ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵣⵉ ⵡⴻⵣⵣⵓ : ⵜⵜⵔⴰⴵⵓⵏ ⴰⴷ ⴽⴽⵉⵏⵜ 40 ⵜⵡⵉⵍⴰⵢⵉⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 7 ⵏ ⵜⵎⴻⵙⵔⵉⵜ ⵜⵉⵏⴹⵉ ⵜⴰⵏⵙⴰⵢⴰⵏⵜ

ⵜⵉⵣⵉ ⵡⴻⵣⵣⵓ (ⵜⴰⵏⴻⴳⴳⴰ) – ⴰⵣⴰⵍ ⵏ 40 ⵜⵡⵉⵍⴰⵢⵉⵏ ⴰⵔⴰ ⵢⴻⴽⴽⵉⵏ, ⴰⵙⴻⴳⴳⴰⵙ-ⴰ, ⴷⴻⴳ ⵜⴻⵥⵔⵉⴳⵜ ⵜⵉⵙ ⵙⴰ (7) ⵏ ⵜⵎⴻⵙⵔⵉⵜ ⵜⴰⵖⴻⵍⵏⴰⵡ ⵏ ⵜⵉⵏⴹⵉ ⵜⴰⵏⵙⴰⵢⴰⵏⵜ ⴰⵔⴰ ⴷ-ⵢⴻⴹⵔⵓⵏ ⵙⴻⴳ 18 ⴰⵔ 23 ⵎⴰⵢⵓ ⵉⴷⴻⴳ ⵏⴻⵍⵍⴰ ⴷⴻⴳ ⵜⵉⵣⵉ ⵡⴻⵣⵣⵓ, ⵉ ⴷ-ⴰⵖ-ⴷ-ⵏⵏⴰⵏ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵓⵅⵅⴰⵎ ⴰⴷⵉⴳⴰⵏ ⵏ ⵢⵉⵎⴰⵀⵉⵍⴻⵏ ⵏ ⵜⵉⵏⴹⵉ. ⵜⴰⴷⵢⴰⵏⵜ-ⴰ ⵙⵙⵓⴷⴷⵙⴻⵏ-ⵜⵜ-ⵉⴷ ⵛⴰⵎ ⴷ ⵓⴳⵔⴰⵡ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ (ⴰⵒⵡ), ⴰⴷ ⵜⵉⵍⵉ ⴷⴻⴳ ⵓⵎⵔⴰⵃ ⵛⵧⵍⵧⵏⴻⵍ ⵎⵧⵀⴰⵏⴷ ⵧⵓⵍⵀⴰⴷⵊ. ⴰⵢⴰ ⵢⴻⵔⵙ ⴷⴻⴳ ⵓⴽⴰⵜⴰⵔ ⵏ ⵢⵉⵎⴰⵀⵉⵍⴻⵏ ⵉⵙⵎⵉⵍⴰⵏⴻⵏ ⵏ ⵓⵅⵅⴰⵎ ⵏ ⵜⵉⴹⵎⵉ ⵉ ⵢⴻⵔⵣⴰⵏ ⴷⴻⴳ ⵜⴰⵣⵡⴰⵔⴰ, ⵜⵉⴽⵛⵉ ⵏ ⵓⵎⴹⵉⵇ ⵉ ⵢⵉⵏⴹⴻⵏ ⴰⴽⴽⴻⵏ ⴰⴷ ⵣⴻⵏⵣⴻⵏ ⵜⵉⵖⴰⵡⵙⵉⵡⵉⵏ ⵜⵜⵎⴰⵀⴰⵍⴻⵏ, ⵉ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⴰⴱⴷⴻⵍⴽⵔⵉⵎ ⴱⴻⵔⴽⵉ, ⵓⵏⴻⵎⵀⴰⵍ ⵏ ⵛⴰⵎ. ⵜⴰⵎⴻⵙⵔⵉⵜ-ⴰ ⴷ ⵜⴰⴳⵏⵉⵜ ⴰⵔⴰ ⴼⴰⵔⵚⴻⵏ ⵡⵉⴷ ⵢⴻⵜⵜⵎⴰⵀⴰⵍⴻⵏ ⴷⴻⴳ ⵓⵏⵔⴰⵔ ⵏ ⵜⵉⵏⴹⵉ ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⵢⴻⵎⵅⴰⵍⵍⴰⴼⴻⵏ ⴰⴽⴽⴻⵏ ⴰⴷ ⵜⵉⵎⵓⵙⵏⵉⵡⵉⵏ-ⵏⵙⴻⵏ ⴷ ⵏⵏⴰⵚⴰⵢⴻⵃ ⴳⴻⵔ-ⴰⵙⴻⵏ. ⴰⴷ ⵜⵉⵍⵉ ⴷⴰⵖⴻⵏ ⴷ ⵜⴰⴳⵏⵉⵜ ⴰⵔⴰ ⴼⴰⵔⵚⴻⵏ ⵢⴻⵎⴷⴰⵏⴻⵏ ⴰⴽⴽⴻⵏ ⴰⴷ ⴰⵖⴻⵏ ⵉⵊⴻⵇⴷⵓⵔⴻⵏ ⵏ ⵓⴼⴻⵅⵅⴰⵔ ⴷ ⵡⵓⵞⵞⵉ, ⴰⵎⴻⴷⵢⴰ ⵏ ⵜⵙⴻⴽⵙⵓⵜ, ⵜⴰⵔⴱⵓⵜ ⵏ ⵜⴰⵍⴻⵖⵜ, ⵜⵉⵖⴰⵡⵙⵉⵡⵉⵏ ⵏⵏⵉⴹⴻⵏ ⴰⵎⴻⴷⵢⴰ ⵏ ⵜⵇⴻⵛⵡⴰⵍⵉⵏ ⴷ ⵙⴻⴽⵙⵓ ⵉⵏⴰⵡⵍⴻⵏ ⵙ ⵓⴼⵓⵙ, ⴰⵟⴰⵙ ⵉ ⵜ-ⵉⵃⴻⵎⵎⵍⴻⵏ ⴰⴱⴻⵄⴷⴰ ⴷⴻⴳ ⵡⴰⴳⴳⵓⵔ ⵏ ⵜⵓⵥⵓⵎⵉⵜ, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵎⴰⵙⴰⵢ ⵙ ⵜⵉⵎⵎⴰⴷ-ⵉⵙ. ⴰⴷ ⴽⴽⵉⵏ ⴷⴻⴳ ⵜⴻⴷⵢⴰⵏⵜ-ⴰ 150 ⵢⴻⵜⵜⵎⴰⵀⴰⵍⴻⵏ ⴷⴻⴳ ⵚⵚⴻⵏⵄⴰⵏ ⵢⴻⵎⴳⴰⵔⴰⴷⴻⵏ ⵏ ⵢⵉⵏⴻⴹ.