ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴰⵔⵉⵔⴻⵏ: ⴻⵙ ⵙⴹⵉⴼ ⴷ ⵎⵛ ⵍⵄⴻⵍⵎⴰ ⴰⴷ ⵓⵔⴰⵔⴻⵏⵜ ⴰⵃⵔⵉⵛ ⵏ ⵜⴻⴳⵔⴰⵡⵉⵏ ⵏ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ
ⵙⴹⵉⴼ – ⵉⵎⵉ ⵜⴰⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ (ⵛⴰⴼ) ⵓⵔ ⵜⴻⴽⴽⵉⵙ ⴰⵔⴰ ⵜⵉⵃⴻⵣⵣⵉⴱⵉⵏ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⴰⵔⵉⵔⴻⵏ ⵏ 8 ⵎⴰⵢⵓ 1945 ⴷⴻⴳ ⵙⴹⵉⴼ ⴷ ⵎⴻⵙⵙⴰⵧⵓⴷ-ⵣⴻⴳⵀⴰⵔ ⵏ ⵍⵄⴻⵍⵎⴰ, ⵜⵉⵖⵍⴰⵎⵉⵏ ⵏ ⵙⵏⴰⵜ-ⴰ ⵏ ⵜⴻⵎⴷⵉⵏⵉⵏ ⴰⴷ ⵓⵔⴰⵔⴻⵏⵜ ⵜⵉⵎⵍⵉⵍⵉⵢⵉⵏ-ⵏⵙⴻⵏⵜ ⵏ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵜⴰⵎⵙⴰⴷⵓⵔⵜ ⵏ ⵜⴽⵓⵔⵜ ⵏ ⵓⴹⴰⵔ, ⵎⴰⵀⴼⵧⵓⴷ ⴽⴻⵔⴱⴰⴷⵊ.
ⵎⴰⵙⵙ ⴽⴻⵔⴱⴰⴷⵊ ⵢⴻⵔⵣⴰ ⵢⴰⴳⵉ ⵖⴻⴼ ⵙⵉⵏ-ⴰ ⵏ ⵢⵉⵙⴰⵔⵉⵔⴻⵏ ⵖⴻⵔ ⵢⵉⴷⵉⵙ ⵏ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ, ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ, ⴷⵖⴰ ⵙ ⵡⴰⵢⴰ, ⵎⴰⵙⵙ ⴽⴻⵔⴱⴰⴷⵊ ⵢⴻⵏⵏⴰ-ⴷ, ⵙ ⵢⵉⵙⴻⵎ ⵏ ⵎⴰⵙⵙ ⵔⴰⵧⵓⵔⴰⵧⵓⴰ, ⴷⴰⴽⴽⴻⵏ ⴰⴷ ⵜⴻⵔⵣⵓ ⵜⵙⴻⵇⵇⴰⵎⵓⵜ ⵏⵉⴹⴻⵏ ⵖⴻⴼ ⵙⵉⵏ-ⴰ ⵏ ⵢⵉⵙⴰⵔⵉⵔⴻⵏ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴽⴽⴻⵏ ⴰⴷ ⵜⴻⵙⵙⴻⴼⵇⴻⴷ ⵎⴰ ⴳⴰⵏ ⴰⵢⴻⵏ ⵉⵡⴰⵜⴰⵏ ⴰⴽⴽⴻⵏ ⴰⴷ ⵜⵜⵡⴰⴽⴽⵙⴻⵏⵜ ⵜⵃⴻⵣⵣⵉⴱⵉⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ.
ⵉ ⵓⵙⵎⴻⴽⵜⵉ, ⵜⵉⵃⴻⵣⵣⵉⴱⵉⵏ-ⴰ ⵔⵣⴰⵏⵜ ⴱⴻⴹⴹⵓ ⵏ ⵜⴻⵅⵅⴰⵎⵉⵏ ⵏ ⵓⴱⴻⴷⴷⴻⵍ ⵏ ⵙⵏⴰⵜ ⵏ ⵜⴻⵖⵍⴰⵎⵉⵏ ⵜⵉⵅⵚⵉⵎⵉⵏ, ⴰⵙⵙⴻⴱⴷⴻⴷ ⵏ ⵢⵉⵍⵓⴳⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⵡⴰ ⴰⵔⴰ ⵉⴽⴻⵛⵎⴻⵏ ⵖⴻⵔ ⵜⴻⵅⵅⴰⵎⵜ ⵏ ⵜⵖⴻⵎⵙⴰ ⴷ ⵜⵚⴻⴷⴷⴰⵔⵜ ⵏ ⵢⵉⵙⴻⵖ ⴷ ⵢⵉⵏⴻⴽⵛⵓⵎⴻⵏ ⵏ ⵓⴳⴷⵓⴷ.
ⴷⵖⴰ, ⵖⴻⴼ ⵍⴻⵃⵙⴰⴱ ⵏ ⵓⵙⴻⵍⵡⴰⵢ ⵏ ⵜⴻⵎⵖⵏⵜ ⵜⴰⵎⵙⴰⴷⵓⵔⵜ ⵏ ⵜⴽⵓⵔⵜ ⵏ ⵓⴹⴰⵔ, ⵜⵉ ⵓⵔ ⵍⵍⵉⵏⵜ ⴰⵔⴰ ⴷ ⵜⵉⵃⴻⵣⵣⵉⴱⵉⵏ ⴰⵢ ⵉⵡⴻⵄⵕⴻⵏ ⵉ ⵜⵓⴽⴽⵙⴰ, ⵍⴰⴷⵖⴰ ⵉⵎⵉ ⵉⵎⴹⴻⴱⴱⵔⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵓⵎⴽⴰⵏ ⵕⴻⴳⴳⵎⴻⵏ ⴰⴽⴽⴻⵏ ⴰⴷ ⵚⴻⴳⴳⵎⴻⵏ ⵜⵉⵖⴰⵡⵙⵉⵡⵉⵏ-ⴰ ⴰⴽⴽⴻⵏ ⵉⵡⴰⵜⴰ ⴰⴽⴽⴻⵏ ⴰⴷ ⴷ-ⵙⵙⴻⵣⴳⴻⵏ ⵉⵙⴰⵔⵉⵔⴻⵏ-ⴰ ⵖⴻⵔ ⵛⵛⵓⵔⵓⴹ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ.
ⵜⴰⵎⴰⴳⵍⴰ ⴰⵢ ⴷ-ⵢⴻⴷⴷⴰⵏ ⴷ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ ⵢⴻⵍⵍⴰ ⴷⴻⴳ-ⵙ ⴷⴰⵖ, ⵎⴻⵏⵖⵉⵔ ⵎⴰⵙⵙ ⴽⴻⵔⴱⴰⴷⵊ, ⵎⴰⵙⵙ ⵔⴰⵛⵀⵉⴷ ⵎⴻⴷⵊⵉⴱⴰ, ⴰⵙⴻⵎⵢⴰⴷⴷⴰⵙ ⴷⴻⴳ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ ⴷ ⵎⴰⵙⵙ ⵡⴰⵍⵉⴷ ⵙⴰⴷⵉ, ⴰⵙⴻⵎⵢⴰⴷⴷⴰⵙ ⵏ ⵜⴻⵖⵍⴰⵎⵉⵏ ⵜⵉⵖⴻⵍⵏⴰⵡⵉⵏ.
