ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴻⵔⵔⵉⵜ: ⴰⵙⴻⵇⵇⴰⵎⵓ ⵏ ⵢⵉⵜⵜⴻⴽⴽⵉⵢⴻⵏ ⵏ ⵓⵡⴰⵏⴰⴽ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵉ ⵓⵙⵏⴻⵔⵏⵉ ⵏ ⵢⵉⵙⴻⵏⵙⴰ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵏⴻⵖⵍⴰⴼⵜ ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ ⵏⵧⵓⵔⵉⴰ ⵢⴰⵎⵉⵏⴰ ⵣⴻⵔⵀⵧⵓⵏⵉ, ⵜⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ « ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵉ ⵓⵙⵙⴻⵜⵔⴻⵔ ⵏ ⵢⵉⵙⴻⵏⵙⴰ ⵉⵏⴰⴳⴷⵓⴷⴻⵏ ».

ⵜⴰⵏⴻⵖⵍⴰⴼⵜ ⵜⴻⵍⵍⴰ-ⴷ ⴷ ⵜⵉⵏⴻⴱⴳⵉⵜ ⴷⴻⴳ ⵜⴻⵙⴳⵉⵍⵜ ⵏ « ⵃⵉⵡⴰⵕ ⵙⵙⴰⵄⴰ » ⵏ ⵜⵍⵉⵥⵔⵉ ⵜⴰⵖⴻⵍⵏⴰⵡⵜ, ⵢⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ ⴰⵙⴻⵇⵇⴰⵎⵓ ⵏ ⵢⵉⵜⵜⴻⴽⴽⵉⵢⴻⵏ ⵏ ⵓⵡⴰⵏⴰⴽ (ⵛⵒⴻ) ⵢⴻⴷⴷⴻⵎ ⴷⴻⴳ ⵎⴻⵖⵔⴻⵙ ⵏ 2015 ⵢⵉⵡⴻⵏ ⵏ ⵓⵖⵜⴰⵙ ⴰⵢⴷⴻⴳ ⴰⵔⴰ « ⵉⵄⴰⵡⴻⴷ ⴰⴷ ⵢⴻⵙⵙⴻⵎⵚⴻⴽ ⵢⴻⵔⵏⴰ ⴰⴷ ⵢⴻⵙⵙⵓⴷⴷⴻⵙ 66 ⵏ ⵢⵉⵙⴻⵏⵙⴰ ⵉⵏⴰⴳⴷⵓⴷⴻⵏ ⴰⵢ ⵢⴻⵍⵍⴰⵏ ⴷⴻⴳ ⵜⵎⵓⵔⵜ ⴷ ⵍⴻⴱⵏⵉ ⵏ ⵓⵙⵓⴷⴷⵉⵙ ⵏ ⵜⵎⴻⵔⵔⵉⵜ ⴷ ⵢⵉⵙⴻⵏⵙⴰ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵏⵏⵓⵏⴼⵓⵏ ⵙⴻⵎⵎⵓⵙ (5) ⵏ ⵢⵉⴼⵓⵔⴽⴰ ⵉ ⵓⵙⵙⴻⴷⴷⵓ ⵏ ⵢⵉⵙⴻⵏⵙⴰ ».

ⵉⵙⵡⵉ ⵏ ⵢⵉⵃⴻⵣⵣⵉⴱⴻⵏ-ⴰ, ⵖⴻⴼ ⵍⴻⵃⵙⴰⴱ ⵏ ⵜⵏⴻⵖⵍⴰⴼⵜ, ⵏⴻⵜⵜⴰ ⴷ « ⴰⵙⵙⴻⵍⵀⵓ ⵏ ⵓⵙⵙⴻⴷⵓ ⵏ ⵢⵉⵙⴻⵏⵙⴰ ⵉⵏⴰⴳⴷⵓⴷⴻⵏ ⴷ ⵓⵙⵎⴰⵍ ⵏ ⵓⵙⵙⵉⵍⴻⵖ ⴷ ⵓⵎⵄⴰⵡⴻⵏ ⴷⴻⴳ ⵓⵏⵔⴰⵔ ⵏ ⵢⵉⵙⴻⵏⵙⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⵃⴰⵣⴻⵏ-ⴰⵙ-ⴷ ⵜⴰⵊⴻⵍⵍⴰⴱⵜ ⵏ 70 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴰⵏⵜⵉⵎⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵄⴰⵡⴻⵏ ⵏ ⵓⵙⵙⴻⴼⵜⵉ, ⵜⴰⵏⴻⵖⵍⴰⴼⵜ ⵜⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ « ⵢⴻⵇⴱⴻⵍ 936 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴷⴻⴳ ⵡⴰⴽⴽ ⵜⵉⵎⵉⵡⴰ ⵏ ⵜⵎⵓⵔⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵙⵙⴰⴼⴻⵙⵙⴻⵏ-ⴰⵙⴻⵏ ⵍⴻⵛⵖⴰⵍ ⵉ ⵢⵉⵎⵙⴻⴼⵜⵉⵢⴻⵏ ⴰⴽⴽⴻⵏ ⴰⴷ ⴷ-ⴳⴻⵏ ⵉⵙⴻⵏⴼⴰⵔⴻⵏ-ⵏⵙⴻⵏ.

ⵙⴻⴳ ⵜⴰⵎⴰ ⵏⵉⴹⴻⵏ, ⵜⴻⵙⵎⴻⴽⵜⵉ-ⴷ ⴷⴰⵖ ⴷⴰⴽⴽⴻⵏ ⵍⵍⴰⵏⵜ ⴷⴻⴳ ⵜⵎⵓⵔⵜ 205 ⵏ ⵜⴻⵎⵏⴰⴹⵉⵏ ⵏ ⵓⵙⵙⴻⵎⵖⴻⵔ ⵏ ⵜⵎⴻⵔⵔⵉⵜ, 160 ⵙⴻⴳ-ⵙⴻⵏⵜ ⵣⴳⴰⵏⵜ-ⴷ ⵖⴻⴼ ⵢⵉⵔⵉ ⵏ ⵢⵉⵍⴻⵍ (ⵍⴻⴱⵃⴻⵕ), 22 ⴷⴻⴳ ⵢⵉⴳⵏⴰⵏ ⵉⵄⵍⴰⵢⴰⵏⴻⵏ, ⵎⴰ ⴷ 23 ⵣⴳⴰⵏ-ⴷ ⴷⴻⴳ ⵓⵏⴻⵥⵔⵓⴼ (ⵚⵚⴻⵃⵔⴰ), ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ « ⵜⵜⵡⴰⵇⴻⴱⵍⴻⵏ ⴰⵔ ⴰⵙⵙ-ⴰ 26 ⵏ ⵢⵉⵖⴰⵡⴰⵙⴻⵏ ⵏ ⵓⵙⵙⴻⵇⵄⴻⴷ ⵏ ⵜⴻⵎⵏⴰⴹⵉⵏ-ⴰ ».

ⵙⴻⴳ ⵜⴰⵎⴰ ⵏⵉⴹⴻⵏ, ⵜⴻⵏⵏⴰ-ⴷ ⴷⴰⴽⴽⴻⵏ ⴰⵃⵔⵉⵛ ⵏ ⵜⵎⴻⵔⵔⵉⵜ ⵢⴻⵙⵙⵓⵜⴻⵔ-ⴰⵙ ⵉ ⵓⵏⴰⴱⴰⴹ « ⴰⴷ ⵉⵄⴰⵡⴻⴷ ⵜⴰⵎⵓⵖⵍⵉ ⴷⴻⴳ ⵍⵇⴰⵏⵓⵏ ⵏ 2007 ⴰⵢ ⵢⴻⵙⵙⴻⴷⴷⴰⵢⴻⵏ ⵉⵃⴻⵣⵣⵉⴱⴻⵏ ⵢⴻⵔⵣⴰⵏ ⴰⵇⴱⴰⵍ ⵏ ⵢⵉⵖⴰⵡⴰⵙⴻⵏ ⵏ ⵓⵙⵙⴻⵇⵄⴻⴷ ⵢⴻⵔⵏⴰ ⴰⴷ ⵢⴻⵙⵙⵉⴼⵙⴻⵙ ⴰⵢⴰ ».

ⵜⴰⵏⴻⵖⵍⴰⴼⵜ ⵜⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⵜⵜⵡⴰⵙⴻⵎⵍⴻⵏⵜ ⵜⴻⵎⵏⴰⴹⵉⵏ ⵏ ⵓⵏⵥⵓⵍ, ⵢⴻⵔⵏⴰ ⵜⴳⴻⵔ-ⴷ ⵜⴰⵎⴰⵡⵜ ⴷⴰⴽⴽⴻⵏ ⴰⵏⵥⵓⵍ ⵢⴻⵜⵜⵖⵉⵎⵉ-ⴷ ⴷ ⵜⴰⵎⵏⴰⴹⵜ ⵡⵓⵖⵓⵔ ⵢⴻⵜⵜⴻⴷⴷⵓ ⵓⵎⵓⵔ ⴰⵎⴻⵇⵔⴰⵏ ⴰⴽⴽ ⵏ ⵢⵉⵎⴻⵔⵔⴰⵢⴻⵏ ⵉⴱⴻⵕⵕⴰⵏⵉⵢⴻⵏ ⴷ ⵢⵉⴷⵣⴰⵢⵔⵉⵢⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ.

ⴷⵖⴰ ⵜⴻⴱⴷⴻⵔ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴰⵀⵉⵍⴻⵏ ⵏ ⵓⵄⴰⵡⴻⵏ ⵏ ⵓⵙⵙⵉⵍⴻⵖ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵍⵍⴰⵏ 12 ⵏ ⵢⵉⵖⴻⵔⴱⴰⵣⴻⵏ ⵏ ⵓⵙⵙⵉⵍⴻⵖ ⴷⴻⴳ ⵚⵚⴻⵏⵄⴰⵜ ⵏ ⵢⵉⵙⴻⵏⵙⴰ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵙⵜⴻⵏⵢⵉⵏ « ⵍⴻⵄⵇⵓⴷⴰⵜ ⵏ ⵜⵉⵛⵛⵓⵔⴽⴰ ⴷ ⵜⴻⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵓⵙⵙⴻⴷⴷⵓ ⵏ ⵢⵉⵙⴻⵏⵙⴰ ⴰⴽⴽⴻⵏ ⴰⴷ ⴷ-ⵏⴻⵙⴼⴰⵢⴷⵉ ⵙⴻⴳ ⵜⵜⴻⵊⵕⵉⴱⴰ-ⵏⵙⴻⵏⵜ ».

ⴷⴻⴳ ⵜⴳⴰⵔⴰ, ⵎⴰⵙⵙⴰ ⵣⴻⵔⵀⵧⵓⵏⵉ ⵜⴻⵔⵎⴻⴽⵜⵉ-ⴷ ⵙ ⵡⴰⵣⴰⵍ ⴰⵢ ⵢⴻⵙⵄⴰ ⵓⵙⵙⵓⴷⴷⴻⵙ ⵏ ⵜⴻⵥⵔⵉⴳⵜ ⵜⵉⵙ 16 ⵏ ⵜⵎⴻⵙⵔⵉⵜ ⵜⴰⴳⵔⴰⵖⴰⵍⵜ ⵏ ⵜⵎⴻⵔⵔⵉⵜ ⴷ ⵓⵙⵙⵉⴽⴻⵍ (ⵙⵉⵜⴻⵠ) ⴰⵔⴰ ⵢⴻⴱⴷⵓⵏ ⴰⵙⵙ ⵏ ⵍⴻⵅⵎⵉⵙ ⵙ ⵓⵙⴻⵏⵜⴻⵍ ⵏ « ⴰⵙⵙⴻⴼⵜⵉ ⴷⴻⴳ ⵜⵎⴻⵔⵔⵉⵜ, ⴷ ⴰⵙⵙⴻⴼⵜⵉ ⵢⴻⵜⵜⵡⴰⴹⴻⵎⵏⴻⵏ ».

ⵜⴰⵎⴻⵙⵔⵉⵜ-ⴰ ⴰⴷ ⵜⵜ-ⵜⴻⵙⵙⵓⴷⴷⴻⵙ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⵎⴻⵔⵔⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵖⵍⴰⴼ, ⵢⴻⵔⵏⴰ ⴰⴷ ⴷ-ⵜⵉⵍⵉ ⴷ « ⵜⵜⵉⵄⴰⴷ ⴰⴷⴰⵎⵙⴰⵏ ⵙ ⵡⴰⵣⴰⵍ-ⵏⵏⴻⵙ », ⴷ ⵡⵉⵏ ⴰⵔⴰ ⵢⴻⵊⵊⴻⵏ ⵡⵉⴷ ⴰⵢ ⵉⵅⴻⴷⴷⵎⴻⵏ ⴷⴻⴳ ⵚⵚⴻⵏⵄⴰ-ⴰ ⴰⴷ ⵎⴱⴰⴷⴷⴰⵍⴻⵏ ⵜⵜⴻⵊⵕⵉⴱⴰⵜ-ⵏⵙⴻⵏ.