Asebter amenzawi
Ttwenɣen sin n yirebraben yerna yettwalqeḍ-d leslaḥ deg Ɛin Ddefla
LDZAYER TAMANEƔT – Iɣallen n Yigen Aɣelnaw Aɣerfan nɣan sin n yirebraben yerna leqḍen-d abeckiḍ-amiṭrayut n ṣṣenf n Kalachnikov, abeckiḍ azegnaymani n ṣṣenf n Simonov d waṭas n rrṣaṣ, ass n ttlata tameddit, deffir yiwen n ukmin ay gan sdat temdint n Ɛemṛuna deg unẓul n twilayt n Ɛin Ddefla, ɣef wakken ay d-yenna yiwen n ulɣu n uɣlif n temḥaddit taɣelnawt.
« Deg ukatar n yimneɣi mgal rrebrab, yiwet n tsensirt n Yigen aɣelnaw aɣerfan yeqqnen ɣer uḥric n temhal n Ɛin Ddefla (tamnaḍt taserdasit tamezwarut) tenɣa sin n yirebraben ass-a, 12 Mayu 2015 ɣef 3s00 n tmeddit, deg yiwen n ukmin ay ndin sdat temdint n Ɛemṛuna deg unẓul n Ɛin Ddefla », ɣef wakken ay d-tenna teɣbalut-a, am wakken ay d-terna dakken deg ccɣel-a, iserdasen « leqḍen-d abeckiḍ-amiṭrayut n ṣṣenf n Kalachnikov, abeckiḍ azegnaymani n ṣṣenf n Simonov d waṭas n rrṣaṣ ».
