ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴷⵣⴰⵢⴻⵔ ⵜⵡⴻⵜ-ⴷ « ⵙ ⵍⵊⴻⵀⴷ » ⴷⴻⴳ ⵜⵓⵎⵎⵖⴰ ⵎⴳⴰⵍ ⵢⵉⵙⴻⵔⴷⴰⵙⴻⵏ ⴷⴻⴳ ⵓⴳⴰⴼⴰ ⵏ ⵎⴰⵍⵉ (ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ)
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵍⴷⵣⴰⵢⴻⵔ ⵜⴻⵙⵙⴰⵥⴻⵔ « ⵙ ⵍⵊⴻⵀⴷ » ⵜⵓⵎⵎⵖⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⵎⴳⴰⵍ ⵜⵙⵉⴽⴻⵍⵜ ⵏ ⵢⵉⵙⴻⵔⴷⴰⵙⴻⵏ ⵏ ⵢⵉⴳⴻⵏ ⴰⵎⴰⵍⵉ ⴷⴻⴳ ⵜⴻⵎⵏⴰⴹⵜ ⵏ ⵜⵉⵎⴱⵓⴽⵜⵓ (ⴷⴻⴳ ⵓⴳⴰⴼⴰ ⵏ ⵎⴰⵍⵉ), ⴷ ⵜⵓⵎⵎⵖⴰ ⴰⵢⴷⴻⴳ ⵎⵎⵓⵜⴻⵏ 9 ⵏ ⵢⵉⵙⴻⵔⴷⴰⵙⴻⵏ ⵉⵎⴰⵍⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵓⵏⴻⵟⵟⴰⵇ ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ.
« ⵏⴻⵙⵙⴰⵥⴻⵔ ⵙ ⵍⵊⴻⵀⴷ ⵜⵓⵎⵎⵖⴰ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵜⵙⵉⴽⴻⵍⵜ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⵎⴰⵍⵉⵢⴻⵏ ⴷⴻⴳ ⵜⴻⵎⵏⴰⴹⵜ ⵏ ⵜⵉⵎⴱⵓⴽⵜⵓ (ⴷⴻⴳ ⵓⴳⴰⴼⴰ ⵏ ⵎⴰⵍⵉ), ⴷ ⵜⵉⵏ ⴰⵢⴷⴻⴳ ⴰⵢ ⵎⵎⵓⵜⴻⵏ ⵜⵥⴰ ⵏ ⵢⵉⵙⴻⵔⴷⴰⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.
« ⵏⴻⵜⵜⵄⴻⵣⵣⵉ ⵜⵉⵡⴰⵛⵓⵍⵉⵏ ⵏ ⵡⵉⴷ ⵢⴻⵎⵎⵓⵜⴻⵏ ⵢⴻⵔⵏⴰ ⵏⴻⵙⵙⴻⵏⴼⴰⵍⴰⵢ-ⴷ ⴷⴰⵖ ⵜⴰⵎⵙⴻⵜⵍⴻⵍⵜ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⵓⵏⴰⴱⴰⴹ ⴷ ⵓⵖⵔⴻⴼ ⴰⵎⴰⵍⵉ ⴰⴳⵎⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵜⵓⵎⵎⵖⴰ-ⴰ ⵜⴻⵍⵍⴰ-ⴷ ⴷⴻⴳ ⵡⴰⴽⵓⴷ ⴰⵢⴷⴻⴳ ⵎⴰⵍⵉ ⵍⴰ ⵜⴻⵙⵙⴻⵡⵊⴰⴷ ⵉⵎⴰⵏ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵙⵜⴻⵏⵢⵉ ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ, ⵎⴰⵛⴰ ⴰⵢⴰ ⴰⴷ ⵢⴻⵙⵙⴻⵊⵀⴻⴷ ⴽⴰⵏ ⵍⵉⵎⴰⵏ ⵏ ⵢⵉⵎⴰⵍⵉⵢⴻⵏ ⵙ ⵓⵣⴻⴽⴽⴰ ⴰⵢⴷⴻⴳ ⵓⵔ ⵜⴻⵜⵜⵉⵍⵉ ⵜⴻⴽⵔⵉⴹⵜ ⴷ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⵡⵉⴷ ⴰⵢ ⵉⴳⴰⵏ ⵜⵓⵎⵎⵖⴰ-ⴰ « ⴳⴰⵏ ⴰⵢⴰ ⴰⵛⴽⵓ ⵙⵕⵓⵃⴻⵏ ⴰⵙⵙⵉⵔⴻⵎ, ⵢⴻⵔⵏⴰ ⵓⵔ ⵣⴻⵎⵎⵔⴻⵏ ⴰⵔⴰ ⴰⴷ ⵙⵙⵉⵔⵎⴻⵏ ⴷⴰⴽⴽⴻⵏ ⴰⵢⴻⵏ ⴰⵢ ⴳⴰⵏ ⴰⴷ ⵢⴻⵙⵙⴻⴹⵄⴻⴼ ⴰⵄⴻⵡⵡⴻⵍ ⵏ ⵢⵉⵎⴰⵍⵉⵢⴻⵏ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⵜⵉⴽⵍⵉ-ⵏⵙⴻⵏ ⴷⴻⴳ ⵓⴱⵔⵉⴷ ⵏ ⵜⴰⵍⵡⵉⵜ, ⴰⵔⴽⴰⴷ ⴷ ⵓⵎⵙⵓⵖⴰⵍ ⵙ ⵓⵇⴰⴷⴻⵔ ⵏ ⵜⴷⵓⴽⵍⵉ ⵏ ⵜⵎⵓⵔⵜ ⴷ ⵜⵓⵎⵎⴷⴰ ⵏ ⵡⴰⴽⴰⵍ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
