ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴰⵎⴰⵎⵔⴰ ⴷ « ⵉⵎⵙⵉⵔⴻⵎ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ ⵢⴻⵏⵏⴰ-ⴷ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ, ⴷⴰⴽⴽⴻⵏ ⴰⵜⴰⵏ ⴷ ⵉⵎⵙⵉⵔⴻⵎ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵜⴻⵏⵢⵉ, ⴰⵙⵙ ⵏ ⵍⵊⴻⵎⵄⴰ 15 ⵎⴰⵢⵓ, ⴷⴻⴳ ⴱⴰⵎⴰⴽⵧ, ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ.

« ⵏⵓⵎⴻⵏ ⴷⴰⴽⴽⴻⵏ ⴰⴽⴰⵍⴰ ⵏ ⵍⴷⵣⴰⵢⴻⵔ ⴰⴷ ⵢⴻⵔⴱⴻⵃ. ⵓⵔ ⵉⵢⵉ-ⴷ-ⵙⵙⵓⵜⵓⵔⴻⵜ ⴰⵔⴰ ⴰⴷ ⴽⴻⵛⵎⴻⵖ ⴷⴻⴳ ⵜⵜⴼⴰⵚⵉⵍ, ⵎⴰⵛⴰ ⵍⵍⴰⵏⵜ ⵙⵙⴻⴱⴱⴰⵜ ⴰⵢ ⵉⵢⵉ-ⵢⴻⵊⵊⴰⵏ ⴷⴻⴳ ⵅⴻⵎⵎⴻⵎⴻⵖ ⴷⴰⴽⴽⴻⵏ ⴰⴷ ⵢⴻⵔⴱⴻⵃ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ ⴷⴻⴳ ⵢⵉⵡⴻⵜ ⵏ ⵜⴻⵏⵇⵉⴹⵜ ⵏ ⵜⵖⴻⵎⵙⴰ ⴰⵢ ⵉⴳⴰ ⴷ ⵓⵎⵜⵉⵍ-ⵏⵏⴻⵙ ⴰⴼⵕⴻⵏⵙⵉⵙ, ⵍⴰⵓⵔⴻⵏⵜ ⴼⴰⴱⵉⵓⵙ, ⴷⴻⴼⴼⵉⵔ ⵓⵙⵜⴻⵏⵢⵉ ⵏ 4 ⵏ ⵢⵉⵎⵜⴰⵡⴰⵢⴻⵏ ⵏ ⵜⵉⵛⵛⵓⵔⴽⴰ ⵜⴰⴷⴰⵎⵙⴰⵏⵜ ⴳⴰⵔ ⵍⴷⵣⴰⵢⴻⵔ ⴷ ⴼⵕⴰⵏⵙⴰ.

ⴷⵖⴰ ⵉⴼⵓⵕⴻⵙ ⵜⴰⴳⵏⵉⵜ-ⴰ ⴰⴽⴽⴻⵏ ⴰⴷ ⵉⵄⴰⵡⴻⴷ ⴰⴷ ⴷ-ⵉⴳⴻⵔ ⵜⵉⵖⵔⵉ ⵉ ⵡⴰⴽⴽ ⵉⴷⵉⵙⴰⵏ ⵉⵎⴰⵍⵉⵢⴻⵏ ⴰⴽⴽⴻⵏ ⴰⴷ ⵙⵜⴻⵏⵢⵉⵏ ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⴽⴰⵍⴰ ⵏ ⵍⴷⵣⴰⵢⴻⵔ ⵢⴻⵔⵏⴰ ⵢⴻⵜⵜⵡⴰⵡⴻⵎⵎⴻⵕ ⴷⴻⴳ ⵓⵎⴻⵏⵣⵓ ⵏ ⵎⴻⵖⵔⴻⵙ ⵢⴻⵣⵔⵉⵏ.

« ⵍⴷⵣⴰⵢⴻⵔ, ⵙ ⵢⵉⵙⴻⵎ-ⵏⵏⴻⵙ ⴷ ⵉⵖⴻⴼ ⵏ ⵜⴻⴱⴷⴰⵎⵎⴰⵙⵜ, ⴰⵜⵜⴰⵏ ⵜⴻⵣⴳⴰ ⵜⴻⵙⵄⴰ ⴰⵏⴻⵔⵎⵉⵙ ⴷ ⵡⴰⴽⴽ ⵉⴷⵉⵙⴰⵏ (ⵉⵎⴰⵍⵉⵢⴻⵏ, ⵜⴰⵏⵇⵉⴹⵜ ⵏ ⵜⵎⵉⵔⴰⵡⵜ), ⴷ ⵢⵉⵎⴰⵙⵍⴰⴹⴻⵏ ⵏ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⴰⵢ ⵢⵉⵎⵖⵓⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⵉ ⵜ-ⵜⵜⵔⴻⵏ ⵖⴻⴼ ⵜⴻⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵍⵉⴱⵢⴰ, ⵎⴰⵙⵙ ⵍⴰⵎⴰⵎⵔⴰ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵍⴷⵣⴰⵢⴻⵔ « ⴰⵜⵜⴰⵏ ⵍⴰ ⵜⵅⴻⴷⴷⴻⵎ ⴷⴻⴳ ⵡⴰⴽⴽ ⵉⵙⵡⵉⵔⴻⵏ ⵢⴻⵔⵏⴰ ⵖⴻⵔ ⵢⵉⴷⵉⵙ ⵏ ⵓⵅⴻⴷⴷⵉⵎ ⵏ ⴱⴻⵔⵏⴰⵔⴷⵉⵏⵧ ⵍⴻⵧⵏⴻ (ⴰⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⵜⴰⵏⵇⵉⴹⵜ ⵏ ⵜⵎⵉⵔⴰⵡⵜ) ⵢⴻⵔⵏⴰ ⵍⴰ ⵏⴻⵜⵜⴻⵎⴱⴰⴷⴷⴰⵍ (ⴰⵡⴰⵍ) ⴷ ⵢⵉⵎⴻⴷⴷⵓⴽⴰⵍ-ⵏⵏⴻⵖ ⵉⴼⵕⴻⵏⵙⵉⵙⴻⵏ ⴷ ⵡⵓⵕⵓⴼⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵍⴰⵎⴰⵎⵔⴰ ⵢⵓⴳⵉ ⵜⴰⴽⵜⵉ ⵏ ⵜⴳⴻⵔⵎⴰⵏⵜ ⵜⴰⵙⴻⵔⴷⴰⵙⵉⵜ ⴷⴻⴳ ⵜⴻⵎⵏⴰⴹⵜ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⴰⵍⴰ ⴷ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴰⵢ ⵉⵣⴻⵎⵔⴻⵏ ⴰⴷ ⴷ-ⵜⵉⵍⵉ ⴷⴻⴳ ⵍⵉⴱⵢⴰ ».

« ⵍⴰ ⵏⴻⵙⴷⵓⴽⴽⵓⵍ ⵍⵎⴻⵊⵀⵓⴷ-ⵏⵏⴻⵖ ⴷⴻⴳ ⵓⵎⵛⵉⵡⴻⵕ ⴰⵖⴻⵍⵏⴰⵡ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵢⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵢⴻⵙⵙⵉⵡⴻⴹ ⵓⵎⵛⵉⵡⴻⵕ-ⴰ ⵖⴻⵔ ⵓⵎⵙⵓⵖⴰⵍ ⴰⵖⴻⵍⵏⴰⵡ ⵢⴻⵔⵏⴰ ⴰⴷ ⵙⵙⵉⵡⴹⴻⵏ ⵢⵉⵍⵉⴱⵉⵢⴻⵏ ⴰⴷ ⴷ-ⵙⴱⴻⴷⴷⴻⵏ ⵜⵉⵙⵓⴷⴰ ⴰⵔⴰ ⵜⴻⵏ-ⵉⴷ-ⵉⴳⴻⵏⵙⵙⴻⵏ, ⵢⴻⵔⵏⴰ ⵜⴰⵎⴻⵣⵡⴰⵔⵓⵜ ⴷⴻⴳ-ⵙⴻⵏⵜ ⴷ ⴰⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

Ɣⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⴰⵏⴰⴱⴰⴹ-ⴰ ⵢⴻⵙⵙⴻⴼⴽ ⴰⴷ ⵜ-ⵄⴰⵡⵏⴻⵏⵜ ⵜⵎⵓⵔⴰ ⵏ ⵓⵎⴰⴹⴰⵍ ⴰⴽⴽⴻⵏ ⴰⴷ ⴷ-ⵜⴻⵇⵇⴻⵍ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷⴻⴳ ⵍⵉⴱⵢⴰ ⴷ ⵡⴰⴽⴽ ⵜⵉⵎⵓⵔⴰ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ ⴷⴻⴳ ⵜⴻⴼⵔⵉⵇⵜ ⴷ ⵢⵉⵍⴻⵍ ⴰⴳⵔⴰⴽⴰⵍ.

« ⴷⵖⴰ ⵓⵍⴰ ⴷⴻⴳ ⵜⴻⵎⵙⴰⵍⵜ-ⴰ, ⵏⴻⵙⵙⴰⵔⴰⵎ ⴰⴷ ⴷ-ⵍⵀⵓⵏⵜ ⵜⵖⴰⵡⵙⵉⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.