Asebter amenzawi
Lezzayer-Fṛansa : asenyi n 4 imtawiyen ɣef wecrak adamsan
Lezzayer – Kuẓ (4) n yemtawiyen n wecrak adamsan ttwasenyan, ass n ttlata di Lezzayer tamanaɣt , ger Lezzayer d Fransaa yerzan iḥricen n temguri d usileɣ. Lewfaqat-agi ttwasenyan ɣer yidis n temlilit uqeyyem n terbaɛt tadamsant yemmezdin ger Lezzayer d Fransa (Comefa), yettwaselwin sɣur aneɣlaf n tɣawsiwin n wezɣaṛ, Ramtane Lamamra, akk d win d uneɣlaf n tɣawsiwin n wezɣar d unegmu ageraɣlan, Laurent Fabius, s tilla uneɣlaf n temguri d lminat, Abdessalem Bouchouareb, akk d win umesni , Amar Ghoul. Lewfaq amenzu yerza azdukkel n tedrimt i tlallit n termist yezdin ger snat n tmura ara d-yelhun s weḥric usufeɣ n lgaz amguran. Tarmist-agi d tin ara yezdin agraw amguran aẓayeẓ aɣelnaw, IMetal, d wefransawi Air Liquide,ɣef laḥsab ulugen 51/49% n usefrek ajenṭaḍ di Lezzayer. Lewfaq wissin yerza asnulfu n tkebbanit yezdin ger snat n tmura ara d-yelhun s weḥric n tussna umesni n temdint ger tarmist Mitru n Lezzayer (EMA) d wegraw afransawi Systra. Wis tlata d atekki n tkebbanit tafransawit Otech deg ubaɣuṛ amettan n termist tamẓayeẓt Irragris (d takebbanit seg wegraw IMetal) yettuxeṣsen deg uxeddim d usnulfu n ttawilat useswi yemxallafen. Ma d aneggaru d yiwen n lewfaq n tcurka yettwasenyan ger weeɣlif n temguri d lminat akk d uɣerbaz afransawi Knowledge management (Skema) i wesnulfu n uɣerbaz t-icban di Lezzayer.
