ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵜⴻⵏⵢⵉ ⵏ ⵙⵉⵏ ⵏ ⵍⴻⵄⵇⵓⴷⴰⵜ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵜⵎⴻⵔⵔⵉⵜ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵖⵍⵉⴼ ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ ⵢⴻⵙⵜⴻⵏⵢⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵙⵉⵏ ⵏ ⵢⵉⵎⵜⴰⵡⴰⵢⴻⵏ ⴷ ⵜⴻⴳⵔⴰⵡⵉⵏ ⵏ « ⵔⴰⵎⴰⴷⴰⵏ » ⴷ « ⵀⵧⵍⵉⴷⴰⵢ ⵉⵏⵏ » ⴰⴽⴽⴻⵏ ⴰⴷ ⴽⴻⵛⵎⴻⵏⵜ ⵜⴻⴳⵔⴰⵡⵉⵏ-ⴰ ⵖⴻⵔ ⵓⵖⴰⵡⴰⵙ ⵏ ⵜⵖⴰⵔⴰ ⵏ ⵜⵎⴻⵔⵔⵉⵜ ⴰⵢ ⵢⴻⵇⵇⵏⴻⵏ ⵖⴻⵔ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵜⵎⴻⵔⵔⵉⵜ 2030.

ⵜⴰⴳⵔⴰⵡⵜ ⵏ « ⵔⴰⵎⴰⴷⴰⵏ », ⴰⵢ ⵢⴻⵎⵎⵓⵣⵣⴳⴻⵏ (ⵢⴻⵜⵜⵅⴻⵚⵚⴻⵚⴻⵏ) ⴷⴻⴳ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵔⵔⴰⵢⴻⵏ, ⵜⴻⵙⵜⴻⵏⵢⴰ ⴰⵎⵜⴰⵡⴰ ⵏ ⵓⵎⵄⴰⵡⴻⵏ ⴷ ⵜⴻⴳⵔⴰⵡⵜ ⵏ ⵀⵧⵍⵉⴷⴰⵢ ⵉⵏⵏ ⴰⴽⴽⴻⵏ ⴰⴷ ⵙⵙⴻⵍⵀⵓⵏⵜ ⴰⵙⵙⴻⴷⴷⵓ ⵏ ⵢⵉⵙⴻⵏⵙⴰ ⵖⴻⴼ ⵍⴻⵃⵙⴰⴱ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵢⴻⵔⵏⴰ ⴰⴷ ⵎⵄⴰⵡⴰⵏⴻⵏⵜ ⴷⴰⵖ ⴷⴻⴳ ⵓⵙⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ ⵏ ⵜⵎⴻⵣⵣⵓⴳⵉⵏ ⵢⴻⵎⴳⴻⵔⵔⴰⴷⴻⵏ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⵏⵧⵓⵔⵉⴰ ⵢⴰⵎⵉⵏⴰ ⵣⴻⵔⵀⵧⵓⵏⵉ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵜⴳⴰ ⴷⴻⴳ ⵢⵉⵊⵉⴼⴻⵕ ⵏ ⵜⴼⴰⴳⵍⴰ ⵏ ⵓⵙⵜⴻⵏⵢⵉ ⵏ ⵙⵉⵏ-ⴰ ⵏ ⵢⵉⵎⵜⴰⵡⴰⵢⴻⵏ, ⴷⴰⴽⴽⴻⵏ « ⵜⵉⵛⵛⵓⵔⴽⴰ ⴷ ⵓⵎⵄⴰⵡⴻⵏ ⵙⵄⴰⵏ ⴰⵣⴰⵍ ⴳⴰⵔ ⵢⵉⵙⴻⵏⵙⴰ ⵉⵖⴻⵍⵏⴰⵡⴻⵏ ⴷ ⵜⴻⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵓⵙⵙⴻⴷⴷⵓ ⵏ ⵢⵉⵙⴻⵏⵙⴰ ⵉ ⵍⵎⴻⵏⴷ ⵏ ⵓⴼⴰⵕⴻⵙ ⵙⴻⴳ ⵜⵜⴻⵊⵕⵉⴱⴰⵜ-ⵏⵙⴻⵏ ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴼⵔⴻⴽ ⴷ ⵙⵙⵔⴰⴱⴻⵙ ».

ⵜⴰⵏⴻⵖⵍⴰⴼⵜ ⵉⵃⴻⵜⵜⴻⵜ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵙⵙⴰⵍⵉⵏ ⴰⵙⵡⵉⵔ ⵏ ⵙⵙⵔⴰⴱⴻⵙ ⴰⴽⴽⴻⵏ ⴰⴷ ⵜⴻⵏ-ⵉⴷ-ⵙⵙⴻⵣⴳⴻⵏ ⴷ ⵓⵙⵡⵉⵔ ⴰⴳⵔⴰⵖⵍⴰⵏ » ⵉ ⵍⵎⴻⵏⴷ ⵏ ⵓⵊⴱⴰⴷ ⵏ ⵢⵉⵎⴻⵛⵜⵓⵔⴰ, ⵍⴰⴷⵖⴰ ⵉⵎⵉ ⴰⵃⵔⵉⵛ ⵏ ⵜⵎⴻⵔⵔⵉⵜ « ⴷ ⴰⵃⵔⵉⵛ ⴰⴷⴰⵎⵙⴰⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵢⴰⵡⵉ ⴰⵟⴰⵙ ⵏ ⵍⴼⴰⵢⴷⴰ ⵢⴻⵔⵏⴰ ⵢⴻⵙⵙⴻⴽⵛⴰⵎ-ⴷ ⵉⴷⵔⵉⵎⴻⵏ ⵉ ⵍⵎⴻⵏⴷ ⵏ ⵜⴷⴰⵎⵙⴰ ⵜⴰⴷⵓⵎⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.

ⴷⵖⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⴰ, ⵜⴻⴱⴷⴻⵔ-ⴷ ⵜⴰⵙⴻⵔⵜⵉⵜ ⴰⵢ ⵍⴰ ⵢⴻⵜⵜⴹⴰⴼⴰⵔ ⴰⵙⵙ-ⴰ ⵓⵃⵔⵉⵛ-ⴰ ⵉ ⵍⵎⴻⵏⴷ ⵏ ⵓⵙⵙⵉⵍⴻⵖ ⵏ ⵢⵉⴽⴰⵜⴰⵔⴻⵏ ⴷ ⵢⵉⵅⴻⴷⴷⴰⵎⴻⵏ ⵏ ⵢⵉⵖⵙⵓⵔⴻⵏ ⵏ ⵜⵎⴻⵔⵔⵉⵜ, ⵍⴰⴷⵖⴰ ⴷⴻⴳ ⵓⵏⵔⴰⵔ ⵏ ⵚⵚⴻⵏⵄⴰⵜ ⴰⵢ ⵢⴻⵇⵇⵏⴻⵏ ⵖⴻⵔ ⵜⵎⴻⵔⵔⵉⵜ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵙⵙⵔⴰⴱⴻⵙ-ⵏⵙⴻⵏ.

ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴻⴳⵔⴰⵡⵜ ⵏ « ⵔⴰⵎⴰⴷⴰⵏ », ⵧⵎⴰⵔ ⵔⴰⵎⴰⴷⴰⵏ, ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷⴰⴽⴽⴻⵏ ⴰⵙⵜⴻⵏⵢⵉ ⵏ ⵙⵉⵏ-ⴰ ⵏ ⵢⵉⵎⵜⴰⵡⴰⵢⴻⵏ ⴷ ⴰⵢⴻⵏ ⴰⵢ ⵢⴻⵙⵄⴰⵏ ⴰⵣⴰⵍ ⴷⴻⴳ ⵓⵙⵙⴻⵍⵀⵓ ⵏ ⵓⵙⵙⴻⴷⴷⵓ ⵏ ⵢⵉⵙⴻⵏⵙⴰ ⴷ ⵓⵙⵏⴻⵔⵏⵉ ⵏ ⵓⵙⵙⵉⵍⴻⵖ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴷⴻⴳ ⴽⵔⴰⴹ ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016, ⴰⴷ ⵢⴻⵍⴷⵉ ⵓⵙⴻⵏⵙⵓ ⵏ ⴽⵓⵥ (4) ⵢⵉⵜⵔⴰⵏ ⴷ ⴰⵎⴰⵢⵏⵓ ⴷⴻⴳ ⴷⵉⵍⵉ ⴱⵕⴰⵀⵉⵎ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) ⵢⴻⵔⵏⴰ ⴰⴷ ⵜ-ⵜⴻⵙⵙⴻⴼⵔⴻⴽ ⵜⴻⴳⵔⴰⵡⵜ ⵜⴰⴳⵔⴰⵖⵍⴰⵏⵜ ⵏ « ⵀⵧⵍⵉⴷⴰⵢ ⵉⵏⵏ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵜⴻⴳⵔⴰⵡⵜ ⵏ « ⵀⵧⵍⵉⴷⴰⵢ ⵉⵏⵏ », ⴷⵉⴷⵉⴻⵔ ⴱⵧⵉⴷⵉⵏ, ⵢⴻⵙⵎⴻⴽⵜⵉ-ⴷ ⵙ ⴷⴷⵓⵕ ⵏ ⵜⴻⴳⵔⴰⵡⵜ-ⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴹⴼⴰⵔ ⴷ ⵓⵄⴰⵡⴻⵏ ⵏ ⵢⵉⵙⴻⵏⵙⴰ « ⵉ ⵍⵎⴻⵏⴷ ⵏ ⵓⵙⵙⴻⴷⴷⵓ ⵢⴻⵍⵀⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⵜⴰⴳⵔⴰⵡⵜ-ⴰ « ⵜⴻⵜⵜⵡⴰⵙⵙⴻⵏ ⴷⴻⴳ ⵓⵎⴰⴹⴰⵍ » ⵢⴻⵔⵏⴰ ⵜⴻⵙⵄⴰ 11 ⵛⵛⵉⵄⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴷⴷⵓ ⵏ ⵢⵉⵙⴻⵏⵙⴰ ⴷⴻⴳ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ, ⴳⴰⵔ-ⴰⵙⴻⵏⵜ ⵛⵛⵉⵄⴰ ⵏ « ⵉⵏⵜⴻⵔⵛⵧⵏⵜⵉⵏⴻⵏⵜⴰⵍ ».

ⵍⴷⵣⴰⵢⴻⵔ ⵜⴻⴼⵔⴻⵏ ⵛⵛⵉⵄⴰ-ⴰ « ⴰⵛⴽⵓ ⵜⴻⴷⴷⴰ ⴷ ⵡⴰⵢⴻⵏ ⴰⵢ ⵢⴻⵃⵡⴰⵊ ⵓⵙⵙⴻⴷⵓ ⵏ ⵢⵉⵙⴻⵏⵙⴰ » ⴷⴻⴳ ⵜⵎⵓⵔⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⴷ ⴷ-ⵉⵍⵉⵏ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⵏ ⵜⴻⴳⵔⴰⵡⵜ-ⴰ ⴷⴻⴳ ⵍⴷⵣⴰⵢⴻⵔ ⵙ ⵛⵛⵉⵄⴰ-ⴰ.