ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵛⵕⴻⵄ ⵏ ⴽⵀⴰⵍⵉⴼⴰ: ⵙⵉⵏ ⵏ ⵢⵉⵎⴷⴻⵇⵇⴻⵇⴻⵏ ⴷⴻⴳ ⵍⴻⵃⵙⴰⴱⴰⵜ ⵙⵜⴻⵄⵕⴼⴻⵏ ⴷⴰⴽⴽⴻⵏ ⵜⴻⵍⵍⴰ-ⴷ ⵜⵉⵣⵣⴻⵍⴳⵉ ⴷⴻⴳ ⵓⵙⵙⴻⴷⴷⵓ ⵏ ⴽⵀⴰⵍⵉⴼⴰ ⴱⴰⵏⴽ

ⵍⴻⴱⵍⵉⴷⴰ – ⵉⵎⴷⴻⵇⵇⴻⵇⴻⵏ ⵏ ⵍⴻⵃⵙⴰⴱⴰⵜ ⴰⵢ ⵢⴻⵍⵍⴰⵏ ⵅⴻⴷⴷⵎⴻⵏ ⵖⴻⵔ ⴽⵀⴰⵍⵉⴼⴰ ⴱⴰⵏⴽ ⵢⴻⵔⵏⴰ ⵓⵔ ⵜⵜⵡⴰⵃⴻⴱⵙⴻⵏ ⴰⵔⴰ, ⵍⴰⴽⵀⴷⴰⵔ ⵎⵉⵎⵉ ⴷ ⵀⴰⵎⵉⴷ ⵙⴻⴽⵀⴰⵔⴰ, ⵏⵏⴰⵏ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⴱⵍⵉⴷⴰ, ⴷⴻⴳ ⵜⵎⴻⵙⵍⵉⵡⵜ-ⵏⵙⴻⵏ ⴷⴻⴳ ⵜⴻⵎⵙⴰⵍⵜ ⵏ ⴽⵀⴰⵍⵉⴼⴰ ⴱⴰⵏⴽ, ⴷⴰⴽⴽⴻⵏ ⵜⴻⵍⵍⴰ-ⴷ « ⵜⵉⵣⵣⴻⵍⴳⵉ » ⴷⴻⴳ ⵓⵙⵙⴻⴷⴷⵓ ⵏ ⵍⴻⵃⵙⴰⴱⴰⵜ ⴷⴻⴳ ⵜⴱⴰⵏⴽⴰ-ⴰ.

ⵎⵉ ⴷ-ⵇⵇⵉⵎⴻⵏ ⴰⴷ ⴰⵙⴻⵏ-ⵉⵙⴻⵍ ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ, ⵙⵉⵏ-ⴰ ⵏ ⵢⵉⵎⴻⵜⵜⵀⵓⵎⴻⵏ (ⴰⵢ ⵢⴻⵍⵍⴰⵏ ⵜⵜⴷⴻⵇⵇⵉⵇⴻⵏ ⵍⴻⵃⵙⴰⴱⴰⵜ ⴷⴻⴳ ⵜⴻⴳⵔⴰⵡⵜ ⵏ ⴽⵀⴰⵍⵉⴼⴰ) ⵏⵏⴰⵏ-ⴷ ⴷⴰⴽⴽⴻⵏ ⵜⴻⵍⵍⴰ-ⴷ « ⵜⵉⵣⵣⴻⵍⴳⵉ » ⴷⴻⴳ ⵍⴻⵃⵙⴰⴱⴰⵜ-ⴰ ⴷⴻⴳ ⵜⴰⵍⵍⵉⵜ ⵏ 1998-2000, ⴰⵎ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴷⴰⴽⴽⴻⵏ ⴰⵀⴻⵢⵢⵉ ⵏ ⵜⴻⵛⵔⴰⵡⵜ ⵏ ⵍⴻⵃⵙⴰⴱⴰⵜ ⵏ 2000 ⵉⵄⴻⴹⴹⴻⵍ 18 ⵏ ⵡⴰⵢⵢⵓⵔⴻⵏ.

ⵎⵉⵎⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴳⵏⵉⵜ-ⴰ ⵜⴻⴽⴽⴰ-ⴷ ⵙⴻⴳ « ⵍⵇⴻⵍⵍⴰ ⵏ ⵓⵙⵙⵉⵍⴻⵖ » ⵏ ⵢⵉⵅⴻⴷⴷⴰⵎⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵣⵣⴻⵍⴳⵉ-ⴰ ⴷⴻⴳ ⵓⵙⵙⴻⴷⴷⵓ ⵏ ⵍⴻⵃⵙⴰⴱⴰⵜ ⵜⴱⴰⵏ-ⴷ ⵍⴰⴷⵖⴰ ⵉⵎⵉ ⵓⵔⵍ ⵍⵉⵏ ⴰⵔⴰ ⵜⵜⵇⴰⴷⴰⵔⴻⵏ ⴰⴼⵎⵉⴹⵉ ⵏ ⵓⵎⵉⵀⵉ ⴰⵢ ⵜⵜⵇⴰⴷⴰⵔⴻⵏⵜ ⵜⴱⴰⵏⴽⵉⵡⵉⵏ ⵏⵉⴹⴻⵏ, ⵎⴻⵃⵙⵓⴱ ⴷ ⴰⴼⵎⵉⴹⵉ ⵏ 20% ⵙⴻⴳ ⵕⴰⵙⴻⵍⵎⴰⵍ ⵏ ⵜⴱⴰⵏⴽⴰ.

ⵜⵓⴼⴼⵖⴰ-ⴰ ⵉ ⵍⵇⴰⵏⵓⵏ ⵜⴻⵍⵍⴰ-ⴷ 16 ⵏ ⵜⵉⴽⴽⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⵏⵏⵉⴳ ⵡⴰⵢⴰ, ⴰⵎⴻⵜⵜⵀⵓⵎ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵍⴰ ⴷ ⴰⵙⵏⵓⵍⴼⵓ ⵏ ⵜⴻⴳⵔⴰⵡⵜ-ⴰ « ⵢⴻⴼⴼⴻⵖ ⵉ ⵍⵇⴰⵏⵓⵏ », ⴰⵛⴽⵓ ⵓⵔ ⵢⴻⵍⵍⵉ ⴰⵔⴰ « ⵡⵓⴷⴻⵎ ⵏ ⵍⴱⴰⵍ » ⵉ ⵓⵙⵏⵓⵍⴼⵓ-ⵏⵏⴻⵙ, ⵢⴻⵔⵏⴰ ⵍⵇⴰⵏⵓⵏ ⵓⵔ ⴷ-ⵢⴻⵙⵙⴻⴼⵔⴰ ⴰⵔⴰ ⴷ ⴰⵛⵓ ⵏ ⵓⵥⴰⵢⴻⵔ ⴰⵔⴰ ⵙⵄⵓⵏⵜ ⵜⴻⴳⵔⴰⵡⵉⵏ.

ⵎⴰ ⵢⴻⵍⵍⴰ ⴷ ⴰⵎⴻⵜⵜⵀⵓⵎ ⵙⴻⴽⵀⴰⵔⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⴷⴷⵓⵕ ⵏ ⵢⵉⵎⴷⴻⵇⵇⴻⵇ ⵏ ⵍⴻⵃⵙⴰⴱⴰⵜ ⴷ ⴰⵀⴻⵢⵢⵉ ⵏ ⵢⵉⵕⴰⴱⵓⵍⴻⵏ ⵉ ⵜⴱⴰⵏⴽⴰ ⵏ ⵍⴷⵣⴰⵢⴻⵔ, ⴷ ⴰⵙⵙⵓⴽⴽⵓ ⵏ ⵜⵉⵟ ⴷⴻⴳ ⵢⵉⵎⴰⵔⵓⴷⴻⵏ ⴷ ⵓⵙⵙⴻⵖⵜⵓ-ⵏⵙⴻⵏ. « ⵢⴻⵔⵏⴰ ⵛⵛⵖⴻⵍ-ⴰ ⵓⵔ ⵢⴻⵜⵜⵡⴰⵅⴷⴻⵎ ⴰⵔⴰ ⴷⴻⴳ ⵓⵙⴻⴳⴳⴰⵙ ⴰⵎⴻⵣⵡⴰⵔⵓ ⴰⵢ ⴷ-ⵉⴹⴻⴼⵔⴻⵏ ⴰⵙⵙⴻⴱⴷⴻⴷ ⵏ ⵜⴱⴰⵏⴽⴰ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ.

ⵎⵉ ⵜ-ⵢⴻⵜⵜⴻⵔ ⵢⵉⵎⵡⴻⴽⴽⴻⵍ ⴰⵎⴰⵜⵓ, ⵎⴰⵙⵙ ⵣⴻⵔⴳ ⴻⵔⵔⴰⵙ, ⵎⴰⵙⵙ ⵙⴻⴽⵀⴰⵔⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵄⴻⵢⵢⴻⵏ-ⴰⵙ ⵉ ⵢⵉⵎⴹⴻⴱⴱⴻⵔ ⵏ ⵜⴻⴳⵔⴰⵡⵜ ⵏ ⴽⵀⴰⵍⵉⴼⴰ ⴷⴰⴽⴽⴻⵏ ⵜⴻⵍⵍⴰ ⵜⵉⵣⵣⴻⵍⴳⵉ, ⵙⴰⴽⴽⵉⵏ « ⵜⴻⵜⵜⵡⴰⵙⵙⴻⵖⵜⴰ ⵛⵡⵉⵟ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉⵎⵉ ⴽⵔⴰ ⵏ ⵢⵉⵅⴻⴷⴷⴰⵎⴻⵏ ⵍⵍⴰⵏ ⵙⵙⴻⵃⴱⵉⴱⵉⵔⴻⵏ ⵖⴻⴼ ⵜⵎⴻⵔⵏⵉⵡⵜ ⵏ ⵓⵙⵡⵉⵔ-ⵏⵙⴻⵏ, ⵓⵔ ⴷ-ⵢⴻⵍⵍⵉ ⴰⵔⴰ ⵓⵙⵙⴻⵖⵜⵓ ⵓⵎⵎⵉⴷ.

« ⵍⴻⵎⵎⴻⵔ ⴷ ⴰⵢ ⵏⴻⵥⵔⵉ ⵜⴻⵍⵍⴰ ⵏⵏⴻⵢⵢⴰ ⵉ ⵜⵓⴼⴼⵔⴰ ⵏ ⵡⴰⵢⴰ, ⵜⵉⵍⵉ ⴰⴷ ⴷ-ⵏⵉⵏⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⵙⵉⵏ-ⴰ ⵏ ⵢⵉⵎⴻⵜⵜⵀⵓⵎⴻⵏ ⵏⵏⴰⵏ-ⴷ, ⵙⴻⴳ ⵜⴰⵎⴰ ⵏⵉⴹⴻⵏ, ⴷⴰⴽⴽⴻⵏ « ⵓⵔ ⵍⵍⵉⵏ ⴰⵔⴰ ⵥⵔⴰⵏ » ⴷⴰⴽⴽⴻⵏ ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⵅⴻⴱⴱⵔⴻⵏ ⵉⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ ⵖⴻⴼ ⵜⵉⵣⵣⴻⵍⴳⵉ-ⵏⵏⵉ ⴰⵢ ⴷ-ⵢⴻⵍⵍⴰⵏ.

ⵎⵉ ⵢⴻⵙⵙⵓⵜⴻⵔ ⴰⵡⴰⵍ, ⴰⴱⴷⴻⵍⵎⵧⵓⵎⴻⵏⴻ ⴽⵀⴰⵍⵉⴼⴰ ⵢⴻⵙⵙⴻⴼⵀⴻⵎ-ⴷ ⴷⴰⴽⴽⴻⵏ « ⵙ ⴽⵔⴰ ⵏ ⵓⵎⵉⵀⵉ ⴰⵢ ⵉⵣⴻⵎⵔⴻⵏ ⴰⴷ ⵉⴹⵓⵔⵔ ⵢⵉⵡⴻⵜ ⵙⴻⴳ ⵜⴽⴻⴱⴱⴰⵏⵉⵢⵉⵏ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵜⴻⴳⵔⴰⵡⵜ ⵏ ⴽⵀⴰⵍⵉⴼⴰ ⵢⴻⵣⵎⴻⵔ ⴰⴷ ⵉⴹⵓⵔⵔ ⵜⴰⵛⵔⴰⵡⵜ ⵏ ⵍⴻⵃⵙⴰⴱⴰⵜ ⵏ ⵜⴻⴳⵔⴰⵡⵜ-ⴰ ».

ⵙ ⵓⵊⴻⵎⵎⴰⵍ, 71 ⵏ ⵢⵉⵎⴻⵜⵜⵀⵓⵎⴻⵏ ⴰⵢ ⵍⴰ ⵢⴻⵜⵜⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴷⴻⴳ ⵜⴻⵎⵙⴰⵍⵜ-ⴰ, 21 ⵙⴻⴳ-ⵙⴻⵏ ⴰⵜⵏⵉ ⴷⴻⴳ ⵍⵃⴻⴱⵙ ⴷⴻⴳ ⵡⴰⴽⵓⴷ ⴰⵢⴷⴻⴳ ⵡⵉⵢⴰⴹ ⵍⴰ ⵜⵜⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴷ ⵉⵍⴻⵍⵍⵉⵢⴻⵏ. ⴰⵎⴻⵜⵜⵀⵓⵎ ⴰⴳⴻⵊⴷⴰⵏ ⴷⴻⴳ ⵜⴻⴳⵔⴰⵡⵜ-ⴰ ⵏⴻⵜⵜⴰ ⴷ ⴰⴱⴷⴻⵍⵎⵧⵓⵎⴻⵏⴻ ⵔⴰⴼⵉⴽ ⴽⵀⴰⵍⵉⴼⴰ, ⵢⴻⵔⵏⴰ ⴰⵜⵏⵉ ⴰⴽⴽ ⵍⴰ ⵜⵜⵄⴻⴷⴷⵉⵏ ⴷⴻⴳ ⵛⵛⵕⴻⵄ ⵉⵎⵉ ⴰⵢ ⵜⵜⵡⴰⵜⵜⴻⵀⵎⴻⵏ ⵙ « ⴰⵙⵙⴻⴱⴷⴻⴷ ⵏ ⵜⴷⵓⴽⵍⵉ ⵉ ⵓⵙⵙⴻⴼⵙⴻⴷ, ⴰⴽⴻⵍⵍⴻⵅ ⵙ ⵢⵉⴷⵔⵉⵎⴻⵏ, ⴰⴽⴻⵍⵍⴻⵅ ⵙ ⵍⴰⵎⴰⵏ, ⴰⵙⵙⴻⵇⴷⴻⵛ ⵏ ⵍⴻⴽⵡⴰⵖⴻⴹ ⵏ ⵜⴱⴰⵏⴽⴰ ⴷ ⵜⴻⴷⴱⴻⵍⵜ ⵏ ⵜⴽⴻⵍⵍⴰⵅ ⴷ ⵓⵙⵙⴻⴼⵍⴻⵙ ⵏ ⵜⴽⴻⵍⵍⴰⵅ ».

ⵎⴻⵏⵖⵉⵔ ⵉⵎⵛⴻⵜⴽⵉⵢⴻⵏ ⴷ ⵡⵉⴷ ⵢⴻⵏⴹⴻⵔⵔⴻⵏ, ⵓⴳⴰⵔ ⵏ 300 ⵏ ⵢⵉⵏⴰⴳⴰⵏ ⴰⵔⴰ ⴷ-ⵉⵛⴻⵀⴷⴻⵏ ⴷⴻⴳ ⵜⴻⵎⵙⴰⵍⵜ-ⴰ ⴰⵢⴷⴻⴳ ⴷ-ⵜⴻⵍⵍⴰ ⵜⵖⵉⵎⵉⵜ ⵜⴰⵎⴻⵣⵡⴰⵔⵓⵜ ⵏ ⵛⵛⵕⴻⵄ ⴷⴻⴳ 2007.