ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵍⴰⵛ ⵓⴳⵓⵔ ⴳⴰⵔ ⵍⴷⵣⴰⵢⴻⵔ ⴷ ⵎⴰⵕⵕⵓⴽ ⴰⵔⴰ ⵢⴻⵃⵡⵉⵊⴻⵏ ⵜⴰⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵍⴷⵣⴰⵢⴻⵔ ⴷ ⵎⴻⵕⵕⵓⴽ ⵓⵔ ⵙⵄⵉⵏⵜ ⴰⵔⴰ ⵓⴳⵓⵔ ⴰⵔⴰ ⵢⴻⵃⵡⵉⵊⴻⵏ ⵜⴰⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵙⵙ ⵏ ⵜⵜⵍⴰⵜⴰ ⵓⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ.
« ⵓⵔ ⵢⴻⵍⵍⵉ ⵡⵓⴳⵓⵔ, ⵓⵔ ⵜⴻⵍⵍⵉ ⵜⴻⴱⴷⴰⵎⵎⴰⵙⵜ » ⴳⴰⵔ ⵍⴷⵣⴰⵢⴻⵔ ⴷ ⵎⴻⵕⵕⵓⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴰⵀⴻⵍ ⵎⵉ ⴷ-ⵢⴻⵔⵔⴰ ⵖⴻⴼ ⵢⵉⵡⴻⵜ ⵏ ⵜⵓⵜⵜⵔⴰ ⵖⴻⴼ ⵍⴻⴱⵖⵉ ⵏ ⴽⵔⴰ ⵏ ⵜⵎⵓⵔⴰ ⴰⴷ ⵓⵔⴰⵔⴻⵏⵜ ⴷⴷⵓⵕ ⵏ ⵓⴱⴷⴰⵎⵎⴰⵙ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵢⵉⵊⵉⴼⴻⵕ ⵏ ⵡⴰⵙⵙ ⵏ ⵜⴻⵣⵔⴰⵡⵉⵏ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⵖⴻⴼ « ⵜⵉⴽⵍⵉ ⵏ ⵍⴷⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ».
« ⵜⴰⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵍⵀⴰⵏ-ⴷ ⵢⵉⴷ-ⵙ ⴷⴻⴳ ⵓⴽⴰⵜⴰⵔ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ ⵏⴻⵙⵙⴰⵔⴰⵎ ⵓⵔ ⵜⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵜⴻⴼⵔⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵎⵉ ⵜ-ⵜⵜⵔⴻⵏ ⵖⴻⴼ ⵍⴰⵜⴻⵕ ⵏ ⴷⵉⵔⵉ ⴰⵢⵢⴻⵙ ⵢⴻⵣⵎⴻⵔ ⴰⴷ ⴷ-ⵜⴻⴳⵍⵓ ⵜⵓⵥⵥⵄⴰ ⵏ ⵓⴷⵉⵒⵍⵓⵎⴰⵜⵉ ⴰⴷⵣⴰⵢⵔⵉ ⴱⴻⵍⴽⴰⵛⴻⵎ ⵛⵀⴻⵔⵧⵓⴰⵜⵉ ⵙⴻⴳ ⵎⵓⵔⵉⵟⴰⵏⵢⴰ ⴷ ⵡⴰⵢⴻⵏ ⴰⵢ ⵜⵔⵉⵔⵉⵜ ⵏ ⵍⴷⵣⴰⵢⴻⵔ ⵙ ⵜⵓⵥⵥⵄⴰ ⵏ ⵢⵉⵡⴻⵏ ⵏ ⵓⴷⵉⵒⵍⵓⵎⴰⵜⵉ ⴰⵎⵓⵔⵉⵟⴰⵏⵉ ⵢⴻⵙⵄⴰⵏ ⵜⴰⵚⴻⴷⴷⴰⵔⵜ ⴰⵎ ⵜⵉⵏ ⵏ ⵎⴰⵙⵙ ⵛⵀⴻⵔⵧⵓⴰⵜⵉ ⴷⴻⴳ ⵓⴽⴰⵜⴰⵔ ⵏ ⵜⴻⵎⵢⴰⵖⵜ, ⴷ ⵍⴰⵜⴻⵕ ⵏ ⴷⵉⵔⵉ ⴰⵢ ⵉⵣⴻⵎⵔⴻⵏ ⴰⴷ ⴷ-ⵉⴱⴰⵏ ⵍⴰⴷⵖⴰ ⴷⴻⴳ ⵍⵎⴻⵊⵀⵓⴷ ⵏ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⴰⵢ ⴷ-ⵢⴻⵣⵣⵉⵏ ⵉ ⵎⴰⵍⵉ, ⵎⴰⵙⵙ ⵎⴻⵙⵙⴰⵀⴻⵍ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵍⴰⵛ ⵓⴳⵓⵔ ⴳⴰⵔ ⵜⵎⵓⵔⴰ ⴰⵢ ⴷ-ⵢⴻⵣⵣⵉⵏ ⵉ ⵎⴰⵍⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴷⵓⴽⵍⵉ ⴷ ⵓⵔⴽⴰⴷ ⵏ ⵜⵎⵓⵔⵜ-ⴰ.
ⴰⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ ⵢⴻⵙⵙⴰⵡⴻⵍ-ⴷ ⴷⴰⵖ ⵖⴻⴼ ⵜⴻⵎⵙⴰⵍⵜ ⵏ ⵜⴻⴱⴷⴰⵎⵎⴰⵙⵜ ⵉ ⵍⵎⴻⵏⴷ ⵏ ⵓⵙⴷⵓⴽⴽⴻⵍ ⵏ ⵡⵉⴷ ⴰⵢ ⵜⴻⵔⵣⴰ ⵜⴰⵍⵓⴼⵜ ⴷⴻⴳ ⵎⴰⵍⵉ ⴷ ⵍⵉⴱⵢⴰ, ⴷ ⵢⵉⵣⵡⵓⵔⴻⵏ ⵏ ⴽⵔⴰ ⵏ ⵜⵎⵓⵔⴰ ⵉ ⵓⵅⴻⴷⴷⵉⵎ ⴷⴻⴳ ⵓⴱⵔⵉⴷ-ⴰ.
ⵜⴰⴳⵏⵉⵜ-ⴰ ⵜⴻⵃⵡⴰⵊ ⴰⵎⵄⴰⵡⴻⵏ ⴷ ⵓⵙⴷⵓⴽⴽⴻⵍ ⵏ ⵡⴰⴽⴽ ⵉⵖⴰⵍⵍⴻⵏ ⴰⵛⴽⵓ « ⵎⵉ ⴰⵔⴰ ⴳⴳⵜⴻⵏ ⵍⴻⵕⵢⵓⵢ, ⵓⵔ ⴷ-ⵜⵜⵉⵍⵉⵏⵜ ⴰⵔⴰ ⴰⴽⴽ ⵜⴻⴼⵔⴰⵜⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⵉⴱⵢⴰ, ⵎⴰⵙⵙ ⵎⴻⵙⵙⴰⵀⴻⵍ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴱⴷⴰⵎⵎⴰⵙⵜ ⵍⴰ ⴷ-ⵜⴻⵜⵜⵉⵍⵉ, ⵉⵎⵉⵔ-ⴰ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ ⵍⴷⵣⴰⵢⴻⵔ « ⴰⵢ ⵢⴻⵙⵄⴰⵏ ⵜⵜⴻⵕⵊⵉⴱⴰ ⵉⴱⴰⵏⴻⵏ ⴷⴻⴳ ⵓⵏⵔⴰⵔ ⵏ ⵜⴻⴱⴷⴰⵎⵎⴰⵙⵜ, ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵓⵣⵡⵓⵔ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵛⴽⵓ ⴰⵣⵡⵓⵔ-ⴰ ⵢⴻⵎⵚⴰⴷⴰ ⵙⵡⴰⵙⵡⴰ ⴷ ⵡⴰⴷⴷⵓⴷ ⵏ ⵍⴷⵣⴰⵢⴻⵔ ⵉ ⵍⵎⴻⵏⴷ ⵏ ⴼⴻⵔⵔⵓ ⵜⵍⵓⴼⴰ ⵙ ⵜⴰⵍⵡⵉⵜ ⴷ ⵜⵙⴻⵔⵜⵉⵜ, ⴰⵛⴽⵓ ⴷ ⴰⵢⴰ ⴰⵔⴰ ⵉⴹⴻⵎⵏⴻⵏ ⵜⵓⵎⵎⴷⴰ ⵏ ⵡⴰⴽⴰⵍ ⴰⵍⵉⴱⵉ.
ⴰⵀⵉⵍ ⵏ ⵜⴻⴱⴷⴰⵎⵎⴰⵙⵜ ⴰⵢⵢⴻⵙ ⴷ-ⵜⴻⵍⵀⴰ ⵍⴷⵣⴰⵢⴻⵔ ⴷⴻⴳ ⵓⴽⴰⵜⴰⵔ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵍⵍⴰⵏⵜ ⴷⴻⴳ-ⵙ ⴰⵟⴰⵙ ⵏ ⵜⴻⵎⵍⵉⵍⵉⵢⵉⵏ ⴰⵔⴰ ⴷ-ⵢⵉⵍⵉⵏ ⵙⴻⴳ-ⴰ ⵖⴻⵔ ⵙⴷⴰⵜ ⴳⴰⵔ ⵡⵉⴷ ⵢⴻⵎⵅⴰⵚⴰⵎⴻⵏ ⴷⴻⴳ ⵍⵉⴱⵢⴰ ⴰⴽⴽⴻⵏ ⴰⴷ ⵜⴼⴰⴽ ⵜⴻⴳⵏⵉⵜ-ⴰ « ⵜⴰⵡⴻⵄⵕⴰⵏⵜ » ⴰⵢⴷⴻⴳ ⵜⴻⵍⵍⴰ ⵜⵎⵓⵔⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵎⴰⵙⵙ ⵎⴻⵙⵙⴰⵀⴻⵍ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴻⵍⵍⴰ ⵜⵓⴳⴷⵉ ⴰⴷ ⴷ-ⵢⵉⵍⵉ ⵓⵅⴻⵚⵚⴰⵔ ⴷ ⴰⵎⴻⵇⵔⴰⵏ ⴷⴻⴳ ⵍⵉⴱⵢⴰ ⵙⴽⵓⴷ ⵓⵔ ⵙⵙⴰⵡⴹⴻⵏ ⴰⵔⴰ ⵢⵉⵍⵉⴱⵉⵢⴻⵏ ⵖⴻⵔ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴰⵔⴰ ⵉⴹⴻⵎⵏⴻⵏ ⵜⴰⴷⵓⴽⵍⵉ ⵏ ⵜⵎⵓⵔⵜ ⴷ ⵜⵖⴻⵍⵍⵉⵙⵜ [ⵍⴰⵎⴰⵏ] ⵏ ⵢⵉⵖⴻⵔⵎⴰⵏⴻⵏ-ⵏⵏⴻⵙ, ⵍⴰⴷⵖⴰ ⵉⵎⵉ ⴰⵢ ⵓⵍⴰⵛ ⴰⴷⴰⴱⵓ ⴰⵍⴻⵎⵎⴰⵙ ⴰⵔⴰ ⴷ-ⵉⵃⴻⵜⵜⵎⴻⵏ ⵍⴻⵃⴽⴻⵎ-ⵏⵏⴻⵙ ⴷⴻⴳ ⵡⴰⴽⴽ ⴰⴽⴰⵍ ⵏ ⵍⵉⴱⵢⴰ ».
