ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴷⵣⴰⵢⴻⵔ ⵍⴰ ⵜⴻⵜⵜⵓⵔⴰⵔ ⴷⴷⵓⵕ « ⵙ ⵡⴰⵣⴰⵍ-ⵏⴻⵏⵙ » ⴷⴻⴳ ⵓⵙⵙⴻⵔⴱⴻⵃ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴳⴰⵔ ⵢⵉⵎⴰⵍⵉⵢⴻⵏ
ⴱⴰⵎⴰⴽⵧ – ⵍⴷⵣⴰⵢⴻⵔ ⵍⴰ ⵜⴻⵜⵜⵓⵔⴰⵔ ⴷⴷⵓⵕ ⵏ « ⵍⵍⵙⴰⵙ » ⵢⴻⵔⵏⴰ « ⵙ ⵡⴰⵣⴰⵍ-ⵏⵏⴻⵙ » ⴷⴻⴳ ⵓⵙⵙⴻⵔⴱⴻⵃ ⵏ ⵓⵙⵜⴻⵏⵢⵉ ⴷ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴳⴰⵔ ⵢⵉⵎⴰⵍⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⴱⴰⵎⴰⴽⵧ ⵓⵏⴻⵖⵍⴰⴼ ⴰⵎⴰⵍⵉ ⵏ ⵜⴷⴰⵎⵙⴰ ⵜⵓⵎⴹⵉⵏⵜ, ⵏ ⵓⵙⵙⴻⵍⵖⵓ ⴷ ⵜⴻⵍⵖⵓⵜ ⴷ ⵓⵏⴻⵟⵟⴰⵇ ⵏ ⵓⵏⴰⴱⴰⴹ, ⵛⵀⵧⴳⵓⴻⵍ ⴽⵧⴽⴰⵍⵍⴰ ⵎⴰïⴳⴰ.
« ⵍⴷⵣⴰⵢⴻⵔ ⵜⴻⵙⵄⴰ ⴷⴷⵓⵕ ⵏ ⵍⵍⵙⴰⵙ, ⴷ ⴰⵎⴰⵥⵍⴰⵢ ⵢⴻⵔⵏⴰ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵙⵙⴻⵔⴱⴻⵃ ⵏ ⵓⵙⵜⴻⵏⵢⵉ ⴷ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴳⴰⵔ ⵢⵉⵎⴰⵍⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵉⴳⴰ ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵜⵖⴻⵎⵙⴰ ⵜⴰⴷⵣⴰⵢⵔⵉⵜ ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵓⵙⵜⴻⵏⵢⵉ ⵏ ⵓⵎⵜⴰⵡⴰ-ⴰ, ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴱⴰⵎⴰⴽⵧ.
ⴷⵖⴰ ⵢⴻⵙⵙⴻⴼⵀⴻⵎ-ⴷ ⵎⴰⵙⵙ ⵎⴰⵉⴳⴰ ⴷⴰⴽⴽⴻⵏ ⴰⵎⵓⵔ ⴰⵎⴻⵇⵔⴰⵏ ⴷⴻⴳ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ ⵢⴻⵇⵇⴻⵏ ⵖⴻⵔ ⵓⵙⵏⴻⵔⵏⵉ ⵏ ⵓⴳⴰⴼⴰ ⵏ ⵎⴰⵍⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⵏⴻⵔⵏⵉ-ⴰ ⴷ ⴰⵏⵔⴰⵔ ⴰⵎⴻⵇⵔⴰⵏ ⵏ ⵓⵅⴻⴷⴷⵉⵎ ⴰⵢⴷⴻⴳ ⴰⵔⴰ ⵎⵄⴰⵡⴰⵏⴻⵏⵜ ⵍⴷⵣⴰⵢⴻⵔ ⴷ ⵎⴰⵍⵉ.
« ⴰⴽⴽⴻⵏ ⴰⴷ ⵢⴻⵔⴱⴻⵃ ⵓⵎⵜⴰⵡⴰ-ⴰ, ⵍⴷⵣⴰⵢⴻⵔ ⵜⴻⴼⴽⴰ-ⴷ ⴰⴽⴽ ⵍⵊⴻⵀⴷ-ⵏⵏⴻⵙ ⴰⵔⵎⵉ ⴷ ⵜⴰⴷⵇⵉⵇⵜ ⵜⴰⵏⴻⴳⴳⴰⵔⵓⵜ, ⵢⴻⵔⵏⴰ ⵓⵔ ⵜⵛⵓⵃⵃ ⵉ ⵡⴰⵛⴻⵎⵎⴰ ⴰⴽⴽⴻⵏ ⴰⴷ ⵜⴻⴱⴷⴻⴷ ⴷⵉⵎⴰ ⵖⴻⵔ ⵢⵉⴷⵉⵙ ⵏ ⵢⵉⵎⴰⵍⵉⵢⴻⵏ ⴷⴻⴳ ⵜⴻⵙⵡⵉⵄⵉⵏ ⵜⵉⵡⴻⵄⵕⴰⵏⵉⵏ ⴰⴽⴽ ⴷⴻⴳ ⵓⵎⴻⵣⵔⵓⵢ-ⵏⵙⴻⵏ », ⴰⵢ ⴷ-ⵢⴻⵏⵏⴰ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵔⵏⴰ-ⴷ ⴷⴰⴽⴽⴻⵏ ⴰⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ, ⵙⴷⴻⴼⴼⵉⵔ ⵓⵙⵜⴻⵏⵢⵉ-ⵏⵏⴻⵙ, ⴷ ⵡⵉⵏ ⴰⵔⴰ ⵢⴻⵃⵡⵉⵊⴻⵏ « ⴰⵟⴰⵙ ⵏ ⵜⴻⴱⵖⴻⵙⵜ » ⴷ « ⵚⵚⴱⴻⵔ » ⵙⵖⵓⵔ ⴰⴽⴽ ⵉⴷⵉⵙⴰⵏ, ⵍⴰⴷⵖⴰ ⴰⵏⴰⴱⴰⴹ ⴰⵎⴰⵍⵉ ⴷ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⵏ ⵓⴳⴰⴼⴰ ⵏ ⵎⴰⵍⵉ ⴰⴽⴽⴻⵏ ⴰⴷ ⴷ-ⵇⵇⵍⴻⵏ ⵜⴰⵍⵡⵉⵜ ⴷ ⵓⵔⴽⴰⴷ ⵖⴻⵔ ⵜⵎⵓⵔⵜ.
ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ) ⴰⴷ ⵜⵡⴻⵎⵎⴻⵕ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⴰⵎⵜⴰⵡⴰ-ⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴳⴰⵔ ⵢⵉⵎⴰⵍⵉⵢⴻⵏ, ⴷ ⵡⵉⵏ ⴰⵢ ⵉⵡⴻⵎⵎⴻⵕ ⵢⴰⴳⵉ ⵓⵏⴰⴱⴰⴹ ⴰⵎⴰⵍⵉ ⴷ ⵜⴻⴳⵔⴰⵡⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵇⴰⵄⴻⵜ ⵏ ⵓⵎⵙⴻⴼⵀⴰⵎ.
ⵉⴷⵉⵙⴰⵏ ⵉⵎⴰⵍⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵛⵉⵡⴻⵕ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⴷⴻⴳ ⵓⴳⴰⴼⴰ ⵏ ⵎⴰⵍⵉ ⵡⴻⵎⵎⵕⴻⵏⵜ ⵢⴰⴳⵉ ⴰⵎⵜⴰⵡⴰ-ⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵓⵎⴻⵣⵡⴰⵔⵓ ⵏ ⵎⴻⵖⵔⴻⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵙ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴰⵢ ⵜⴻⵏⵀⴻⵕ ⵍⴷⵣⴰⵢⴻⵔ.
ⴰⵎⵜⴰⵡⴰ-ⴰ ⵉⵡⴻⵎⵎⴻⵕ-ⵉⵜ ⵢⴰⴳⵉ ⵓⵏⴰⴱⴰⴹ ⴷ ⵢⵉⵎⵓⵙⵙⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵇⴰⵄⴻⵜ ⵏ ⵍⴷⵣⴰⵢⴻⵔ, ⵢⴻⵔⵏⴰ ⵉⵎⵓⵙⵙⴰ ⴰⵢ ⵜ-ⵉⵡⴻⵎⵎⵕⴻⵏ ⵏⵉⵜⵏⵉ ⴷ ⴰⵎⵓⵙⵙⵓ ⴰⵄⵕⴰⴱ ⵏ ⵓⵣⴰⵡⴰⴷ (ⵎⴰⴰ, ⴰⵢ ⵢⴻⴱⴹⴰⵏ ⵖⴻⴼ ⵓⵎⵓⵙⵙⵓ-ⵏⵏⵉ ⴰⵏⴻⵚⵍⵉ), ⵜⴰⵙⴻⵎⵢⵓⴷⴷⴻⵙⵜ ⵉ ⵓⵖⵔⴻⴼ ⵏ ⵓⵣⴰⵡⴰⴷ (ⵛⵒⴰ) ⴷ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⴷ ⵜⴻⵔⵏⴰ ⵜⵉⴼⴻⵔⴼⴰⵏⵉⵏ ⵏ ⵓⵣⴱⵓ (ⵛⵎ-ⴼⵒⵔ).
ⴷ ⴰⵛⵓ ⴽⴰⵏ, ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ) ⴰⵢⴷⴻⴳ ⵜⵜⴻⴽⴽⴰⵏ ⵓⵎⵓⵙⵙⵓ ⴰⵖⴻⵍⵏⴰⵡ ⵏ ⵓⵙⵍⴻⵍⵍⵉ ⵏ ⵓⵣⴰⵡⴰⴷ (ⵎⵏⵍⴰ), ⴰⵙⴻⵇⵇⴰⵎⵓ ⵓⵏⵏⵉⴳ ⵉ ⵜⴷⵓⴽⵍⵉ ⵏ ⵓⵣⴰⵡⴰⴷ (ⵀⵛⵓⴰ) ⴷ ⵓⵎⵓⵙⵙⵓ ⴰⵄⵕⴰⴱ ⵏ ⵓⵣⴰⵡⴰⴷ (ⵎⴰⴰ) ⵜⴻⵙⵙⵓⵜⴻⵔ « ⵜⴰⵙⴳⵓⵏⴼⵓⵜ » ⴰⴽⴽⴻⵏ ⴰⴷ ⵜⵛⵉⵡⴻⵕ ⵉⵎⴻⵖⵏⴰⵙⴻⵏ-ⵏⵏⴻⵙ ⵓⵇⴱⴻⵍ ⵎⴰ ⵜⴻⵙⵜⴻⵏⵢⴰ ⴰⵎⵜⴰⵡⴰ-ⴰ.
