Asebter amenzawi

Isariren: ES Sḍif d MC Lɛelma ad urarent aḥric n tegrawin n Temɣunt n Yilɣuɣen deg Ldzayer Tamaneɣt

SḌIF – Imi Takunfidiṛalit tafriqit n tkurt n uḍar (CAF) ur tekkis ara tiḥezzibin-nnes deg wayen yerzan isariren n 8 Mayu 1945 deg Sḍif d Messaoud-Zeghar n Lɛelma, tiɣlamin n snat-a n temdinin ad urarent timliliyin-nsent n Temɣunt n Yilɣuɣen deg Ldzayer Tamaneɣt, ɣef wakken ay d-yenna ass n laṛebɛa uselway n Temɣunt tamsadurt n tkurt n uḍar, Mahfoud Kerbadj.

Mass Kerbadj yerza yagi ɣef sin-a n yisariren ɣer yidis n uselway n Tfidiṛalit tadzayrit n tkurt n uḍar, Mohamed Raouraoua, dɣa s waya, Mass Kerbadj yenna-d, s yisem n Mass Raouraoua, dakken ad terzu tseqqamut niḍen ɣef sin-a n yisariren deg wussan ay d-yetteddun akken ad tessefqed ma gan ayen iwatan akken ad ttwakksent tḥezzibin n Tkunfidiṛalit.

I usmekti, tiḥezzibin-a rzant beḍḍu n texxamin n ubeddel n snat n teɣlamin tixṣimin, assebded n yilugan deg wayen yerzan anwa ara ikecmen ɣer texxamt n tɣemsa d tṣeddart n yiseɣ d yinekcumen n ugdud.

Dɣa, ɣef leḥsab n uselway n Temɣnt tamsadurt n tkurt n uḍar, ti ur llint ara d tiḥezzibin ay iweɛṛen i tukksa, ladɣa imi imḍebbren ay terza temsalt deg umkan ṛeggmen akken ad ṣeggmen tiɣawsiwin-a akken iwata akken ad d-ssezgen isariren-a ɣer ccuruḍ n Tkunfidiṛalit tafriqit n tkurt n uḍar.

Tamagla ay d-yeddan d uselway n Tfidiṛalit tadzayrit n tkurt n uḍar yella deg-s daɣ, menɣir Mass Kerbadj, Mass Rachid Medjiba, asemyaddas deg Tkunfidiṛalit tafriqit n tkurt n uḍar d Mass Walid Sadi, asemyaddas n teɣlamin tiɣelnawin.