ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵍⵎⵓⴷ ⵙ ⵍⴱⴻⵄⴷ: ⵓⴳⴰⵔ ⵏ 459.000 ⵏ ⵢⵉⵏⴻⵍⵎⴰⴷⴻⵏ ⴰⵔⴰ ⵢⴻⵙⵄⴻⴷⴷⵉⵏ ⵉⴽⴰⵢⴰⴷⴻⵏ ⵏ ⵓⵙⵡⵉⵔ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵍⵎⵓⴷ ⴷ ⵓⵙⵙⵉⵍⴻⵖ ⵙ ⵍⴱⴻⵄⴷ (ⵧⵏⴻⴼⴷ) ⴰⴷ ⵜⴻⴱⴷⵓ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⴷ ⴰⵙⴰⵡⴻⵏ ⴰⴽⴰⵢⴰⴷ ⴰⵖⴻⵍⵏⴰⵡ ⵏ ⵓⵙⵡⵉⵔ ⵉ ⵢⵉⵏⴻⵍⵎⴰⴷⴻⵏ ⴰⵢ ⵢⴻⵇⵇⴰⵔⴻⵏ ⵙ ⵍⴱⴻⵄⴷ, ⵢⴻⵔⵏⴰ ⵉⵏⴻⵍⵎⴰⴷⴻⵏ-ⴰ ⵄⴻⴷⴷⴰⵏ ⵉ 459.000 ⴰⵙⴻⴳⴳⴰⵙ-ⴰ.

ⵉⵏⴻⵍⵎⴰⴷⴻⵏ ⵏ ⵓⵙⵡⵉⵔ ⴰⵍⴻⵎⵎⴰⵙ ⵡⵡⴹⴻⵏ ⵖⴻⵔ 161.491, ⵎⴰ ⴷ ⵡⵉⴷ ⵏ ⵓⵙⵡⵉⵔ ⴰⵡⵉⵙⵙⵉⵏ ⵡⵡⴹⴻⵏ ⵖⴻⵔ 289.225, ⴷⵖⴰ ⵙ ⵡⴰⵢⴰ, ⴰⵎⴹⴰⵏ-ⵏⵙⴻⵏ ⵢⴻⵔⵏⴰ ⵙ 1% ⵖⴻⴼ ⵍⴻⵃⵙⴰⴱ ⵏ ⵓⵙⴻⴳⴳⴰⵙ ⵢⴻⵣⵔⵉⵏ.

ⵉⴽⴰⵢⴰⴷⴻⵏ-ⴰ ⴰⴷ ⴹⴹⴼⴻⵏ ⵙⵉⵏ ⵏ ⵡⵓⵙⵙⴰⵏ ⵢⴻⵔⵏⴰ ⵉⵏⴻⵍⵎⴰⴷⴻⵏ ⴰⴷ ⵜⴻⵏ-ⵙⵄⴻⴷⴷⵉⵏ ⴷⴻⴳ ⵢⵉⵖⴻⵔⴱⴰⵣⴻⵏ ⴰⵢ ⵢⴻⵇⵇⵏⴻⵏ ⵖⴻⵔ ⵓⵖⵍⵉⴼ ⵏ ⵓⵙⵙⴻⴳⵎⵉ (ⵜⵜⴻⵕⴱⴻⵢⵢⴰ) ⴰⵖⴻⵍⵏⴰⵡ. ⵙⴻⴳ ⵜⴰⵎⴰ ⵏⵉⴹⴻⵏ, ⵉⴽⴰⵢⴰⴷⴻⵏ-ⴰ ⴰⴷ ⵔⵣⵓⵏ ⵜⵉⵏⴻⴳⵡⴰ ⴰⵢ ⵖⵔⴰⵏ ⵢⵉⵏⴻⵍⵎⴰⴷⴻⵏ-ⴰ ⴷⴻⴳ ⵢⵉⵙⵡⵉⵔⴻⵏ-ⵏⵙⴻⵏ ⴷ ⵢⵉⴼⵓⵔⴽⴰ-ⵏⵙⴻⵏ ⵢⴻⵎⴳⴻⵔⵔⴰⴷⴻⵏ.

ⵉⵙⵡⵉ ⵏ ⵢⵉⴽⴰⵢⴰⴷⴻⵏ-ⴰ ⵏⴻⵜⵜⴰ ⴷ ⴰⵇⴻⵢⵢⴻⵎ ⵏ ⵜⵎⵓⵙⵙⵏⵉⵡⵉⵏ ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵓⵙⴻⴳⴳⴰⵙ ⴰⵖⵓⵔⴱⵉⵣ ⴰⴽⴽⴻⵏ ⴰⴷ ⵣⴻⵎⵔⴻⵏ ⴰⴷ ⵄⴻⴷⴷⵉⵏ ⵖⴻⵔ ⵓⵙⵡⵉⵔ ⴰⵢ ⴷ-ⵢⴻⵜⵜⴻⴷⴷⵓⵏ, ⵢⴻⵔⵏⴰ ⵡⵉⴷ ⴰⵔⴰ ⵉⵄⴻⴷⴷⵉⵏ ⵖⴻⵔ ⵓⵙⵡⵉⵔ ⴰⴷ ⵙⵄⵓⵏ ⵜⴰⵏⴰⴳⴰ ⵏ ⵓⵙⵡⵉⵔ ⴰⵢⵢⴻⵙ ⴰⵔⴰ ⵢⴻⵙⵜⴻⵄⵕⴻⴼ ⵓⵏⴰⴱⴰⴹ ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ⴰⵖⵍⵉⴼⴰⵏ ⵏ 25 ⴷⵓⵊⴻⵎⴱⴻⵒⵔ 1978 ⴰⵢ ⵢⴻⵜⵜⵡⴰⴱⴻⴷⴷⵍⴻⵏ ⵢⴻⵔⵏⴰ ⵢⴻⵜⵜⵡⴰⵙⵙⵎⴻⴷ.

ⵜⴰⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵍⵎⵓⴷ ⴷ ⵓⵙⵙⵉⵍⴻⵖ ⵙ ⵍⴱⴻⵄⴷ ⵜⴻⵎⵄⴰⵡⴰⵏ ⴷ ⵢⵉⵏⴻⵎⵀⴰⵍⴻⵏ ⵏ ⵓⵙⵙⴻⴳⵎⵉ ⴰⴽⴽⴻⵏ ⴰⴷ ⴷ-ⵙⵡⴻⵊⴷⴻⵏ ⴰⴽⴽ ⵜⵜⴰⵡⵉⵍⴰⵜ ⴷ ⵢⵉⵅⴻⴷⴷⴰⵎⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⴷ-ⵉⵍⵉⵏ ⵢⵉⴽⴰⵢⴰⴷⴻⵏ-ⴰ ⴰⴽⴽⴻⵏ ⵉⵡⴰⵜⴰ, ⴷⵖⴰ ⵙ ⵡⴰⵢⴰ, 94.735 ⵏ ⵢⵉⵅⴻⴷⴷⴰⵎⴻⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵢⵉⴽⴰⵢⴰⴷⴻⵏ-ⴰ, ⴳⴰⵔ-ⴰⵙⴻⵏ 91.000 ⵏ ⵢⵉⵙⴻⵍⵎⴰⴷⴻⵏ ⴰⵔⴰ ⵢⴻⵙⵙⴻⵖⵜⵓⵏ (ⵉⵚⴻⵃⵃⴻⵃⴻⵏ). ⵉⴽⴰⵢⴰⴷⴻⵏ-ⴰ ⴰⴷ ⴷ-ⵉⵍⵉⵏ ⴷⴻⴳ 1596 ⵏ ⵢⵉⵎⵓⴽⴰⵏ, ⵢⴻⵔⵏⴰ ⴰⵙⵙⴻⵖⵜⵓ ⴰⴷ ⵢⵉⵍⵉ ⴷⴻⴳ 22 ⵏ ⵢⵉⵎⵓⴽⴰⵏ.

ⵉⴽⴰⵢⴰⴷⴻⵏ-ⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙⴻⵏ ⴷⴰⵖ 31.826 ⵏ ⵢⵉⵎⴻⵃⴱⴰⵙ, ⴷⵖⴰ ⵙ ⵡⴰⵢⴰ, 8,64% ⵙⴻⴳ ⵓⵊⴻⵎⵎⴰⵍ ⵏ ⵡⴰⴽⴽ ⵡⵉⴷ ⴰⵔⴰ ⵢⴻⵜⵜⴻⴽⴽⵉⵏ ⴷ ⵉⵎⴻⵃⴱⴰⵙ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵜⵜⵔⵉⵡⵉⵏ ⵏ ⵢⵉⴽⴰⵢⴰⴷⴻⵏ-ⴰ, ⴷ ⵉⵎⴰⵙⵡⴰⴹⴻⵏ ⴷ ⵢⵉⵙⴻⵍⵎⴰⴷⴻⵏ ⴰⵢ ⵜⴻⵏ-ⵉⴷ-ⵉⵀⴻⵢⵢⴰⵏ ⵙ ⵓⵎⵄⴰⵡⴻⵏ ⴷ ⵢⵉⵙⴻⵍⵎⴰⴷⴻⵏ ⵏ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵢⵉⴽⴰⵢⴰⴷⴻⵏ ⴷ ⵓⵙⵙⵉⵍⴻⵖ ⵙ ⵍⴱⴻⵄⴷ. ⵜⵓⵜⵜⵔⵉⵡⵉⵏ-ⴰ ⵜⵜⵡⴰⵀⴻⵢⵢⴰⵏⵜ-ⴷ ⵙⴻⴳ ⵡⴰⵀⵉⵍⴻⵏ ⵓⵏⵚⵉⴱⴻⵏ ⵏ ⵓⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵢⴻⵔⵏⴰ ⴰⴹⴼⴰⵔ ⵏ ⵢⵉⴽⴰⵢⴰⴷⴻⵏ-ⴰ ⴰⴷ ⴷ-ⵍⵀⵓⵏⵜ ⵢⵉⴷ-ⵙ ⵙⵏⴰⵜ ⵏ ⵜⴻⴳⵔⴰⵡⵉⵏ, ⵜⵉⵏ ⵏ ⵜⴻⴷⴱⴻⵍⵜ ⴷ ⵜⵉⵏ ⵏ ⵢⵉⵙⴻⵍⵎⴰⴷⴻⵏ.

ⴰⵙⵙⴻⵖⵜⵓ ⵏ ⵢⵉⴽⴰⵢⴰⴷⴻⵏ ⵏ ⵓⵙⵡⵉⵔ ⴰⴷ ⴷ-ⵢⵉⵍⵉ ⴳⴰⵔ 16 ⴷ 30 ⵎⴰⵢⵓ 2014 ⵖⴻⴼ ⵍⴻⵃⵙⴰⴱ ⵏ ⵜⵙⴻⴽⴽⵉⵔⵉⵏ ⴰⵢ ⵢⴻⵜⵜⵡⴰⵙⵙⴻⵇⴷⴰⵛⴻⵏ ⴷⴻⴳ ⵢⵉⴽⴰⵢⴰⴷⴻⵏ ⵓⵏⵚⵉⴱⴻⵏ, ⵢⴻⵔⵏⴰ ⵙⵙⵔⴰⴱⴻⵙ ⵉⵍⴻⵎⵎⴰⵙⴻⵏ ⵏ ⵜⵏⴰⵔⵉⵜ-ⴰ ⴰⴷ ⴹⴻⴼⵔⴻⵏ ⵜⵉⴷⴷⵉⵜ ⵏ ⵓⵙⵙⴻⵖⵜⵓ-ⴰ ⵙ ⵉⵏⵜⴻⵔⵏⴻⵜ.