻⴳ ⵓⴷⵖⴰⵍ ⵏ ⵍⴻⴽⵡⴰⵖⴻⴹ

ⵍⴻⴱⵍⵉⴷⴰ – ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⴽⵀⴰⵍⵉⴼⴰ ⵜⵠ ⴷ ⴽⵀⴰⵍⵉⴼⴰ ⴰⵉⵔⵡⴰⵢⵙ ⴷⴻⴳ ⴼⵕⴰⵏⵙⴰ, ⴷⵊⴰⵎⴻⵍ ⴳⵓⴻⵍⵍⵉⵎⵉ, ⵢⴻⵏⴽⴻⵕ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⴱⵍⵉⴷⴰ, ⴰⵜⵜⴻⴽⴽⵉ-ⵏⵏⴻⵙ ⴷⴻⴳ ⵓⴷⵖⴰⵍ ⵏ ⵍⴻⴽⵡⴰⵖⴻⴹ ⵉ ⵍⵎⴻⵏⴷ ⵏ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ.

ⴳⵓⴻⵍⵍⵉⵎⵉ ⵢⴻⵜⵜⵡⴰⵛⴰⵕⴻⵄ ⵖⴻⴼ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵓⵙⵙⴻⴱⴷⴻⴷ ⵏ ⵜⴻⴳⵔⴰⵡⵜ ⵉ ⵓⵙⵙⴻⴼⵙⴻⴷ, ⴰⴷⵖⴰⵍ ⵏ ⵍⴻⴽⵡⴰⵖⴻⴹ, ⵜⵓⴽⴻⵔⴹⴰ ⴷ ⵓⴽⴻⵍⵍⴻⵅ ⵙ ⵜⵉⵏ ⵏ ⵍⴰⵎⴰⵏ, ⵢⴻⵔⵏⴰ ⵢⴻⵏⴽⴻⵕ ⴰⴽⴽ ⵜⵜⴻⵀⵎⴰⵜ-ⴰ.

ⴰⵎⴻⵜⵜⵀⵓⵎ-ⴰ ⵢⴻⵙⵜⴻⵄⵕⴻⴼ ⴷⴰⴽⴽⴻⵏ ⵢⴻⵅⴷⴻⵎ ⴰⵔⵎⵉ ⴷ 1993 ⴷ ⴰⵏⴰⵡⵓⵔ ⴷⴻⴳ ⵍⴱⵉⵔⵓ ⵏ ⵓⵣⴻⵎⵎⴰⵎ ⵧⵎⴰⵔ ⵔⴰⵀⴰⵍ, ⴰⵢ ⵢⴻⵜⵜⵡⴰⵛⴰⵕⵄⴻⵏ ⴷⴰⵖ ⵙ ⵓⴷⵖⴰⵍ ⵏ ⵍⴻⴽⵡⴰⵖⴻⴹ ⵢⴻⵔⵏⴰ ⵉⵄⴻⴷⴷⴰ ⴷⴻⴳ ⵛⵛⵕⴻⵄ ⴰⵙⵙ ⵏ ⵍⵃⴻⴷⴷ.

ⴳⵓⴻⵍⵍⵉⵎⵉ ⵢⴻⵏⵏⴰ-ⴷ ⴷⴰⴽⴽⴻⵏ, ⴰⵙⵎⵉ ⴰⵢ ⵢⴻⵜⵜⴰⵅⴻⵔ ⵙⴻⴳ ⵍⴱⵉⵔⵓ ⵏ ⵔⴰⵀⴰⵍ, ⵢⴻⴱⴷⴰ ⵉⴼⴻⵔⵔⴻⵇ ⵉⵙⴰⴼⴰⵔⴻⵏ ⵢⴻⵔⵏⴰ ⵡⴰ ⴷ ⵛⵛⵖⴻⵍ « ⴰⵢ ⴷ-ⵢⴻⵙⵙⴻⴽⵛⴰⵎⴻⵏ ⴰⵟⴰⵙ ⵏ ⵢⵉⴷⵔⵉⵎⴻⵏ », ⴷⵖⴰ ⵙ ⵡⴰⵢⴰ, ⵓⵔ ⵉⵄⴰⵡⴻⴷ ⴰⵔⴰ ⴰⴷ ⵢⴻⵇⵇⴻⵍ ⵖⴻⵔ ⵍⴱⵉⵔⵓ-ⵏⵏⵉ ⵏ ⵓⵣⴻⵎⵎⴰⵎ.

ⴷ ⴰⵛⵓ ⴽⴰⵏ, ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ ⵢⴻⵏⵏⴰ-ⴰⵙ ⵉ ⴳⵓⴻⵍⵍⵉⵎⵉ ⴷⴰⴽⴽⴻⵏ ⵎⴰⵛⵉ ⴷ ⴰⵢⴰ ⴰⵢ ⴷ-ⵢⴻⵏⵏⴰ ⵉ ⵍⵇⴰⴹⵉ ⵏ ⵓⵃⵜⴰⵛ. ⵏⵏⵉⴳ ⵡⴰⵢⴰ, ⵍⵇⴰⴹⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵍⴰ ⴷ ⵎⵧⵓⵔⴰⴷ ⵉⵙⵙⵉⵔ ⵉⴷⵉⵔ (ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⴱⴷⵍ ⵏ ⵙⵟⴰⵡⴰⵍⵉ) ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵎⵎⵓⴳⴻⵔ-ⵉⵜ ⴳⵓⴻⵍⵍⵉⵎⵉ ⴷⴻⴳ ⵍⴱⵉⵔⵓ ⵏ ⵓⵣⴻⵎⵎⴰⵎ ⵔⴰⵀⴰⵍ ⵧⵎⴰⵔ (ⵎⵉ ⵢⴻⵍⵍⴰ ⵓⵏⴻⴳⴳⴰⵔⵓ-ⴰ ⵓⵍⴰⵛ-ⵉⵜ) ⴰⴽⴽⴻⵏ ⴰⴷ ⴰⵙ-ⴷ-ⵢⴻⴳ ⵍⴻⵄⵇⵓⴷⴰⵜ ⵏ ⵓⵕⵀⴰⵏ ⵏ ⵍⴱⴻⵏⵢⴰⵏⴰⵜ ⵉ ⵍⴼⴰⵢⴷⴰ ⵏ ⵜⵡⴰⵛⵓⵍⵜ ⵏ ⴽⵀⴻⵍⵉⴼⴰ.

ⴷ ⴰⵛⵓ ⴽⴰⵏ, ⴳⵓⴻⵍⵍⵉⵎⵉ ⵢⴻⵏⴽⴻⵕ ⴰⵢⴰ ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵍⴱⵉⵔⵓ ⵏ ⵓⵣⴻⵎⵎⴰⵎ ⵔⴰⵀⴰⵍ ⵧⵎⴰⵔ ⵍⵍⴰⵏ ⴷⴻⴳ-ⵙ 9 ⵏ ⵢⵉⵅⴻⴷⴷⴰⵎⴻⵏ ⵏⵉⴹⴻⵏ « ⴰⵢ ⵢⴻⵍⵍⴰⵏ ⵓⵍⴰ ⴷ ⵏⵉⵜⵏⵉ ⵣⴻⵎⵔⴻⵏ ⴰⴷ ⴷⴻⵖⵍⴻⵏ ⵍⴻⵄⵇⵓⴷⴰⵜ », ⵢⴻⵔⵏⴰ ⵢⴻⵏⵏⴰ-ⴷ ⵎⴰⵖⴻⴼ ⴷ ⵏⴻⵜⵜⴰ ⴽⴰⵏ ⴰⵢ ⵢⴻⵜⵜⵡⴰⵜⵜⴻⵀⵎⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵓⵔ ⵢⴻⵍⵍⵉ ⴰⵔⴰ ⴷ ⴰⵅⴻⴷⴷⴰⵎ ⴷⵉⵏ ⴰⵙⵎⵉ ⴰⵢ ⴷ-ⵜⴻⵍⵍⴰ ⵜⴻⴷⵢⴰⵏⵜ-ⴰ.

ⴷⴻⴳ 2007, ⴰⵎⴻⵜⵜⵀⵓⵎ ⴳⵓⴻⵍⵍⵉⵎⵉ ⴷⵊⴰⵎⴻⵍ ⵜⵜⵡⴰⵃⴻⴽⵎⴻⵏ ⴼⴻⵍⵍ-ⴰⵙ 15 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ ⴷⴻⴳ ⵜⴻⵎⵙⴰⵍⵜ-ⴰ, ⴷ ⵓⵅⴻⵍⵍⴻⵚ ⵏ ⵍⴻⵅⴹⴻⵢⵢⴰ ⵏ 14 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.

ⵙ ⵓⵊⴻⵎⵎⴰⵍ, 71 ⵏ ⵢⵉⵎⴻⵜⵜⵀⵓⵎⴻⵏ (ⵙⴷⴻⴼⴼⵉⵔ ⵎⴰ ⵎⵎⵓⵜⴻⵏ 5 ⵏⵉⴹⴻⵏ) ⴰⵢ ⵍⴰ ⵢⴻⵜⵜⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴷⴻⴳ ⵜⴻⵎⵙⴰⵍⵜ-ⴰ, 21 ⵙⴻⴳ-ⵙⴻⵏ ⴰⵜⵏⵉ ⴷⴻⴳ ⵍⵃⴻⴱⵙ ⴷⴻⴳ ⵡⴰⴽⵓⴷ ⴰⵢⴷⴻⴳ ⵡⵉⵢⴰⴹ ⵍⴰ ⵜⵜⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴷ ⵉⵍⴻⵍⵍⵉⵢⴻⵏ.

ⵎⴻⵏⵖⵉⵔ ⵉⵎⵛⴻⵜⴽⵉⵢⴻⵏ ⴷ ⵡⵉⴷ ⴰⵢ ⵢⴻⵏⴹⴻⵔⵔⴻⵏ, ⵓⴳⴰⵔ ⵏ 300 ⵏ ⵢⵉⵏⴰⴳⴰⵏ ⵓⵎⵉ ⴰⵔⴰ ⴷ-ⵙⵍⴻⵏ ⴷⴻⴳ ⵜⴻⵎⵙⴰⵍⵜ-ⴰ.