Asebter amenzawi
Tuḍḍfa n yimsettiyen d tehyufin deg Tlemsan, Jijel d Buṛj Badji Mokhtar
LDZAYER TAMANEƔT – Tigrawin n temsetla taɣelnawt yeqqnen ɣer uḥric n temhal n Tlemsan, Jijel d Buṛj Badji Mokhtar, ḍḍfen ass n ttlata imsettiyen, tihyufin d yifarisen niḍen ay llan tteddun ad ten-ssenzen beṛṛa i lqanun, ɣef wakken ay d-yenna ass n laṛebɛa uɣlif n temḍaddit taɣelnawt deg yiwen n ulɣu.
« Deg ukatar n uḥraz n tlisa d yimenɣi mgal ussetti d tejrimt yuddsen, iferdisen n Temsetla taɣelnawt yeqqnen ɣer uḥric n temhal n Tlemsan/Tamnaḍt taserdasit tis snat, ḍḍfen ass n ttlata 12 Mayu 2015, kraḍ (3) n yimsettiyen n tehyufin, takeṛṛust n tmerrit d ukamyun ay d-iɛebban 175 n yikilugṛamen n lkif yettwasekkren » , ɣef wakken ay d-yenna uɣlif n temḥaddit taɣelnawt.
« Seg yidis niḍen, iferdisen n tɛessast n yiri n lebḥeṛ n uḥric n temhal n Jijel/Tamnaḍt taserdasit tis 5, ḍḍfen 22 n yikilugṛamen n lkif yettwasekkren », ɣef wakken ay d-tenna teɣbalut-a. « Yiwet n tsensirt n yiserdasen yeqqnen ɣer uḥric n temhal n Buṛj Badji Mokhtar/Tamnaḍt taserdasit tis 6, teḍḍef 12 n yimsettiyen d snat n tkeṛṛusin tikanrarin, 13 n yimaḍḍafen n yimɣuzen, 4 n yisawalen n ufus, 1500 n yidinaṛen d 3000 n yifṛanken CFA », ɣef wakken ay d-yerna uɣlif n temḥaddit taɣelnawt.
