ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ 2015: ⵜⴰⵖⵍⴰⵎⵜ ⵏ ⵍⴷⵣⴰⵢⴻⵔ ⴷⴻⴳ ⵃⴻⵎⵎⴰⵎⴰⵜ (ⵜⵓⵏⴻⵙ)
ⵜⵓⵏⴻⵙ – ⵜⴰⵖⵍⴰⵎⵜ ⵏ ⵍⴷⵣⴰⵢⴻⵔ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ ⴰⵢ ⵢⴻⵍⵍⴰⵏ ⴷⴻⴳ ⵜⴻⴳⵔⴰⵡⵜ ⴷ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ 2015 ⵏ ⵡⴰⴷⴷⴰⵍ-ⴰ ⴰⵔⴰ ⴷ-ⵢⵉⵍⵉⵏ ⴳⴰⵔ 19 ⴷ 30 Ɣⵓⵛⵜ ⴷⴻⴳ ⵜⵓⵏⴻⵙ, ⴰⴷ ⵜⵓⵔⴰⵔ ⴷⴻⴳ ⵜⴻⵎⴷⵉⵏⵜ ⵏ ⵃⴻⵎⵎⴰⵎⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵜⵓⵏⵙⵉⵜ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ.
ⵎⴻⵏⵖⵉⵔ ⵍⴷⵣⴰⵢⴻⵔ, ⵜⴰⴳⵔⴰⵡⵜ ⴷ ⵍⵍⴰⵏⵜ ⴷⴻⴳ-ⵙ ⴷⴰⵖ ⵛôⵜⴻ ⴷ’ⵉⵠⵧⵉⵔⴻ, ⵉⵖⴻⴼ ⴰⵣⴻⴳⵣⴰⵡ ⴷ ⵣⵉⵎⴱⴰⴱⵡⴻ.
ⵍⴷⵣⴰⵢⴻⵔ, ⴰⵎ ⵙⵉⵏⵉⴳⴰⵍ ⴷ ⵜⴻⴳⴷⵓⴷⴰ ⵏ ⵜⴻⴼⵔⵉⵇⵜ ⵜⴰⵍⴻⵎⵎⴰⵙⵜ, ⵜⴻⵜⵜⵓⵏⴻⴼⴽ-ⴰⵙ-ⴷ ⵜⴽⴰⵔⴹⴰ ⵏ ⵓⵏⴻⵄⵔⵓⴹ ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⵜⵉⵄⴰⴷ-ⴰ ⵏ ⵜⵓⵏⴻⵙ, ⵢⴻⵔⵏⴰ ⵜⴰⵎⵓⵔⵜ ⴰⵔⴰ ⵉⵔⴻⴱⵃⴻⵏ ⴷⴻⴳ-ⵙ ⴰⴷ ⵢⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⴷⴻ ⵊⴰⵏⴻⵉⵔⵧ ⵏ 2016.
ⵙⴻⴳ ⵜⴰⵎⴰ ⵏⵉⴹⴻⵏ, ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵜⵓⵏⵙⵉⵜ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ, ⴰⵍⵉ ⴱⴻⵏⵣⴰⵔⵜⵉ, ⵢⴻⴼⵕⴻⵃ ⵙ ⵓⵜⵜⴻⴽⴽⵉ ⵏ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵖⴻⵔ ⵢⵉⴷⵉⵙ ⵏ ⵙⵏⴰⵜ ⵏ ⵜⴻⵖⵍⴰⵎⵉⵏ ⵜⵉⵎⵖⴰⵔⴱⵉⵢⵉⵏ ⵏⵉⴹⴻⵏ, ⵎⴻⵕⵕⵓⴽ ⴷ ⵜⵓⵏⴻⵙ, ⵜⴰⵎⵓⵔⵜ ⴰⵢⴷⴻⴳ ⴰⵔⴰ ⴷ-ⵜⵉⵍⵉ ⵜⴻⵍⵖⵓⵖⴰ-ⴰ.
« ⴰⵏⵚⵓⴼ ⵙ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵖⴻⵔ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ. ⵏⴻⵅⴷⴻⵎ ⴰⴽⴽⴻⵏ ⴰⴷ ⵏⵥⴻⵔ ⵜⴰⵖⵍⴰⵎⵜ ⵏ ⵍⴷⵣⴰⵢⴻⵔ ⵜⴻⵜⵜⴻⴽⴽⴰ ⴷⴻⴳ ⵜⴻⵎⵙⵉⵣⵡⴻⵔⵜ-ⴰ ⵏ ⵜⴻⴼⵔⵉⵇⵜ, ⵍⴰⴷⵖⴰ ⵉⵎⵉ ⴰⵢ ⵜⴳⴰ ⵉⵙⵓⵔⵉⴼⴻⵏ ⵖⴻⵔ ⵙⴷⴰⵜ ⵢⴻⵔⵏⴰ ⴰⵜⵜⴻⴽⴽⵉ-ⵏⵏⴻⵙ ⴰⴷ ⵢⴻⵙⵙⴰⵍⵉ ⴰⵙⵡⵉⵔ ⵏ ⵜⴻⵍⵖⵓⵖⴰ-ⴰ, ⴰⵎ ⵡⴰⴽⴽⴻⵏ ⴰⵔⴰ ⴰⵙ-ⵢⴻⴹⵎⴻⵏ ⵡⴰⵢⴰ ⵓⴳⴰⵔ ⵏ ⵔⵔⴱⴻⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵜⵓⵏⵙⵉⵜ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ ⵉ ⵜⵏⴻⴳⴳⴰ ⵏ ⵜⴰⵒ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵉⵎⵍⵉⵍⵉⵜ ⵏ ⵜⴻⵣⵡⴰⵔⴰ ⵏ ⵜⴻⵍⵖⵓⵖⴰ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ ⵏ ⵜⴻⴼⵔⵉⵇⵜ ⵏ 2015 ⴰⴷ ⵓⵔⴰⵔⴻⵏⵜ ⴷⴻⴳ-ⵙ ⵜⵓⵏⴻⵙ ⴷ ⵓⴳⴰⵏⴷⴰ ⴷⴻⴳ ⵍⴻⵇⵚⴻⵔ ⵏ ⵡⴰⴷⴷⴰⵍ ⵏ ⴻⵍ ⵎⴻⵏⵣⴰⵀ.
