ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵧⵓⵍⴷ ⵙⴰⵍⴻⴽ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⵃⵓⴷⴷⴻⵏ ⴰⵙⵙ ⴰⵢⴷⴻⴳ ⴰⵔⴰ ⴷ-ⵜⵉⵍⵉ ⵜⵙⴻⴼⵔⴰⵏⵜ ⵉ ⵓⵏⴻⵥⵔⵓⴼ ⵓⵜⵔⵉⵎ

ⵉⴳⵔⵉⵔⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ – ⴰⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵎⵧⵀⴰⵎⴻⴷ ⵙⴰⵍⴻⵎ ⵧⵓⵍⴷ ⵙⴰⵍⴻⴽ, ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⵃⵓⴷⴷⴻⵏ ⴰⵣⴻⵎⵣ ⴰⵢⴷⴻⴳ ⴰⵔⴰ ⴷ-ⵜⵉⵍⵉ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⴰⵢⴷⴻⴳ ⴰⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ ⵢⴻⵔⵏⴰ ⴰⴷ ⵉⴼⴰⴽ ⵓⵙⵙⴻⵀⵔⴻⵙ (ⵍⵉⵙⵜⵉⵄⵎⴰⵕ) ⴰⵎⴻⵕⵕⵓⴽⵉ ⴷⴻⴳ ⵜⵎⵓⵔⵜ-ⴰ « ⵉ ⵍⴻⴱⴷⴰ ».

« ⴰⵏⴰⴱⴰⴹ ⴰⵚⴻⵃⵔⴰⵡⵉ ⴰⴷ ⵢⴻⵙⵙⵓⵜⴻⵔ ⵉ ⵓⵎⴰⵣⵓⵏ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⴰⴽⴽⴻⵏ ⴰⴷ ⴷ-ⵉⵃⵓⴷⴷ ⴰⵣⴻⵎⵣ ⴰⵢⴷⴻⴳ ⴰⵔⴰ ⴷ-ⵜⵉⵍⵉ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵉⴼⴰⴽ ⵓⵙⵙⴻⵀⵔⴻⵙ ⴰⵎⴻⵕⵕⵓⴽⵉ ⴰⵢ ⵢⴻⴹⴹⴼⴻⵏ 40 ⵏ ⵢⵉⵙⴻⴳⴳⴰⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⵍⴷ ⵙⴰⵍⴻⴽ ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.

ⴰⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⵙⵓⵜⴻⵔ-ⴰ ⴰⴷ ⴷ-ⵢⵉⵍⵉ ⴷⴻⴳ ⵜⵇⴰⵛⵓⵛⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⵔⴰ ⴷ-ⵢⵉⵍⵉⵏ ⴷⴻⴳ ⵢⵓⵏⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ, ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵉⴷⵓⴱⴰ ⵉⵚⴻⵃⵔⴰⵡⵉⵢⴻⵏ « ⵡⴻⵊⴷⴻⵏ ⴰⴽⴽⴻⵏ ⴰⴷ ⴷ-ⵙⵙⵓⴷⴷⵙⴻⵏ ⵜⴰⵙⴻⴼⵔⴰⵏⵜ-ⴰ ⴷⴻⴳ ⵢⴰⵍ ⵜⴰⵙⵡⵉⵄⵜ ».

ⵎⴰⵙⵙ ⵧⵓⵍⴷ ⵙⴰⵍⴻⴽ ⵉⴳⴻⵔ-ⴷ ⵜⴰⵎⴰⵡⵜ ⴷⴰⴽⴽⴻⵏ ⵎⴻⵕⵕⵓⴽ « ⵜⴻⵣⴳⴰ ⵍⴰ ⵜⴻⵏⵜ-ⵜⴻⵙⵙⴻⵄⵔⴰⵇ ⴰⴽⴽⴻⵏ ⵓⵔ ⴷ-ⵜⴻⵜⵜⵉⵍⵉ ⴰⵔⴰ ⵜⵙⴻⴼⵔⴰⵏⵜ-ⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴳⴻⵍⴷⴰ ⵜⴰⵎⴻⵕⵕⵓⴽⵉⵜ « ⵍⴰ ⵜⵄⴻⵔⵔⴻⴹ, ⵙ ⵡⴰⵢⴰ, ⴰⴷ ⴷ-ⵜⴻⵔⴱⴻⵃ ⴰⴽⵓⴷ, ⴰⵎ ⵡⴰⴽⴽⴻⵏ ⴰⵢ ⵍⴰ ⵜⵄⴻⵔⵔⴻⴹ ⴰⴷ ⵜⴻⴼⴽ ⵜⴰⵣⴻⵔⴼⴰ ⵉ ⵓⵙⵙⴻⵀⵔⴻⵙ-ⵏⵏⴻⵙ ».

ⵎⴰⵙⵙ ⵧⵓⵍⴷ ⵙⴰⵍⴻⴽ ⵉⵡⴻⵜ-ⴷ ⴷⴰⵖ ⴷⴻⴳ « ⵜⵙⴻⵔⵜⵉⵜ ⵏ ⴼⵕⴰⵏⵙⴰ ⵢⴻⴽⴽⴰⵜⴻⵏ ⴰⴽⴽⵉⵏ, ⴰⴽⴽⴰ ⴷⴻⴳ ⵓⵎⴽⴰⵏ-ⵏⵏⴻⵙ ⵏ ⵜⵎⴰⵙⵍⴰⴹⵜ ⵜⵉⵎⴻⵣⴳⵉⵜ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵉⵎⵉ ⵙⴻⴳ ⵜⴰⵎⴰ, ⴼⵕⴰⵏⵙⴰ ⵜⴻⴳⴳⴰⵔ-ⴷ ⵉⵎⴰⵏ-ⵏⵏⴻⵙ ⴷⴻⴳ ⴽⵔⴰ ⵏ ⵜⴻⵎⵏⴰⴹⵉⵏ ⵏ ⵓⵎⴰⴹⴰⵍ ⴰⴽⴽⴻⵏ ⴰⴷ ⴷ-ⵜⵃⴻⵜⵜⴻⵎ ⴰⵇⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵎⴰ ⵙⴻⴳ ⵜⴰⵎⴰ ⵏⵉⴹⴻⵏ ⵢⴻⵔⵏⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⵥⵔⵓⴼ ⵓⵜⵔⵉⵎ, ⴼⵕⴰⵏⵙⴰ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵎⴻⵕⵕⵓⴽ ⴰⵢ ⵢⴻⴹⴹⴼⴻⵏ ⵜⴰⵎⵓⵔⵜ-ⴰ ⵢⴻⵔⵏⴰ ⵓⵔ ⵜⴻⵜⵜⵇⴰⴷⴰⵔ ⴰⵔⴰ ⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ-ⵙ ».

ⴰⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵉⴳⴻⵔ-ⴷ ⵜⵉⵖⵔⵉ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉ ⵍⵎⴻⵏⴷ ⵏ ⵓⵙⵙⴻⵎⵖⴻⵔ ⵏ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ (ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ) ⴰⴽⴽⴻⵏ ⴰⴷ ⵜⴻⵙⵄⵓ ⴰⵣⵔⴻⴼ ⴰⴷ ⴷ-ⵜⴻⵍⵀⵓ ⵓⵍⴰ ⵙ ⵜⵄⴻⵙⵙⴰⵙⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ.

ⴷⵖⴰ ⵉⵡⴻⴽⴽⴻⴷ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ, ⵙⴷⴻⴼⴼⵉⵔ 40 ⵏ ⵢⵉⵙⴻⴳⴳⴰⵙⴻⵏ ⵏ ⵢⵉⵎⴻⵏⵖⵉ, « ⵢⴻⵜⵜⵖⵉⵎⵉ-ⴷ ⵉⵄⴻⵡⵡⴻⵍ ⴰⴽⴽⴻⵏ ⴰⴷ ⵉⵖⴻⵍⵍⴻⵜ ⴰⵣⵔⴻⴼ-ⵏⵏⴻⵙ ⵓⵣⵔⵉⴼ ⵏ ⴼⴻⵔⵔⵓ ⵏ ⵡⴰⵎⴻⴽ ⴰⵔⴰ ⵢⵉⵍⵉ ⵓⵣⴻⴽⴽⴰ-ⵏⵏⴻⵙ ⵢⴻⵔⵏⴰ ⴰⴷ ⴷ-ⵢⴻⵔⵔ ⴰⵣⴰⵔⵓⴳ-ⵏⵏⴻⵙ ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⴰⵏⴻⵥⵔⵓⴼ ⵓⵜⵔⵉⵎ ⴷ ⵏⴻⵜⵜⴰⵜ ⴰⵢ ⴷ ⵜⴰⵀⵔⴻⵙⵜ ⵜⴰⵏⴻⴳⴳⴰⵔⵓⵜ ⴰⴽⴽ ⴷⴻⴳ ⵜⴻⴼⵔⵉⵇⵜ ⵢⴻⵔⵏⴰ ⵙⵜⴻⵄⵕⴼⴻⵏⵜ ⵢⴻⵙ-ⵙ 84 ⵏ ⵜⵎⵓⵔⴰ ⴷⴻⴳ ⵓⵎⴰⴹⴰⵍ.

ⵎⴰⵙⵙ ⵧⵓⵍⴷ ⵙⴰⵍⴻⴽ ⵢⴻⵏⵏⴰ-ⴷ ⴷⴰⴽⴽⴻⵏ ⵎⴻⵕⵕⵓⴽ ⵜⴻⵄⵔⴻⴹ ⴰⴷ ⵜⴻⵔⵥ ⴰⵣⴱⵓ ⵏ ⵢⵉⵚⴻⵃⵔⴰⵡⵉⵢⴻⵏ, ⵎⴰⵛⴰ « ⵜⴻⵅⵚⴻⵔ ⵍⴻⵅⵚⴰⵔⴰ ⴷ ⵜⴰⵎⴻⵇⵔⴰⵏⵜ » ⴷⴻⴳ ⵡⴰⵢⴰ. ⵏⵏⵉⴳ ⵡⴰⵢⴰ, « ⵜⵉⴽⵍⵉ ⴰⵢ ⴷ-ⵜⴻⵡⵡⵉ ⵎⴻⵕⵕⵓⴽ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵜⴻⵍⵍⴰ-ⴷ ⵙⵡⴰⵙⵡⴰ ⴽⴰⵏ ⴰⵎ ⵜⵉⴽⵍⵉ ⴰⵢ ⴷ-ⵡⵡⵉⵏ ⴰⴽⴽ ⵡⵉⴷ ⵢⴻⵙⵙⴻⵀⵔⴰⵙⴻⵏ (ⵢⴻⵙⵜⴻⵄⵎⵉⵕⴻⵏ) ⵜⵉⵎⵓⵔⴰ ⴷⴻⴳ ⵓⵎⴰⴹⴰⵍ ».

« ⵎⴻⵕⵕⵓⴽ ⵜⵎⴻⵃⵃⴻⵇ ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵔⵏⴰ ⵜⴻⵏⴽⴻⵕ ⴷⴰⴽⴽⴻⵏ ⵢⴻⵍⵍⴰ, ⴰⵎ ⵡⴰⴽⴽⴻⵏ ⴰⵢ ⵜⴻⵏⴽⴻⵕ ⴷⴰⴽⴽⴻⵏ ⵢⴻⵍⵍⴰ ⵓⵎⵓⵙⵙⵓ ⵉ ⵍⵎⴻⵏⴷ ⵏ ⵓⵙⵍⴻⵍⵍⵉ ⵏ ⵓⵖⵔⴻⴼ-ⴰ ⵢⴻⵔⵏⴰ ⵜⴻⵜⵜⵖⴻⵍⵍⵉⵜ ⴱⴻⵕⵕⴰ ⵉ ⵍⵇⴰⵏⵓⵏ ⵍⵅⵉⵔ ⵏ ⵓⴳⴰⵎⴰ ⵏ ⵜⵎⵓⵔⵜ-ⴰ ⴰⵢ ⵢⴻⵜⵜⵡⴰⵙⵀⴻⵔⵙⴻⵏ, ⵢⴻⵔⵏⴰ ⵜⴻⴹⴹⴻⴼ ⴷⴻⴳ ⵜⵙⴻⵔⵜⵉⵜ-ⵏⵏⴻⵙ ⵏ ⵓⵎⵃⴰⵇ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ.

« ⵎⴻⵕⵕⵓⴽ ⵜⴻⵙⵙⴻⵇⴷⴰⵛ ⴰⵢⴻⵏ ⴰⵢ ⵜⴻⵙⵙⴻⵇⴷⴻⵛ ⵜⵙⴻⵔⵜⵉⵜ ⵏ ⴰⵒⴰⵔⵜⵀⴻⵉⴷ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵙⴻⵇⴷⴰⵛ ⴷⴰⵖ ⵜⴰⵙⴻⵔⵜⵉⵜ ⵏ ⵡⴰⴽⴰⵍ ⵢⴻⵔⵖⴰⵏ ⵏ ⵉⵙⵕⴰⵢⵉⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⵜ ⴷⴻⴳ ⵎⴻⵕⵕⵓⴽ ⴰⵢ ⵍⴰ ⵉⴱⴻⵏⵏⵓⵏ « ⴰⵖⵔⴰⴼ ⵏ ⵍⵄⴰⵕ » ⵏ 2.700 ⵏ ⵢⵉⴽⵉⵍⵓⵎⵉⵜⵔⴻⵏ, ⴷ ⵡⵉⵏ ⵢⴻⵛⵛⵓⵕⴻⵏ ⴷ ⵍⵎⵉⵏⴰⵜ ⴰⴽⴽⴻⵏ ⴰⴷ ⵢⴻⴱⴹⵓ ⵉⴽⴰⵍⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵙⵄⴰⵏ ⵜⵉⵍⴻⵍⵍⵉ ⴷ ⵡⵉⴷ ⴰⵢ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⴰ ⵢⴻⵜⵜⵄⴰⵙⵙⴰ-ⵜ ⵙ ⵡⵓⴳⴰⵔ ⵏ 150.000 ⵏ ⵢⵉⵙⴻⵔⴷⴰⵙⴻⵏ.