ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵎⴰⵙ ⴰⵏⴰⴷⴷⴰⵍ ⵏ ⵙⵡⵉⴷⴰⵏⴻⵢⵢⴰ: « ⴷ ⴰⵎⴽⴰⵏ ⵉⴳⴻⵔⵔⵣⴻⵏ ⵉ ⵜⴼⵉⴷⵉⵕⴰⵍⵉⵢⵉⵏ »
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵎⵎⴰⵙ ⵏ ⵓⵙⵙⴻⴳⵔⴻⵡ ⵏ ⵜⴻⵖⵍⴰⵎⵉⵏ ⵜⵉⵖⴻⵍⵏⴰⵡⵉⵏ ⵏ ⵙⵡⵉⴷⴰⵏⴻⵢⵢⴰ (ⵍⵖⴻⵔⴱ ⵏ ⵍⴷⵣⴰⵢⴻⵔ) ⵢⴻⵜⵜⵡⴰⵔⵥⴻⵎ ⵙⵉⵏ ⵏ ⵡⴰⵢⵢⵓⵔⴻⵏ ⴰⵢⴰ, ⵢⴻⵔⵏⴰ ⵢⴻⴱⴷⴰ ⵢⴻⵜⵜⴻⵇⵇⴰⵍ ⴷ ⴰⵎⴽⴰⵏ ⴰⵢ ⵢⴻⵙⵄⴰⵏ ⵛⵛⵉⵄⴰ ⵖⴻⵔ ⵜⴼⵉⴷⵉⵕⴰⵍⵉⵢⵉⵏ ⵜⵉⵏⴰⴷⴷⴰⵍⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵓⵏⴻⵖⵍⴰⴼ ⵏ ⵡⴰⴷⴷⴰⵍ, ⵎⵧⵀⴰⵎⴻⴷ ⵜⴰⵀⵎⵉ.
« ⵙⴷⴻⴼⴼⵉⵔ ⵙⵉⵏ ⵏ ⵡⴰⵢⵢⵓⵔⴻⵏ ⵏ ⵓⵅⴻⴷⴷⵉⵎ, ⵢⴻⴱⴷⴰ ⵡⴰⵎⵎⴰⵙ-ⴰ ⵢⴻⵜⵜⴻⵇⵇⴰⵍ ⴷ ⴰⵎⴽⴰⵏ ⵉⴳⴻⵔⵔⵣⴻⵏ ⵉ ⵜⴼⵉⴷⵉⵕⴰⵍⵉⵢⵉⵏ ⴰⵢ ⵢⴻⵍⵍⴰⵏ ⵜⵜⵛⴻⵜⴽⵉⵏⵜ-ⴷ, ⵏⴰⵇⴰⵍ, ⵖⴻⴼ ⵍⴻⵅⵚⴰⵚ ⵏ ⵢⵉⵎⵓⴽⴰⵏ ⵉⵡⴰⵜⴰⵏ ⵏ ⵡⴰⴷⴷⴰⵍ. ⵓⵎⴰⵔⴻⵖ (ⴼⴻⵕⵃⴻⵖ) ⵙ ⵍⴻⵀⵀⵓ-ⴰ ⵉⴳⴻⵔⵔⵣⴻⵏ ⴷⴻⴳ ⵓⵙⵙⴻⴷⴷⵓ ⵏ ⵡⴰⵎⵎⴰⵙ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵜⴰⵀⵎⵉ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵢⵉⵎⴹⴻⴱⴱⵔⴻⵏ ⵉⴼⵉⴷⵉⵕⴰⵍⵉⵢⴻⵏ ⵏ ⵙⵡⵉⴷⴰⵏⴻⵢⵢⴰ.
ⴷⵖⴰ ⴷⴻⴳ ⵜⴻⴳⵏⵉⵜ-ⴰ, ⴼⵓⵔⵚⴻⵏ ⵢⵉⵙⴻⵍⵡⴰⵢⴻⵏ ⵏ ⵜⴼⵉⴷⵉⵕⴰⵍⵉⵢⵉⵏ ⵏⵏⴰⵏ-ⴰⵙ ⵉ ⵓⵖⵍⵉⴼ ⴰⵢⴻⵏ ⴰⵢ ⵜⴻⵏ-ⵉⵅⵓⵚⵚⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⵓⴽⴰⵏ ⵏ ⵡⴰⴷⴷⴰⵍ, ⵉ ⵍⵎⴻⵏⴷ ⵏ ⵓⵙⵙⴻⵎⵖⴻⵔ ⵏ ⵡⴰⵎⵎⴰⵙ-ⴰ ⵏ ⵙⵡⵉⴷⴰⵏⴻⵢⵢⴰ.
ⴰⵙⵙⴻⵎⵖⴻⵔ-ⴰ ⴰⵜⴰⵏ ⴷⴻⴳ ⵜⴻⴳⵏⵉⵜ ⵏ ⵓⵣⵔⴰⵡ, ⵢⴻⵔⵏⴰ ⴷⴻⴳ ⵜⴰⵣⵡⴰⵔⴰ-ⵏⵏⴻⵙ, ⴰⴷ ⴱⵏⵓⵏ ⵜⴰⵏⴻⵔⴷⴰⴱⵜ ⵜⵓⵍⵉⵎⵒⵉⵜ ⴷ ⵜⴻⵎⴷⴰ ⵏ ⵜⴻⵛⵜⴻⵍⵜ, ⵜⴰⵣⴻⵖⵖⴰ ⵉ ⵡⴰⴷⴷⴰⵍⴻⵏ ⵏ ⵢⵉⵎⴻⵏⵖⵉ, ⴰⵏⵔⴰⵔ ⵏ ⵜⴰⵜⵍⵉⵜⵉⵜ ⴷ ⵢⵉⵡⴻⵜ ⵏ ⵜⵣⴻⵖⵖⴰ ⵜⴰⴽⴽⴰⴷⴷⴰⵍⵜ ⴰⵔⴰ ⵢⴻⵙⵄⵓⵏ ⵜⵉⵚⴻⴷⴷⴰⵔⵉⵏ ⵉ ⵢⵉⵎⴼⴻⵕⵕⵊⴻⵏ.
« ⵏⴻⵙⵙⴻⴳⵔⴻⵡ-ⴷ ⵜⵉⴼⵉⴷⵉⵕⴰⵍⵉⵢⵉⵏ ⴰⴽⴽⴻⵏ ⴰⴷ ⵏⵥⴻⵔ ⴷ ⴰⵛⵓ ⴰⵢ ⵃⵡⴰⵊⴻⵏⵜ ⵢⴻⵔⵏⴰ ⴰⴷ ⴷ-ⵏⴻⵔⵏⵓ ⵜⵜⴰⵡⵉⵍⴰⵜ ⵏⵉⴹⴻⵏ ⴷⴻⴳ ⵓⵅⴻⴷⴷⵉⵎ ⵏ ⵓⵙⵙⴻⵎⵖⴻⵔ ⵏ ⵡⴰⵎⵎⴰⵙ ⵏ ⵙⵡⵉⴷⴰⵏⴻⵢⵢⴰ, ⵏⵏⵉⴳ ⵜⵉⵏ ⴰⵢ ⵏⴻⵎⵎⴻⵕⴽⴰ ⵢⴰⴳⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵢⵉⵍⵉ ⴷⴰⵖ ⴷⵉⵏ ⵍⴻⴱⵏⵉ ⵏ ⵓⵎⵏⴻⵏⵏⵉⴹ ⵏ ⵜⴰⵣⵣⵍⴰ.
ⴰⵎⵎⴰⵙ-ⴰ ⵜⴻⴱⵏⴰ-ⵜ ⵜⴽⴻⴱⴱⴰⵏⵉⵜ ⵜⴰⵎⴰⵚⵔⵉⵜ ⵏ ⴰⵔⴰⴱ ⵛⵧⵏⵜⵔⴰⵛⵜⵧⵔⵙ, ⵢⴻⵔⵏⴰ ⵍⵍⴰⵏ ⴷⴻⴳ-ⵙ 400 ⵏ ⵡⵓⵙⵓⵜⴻⵏ, ⵜⴰⵏⴻⵛⵛⵉⵜ ⴷ ⵜⴰⵎⴻⵇⵔⴰⵏⵜ, ⵜⴰⵣⴻⵖⵖⴰ ⵜⴰⴳⵜⴰⵣⴰⵍⵜ, ⵜⴰⵏⴻⵔⴷⴰⴱⵜ ⵜⵉⵣⴻⴳⵏⵓⵍⵉⵎⵒⵉⵢⵉⵏ (25 ⵏ ⵢⵉⵎⵉⵜⵔⴻⵏ), ⵜⵉⴳⴳⴻⵜ ⵏ ⵓⴷⴰⵡⵉ ⴷ ⵢⵉⵔⵉⵔⵉ ⴷ ⵜⴰⵍⵍⵓⵏⵜ ⵏ ⵓⵙⴳⵓⵏⴼⵓ.
