Asebter amenzawi

Ugar n 32.000 n yimeḥbas ara yettekkin deg yikayaden n uswir seg wass n ttlata d asawen

LDZAYER TAMANEƔT – Azal n 32.045 n yimeḥbas ay yemmeṛkan akken ad ttekkin deg yikayaden-nsen n uswir n tgara n useggas aɣurbiz akken ad ɛeddin ɣer uswir ay d-yetteddun, ɣef wakken ay d-yenna uɣlif n teɣdemt deg yiwen n ulɣu.

Ikayaden-a ad d-ilin deg leḥbas, yerna ad ten-ɛassen yixeddamen n ussegmi (tteṛbeyya) aɣelnaw, ɣef wakken ay d-tenna teɣbalut-a ay d-yernan dakken ikayaden-a ad d-ilin « ddaw leɛnaya n Tnarit taɣelnawt n ulmud d ussileɣ s lbeɛd [ONEFD] s umɛawen d Tnarit taɣelnawt n yikayaden d temsizewrin deg uqaleb n leɛqudat ay d-yellan gar uɣlif n teɣdemt d win n ussegmi aɣelnaw ».

« 24.985 n yimazwaren ara yesɛeddin ikayaden n uswir alemmas, ma d 7.060 ad sɛeddin ikayaden n uswir awissin », ɣef leḥsab n teɣbalut-a.

"2.889 n yimeḥbas ay yemmeṛkan akken ad sɛeddin akayad n lbak, ma d 6.404 niḍen mmeṛkan akken ad sɛeddin akayad n ugerdas n ulmud alemmas deg Yunyu n 2015 », ɣef wakken ay d-yenna.