ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵅⴻⴷⵎⴻⵏ ⵜⴰⵖⵙⴻⵔⵜ ⴰⴽⴽⴻⵏ ⴰⴷ ⵇⵉⵙⵙⴻⵏ ⴰⵙⵡⵉⵔ ⵏ ⵓⵍⵓⵖⵓ ⵏ ⵓⴱⴻⵃⵔⵉ ⴷⴻⴳ ⵜⴱⴰⵜⴻⵏⵜ

ⵜⴰⴱⴰⵜⴻⵏⵜ– ⵀⴻⴳⴳⴰⵏ-ⴷ ⵢⵉⵡⴻⵏ ⵏ ⵓⵙⴻⵏⴼⴰⵔ ⵏ ⵜⴻⵖⵙⴻⵔⵜ ⵏ ⵓⵇⵉⵙⵙⵉ ⵏ ⵓⵙⵡⵉⵔ ⵏ ⵓⵍⵓⵖⵓ ⵏ ⵓⴱⴻⵃⵔⵉ ⵉ ⵜⴻⵎⴷⵉⵏⵜ ⵏ ⵜⴱⴰⵜⴻⵏⵜ ⵉ ⴷ-ⵏⵏⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵎⴻⵀⵍⴰ ⵏ ⵜⵡⴻⵏⵏⴰⴹⵜ. ⴰⴷ ⵙⴻⵔⵙⴻⵏ ⵜⵉⵎⴰⵛⵉⵏⵉⵏ ⵏ ⵓⵇⵉⵙⵙⵉ ⴷⴻⴳ ⴽⵓⵥ (4) ⵉⵎⴻⴹⵇⴰⵏ ⵢⴻⵎⵎⴻⵥⵍⴻⵏ ⵏⴻⵖ ⵢⴻⵎⵅⴰⵍⵍⴰⴼⴻⵏ ⵏ ⵜⴻⵎⴷⵉⵏⵜ ⵉ ⴷ-ⵀⴻⴳⴳⴰⵏ ⵙⴻⴷⴷⵉⵙ (6) ⵡⴰⴳⴳⵓⵔⴻⵏ ⴰⵢⴰ ⵙ ⵜⵉⴽⴽⵉⵏ ⴷⴻⴳ ⵕⵕⴰⵢ ⵏ ⵢⵉⵎⵓⵔⵔⴰⴳ. ⵜⵉⵡⴻⵜ ⴷⴻⴳ ⵚⴱⵉⵟⴰⵔ ⴰⵙⴷⴰⵡⴰⵏ, ⵜⴰⵢⴻⴹ ⴷⴻⴳ ⵜⴻⵙⴷⴰⵡⵉⵜ, ⵜⵉⵙ ⴽⵔⴰⴹ ⴷⴻⴳ ⵜⵏⴻⵣⴷⵓⵖⵉⵏ ⵏ ⴷⵧⵓⴰⵔ ⴷⵉⵙⵙ ⴷ ⵜⵣⴻⵇⵇⴰ ⵏ ⵜⴻⵎⵣⵉⴽⵏⵉⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵉ ⵓⵎⵉ ⵜⵜⵉⵏⵉⵏ ⴰⵙⵉⵀⴰⵔ, ⵉ ⴷ-ⵢⴻⵏⵏⴰ ⵓⵖⴻⵍⵍⴰ ⵏⴻⵖ ⵉⵎⴷⴻⴱⴱⴻⵔ ⵏ ⵜⵡⴻⵏⵏⴰⴹⵜ ⵏ ⵜⴻⵎⴷⵉⵏⵜ ⴷ ⵓⵎⴳⵓⵔⵉ ⵏ ⵜⵎⴻⵀⵍⴰ, ⴰⴱⴷⴻⵍⴽⴰⵔⵉⵎ ⴷⴰⵔⵏⵧⵓⵏⵉ. ⴰⴷ ⵜⴻⵔⵙ ⵜⵎⴰⵛⵉⵏⵜ ⵏ ⵓⵇⵉⵙⵙⵉ ⴷⴻⴳ ⵓⵅⵅⴰⵎ ⵏ ⵜⵡⴻⵏⵏⴰⴹⵜ ⵜⴰⵎⴰ ⵏ ⵜⵎⴻⵀⵍⴰ, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵎⴰⵙⴰⵢ-ⵏⵏⵉ. ⴰⴷ ⵢⴻⵙⵙⵉⵡⴻⴹ ⵓⵖⵍⵉⴼ ⵏ ⵜⵡⴻⵏⵏⴰⴹⵜ ⴰⵙⴻⵏⴼⴰⵔ-ⴰ, ⵢⴻⵔⵙⴻⵏ ⴷⴻⴳ ⵓⴽⴰⵜⴰⵔ ⵙⴰⵎⴰ ⵙⴰⴼⵉⴰ (ⵉⴳⴻⵏⵏⵉ ⵣⴻⴷⴷⵉⴳⴻⵏ), ⵖⴻⵔ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ. ⵜⴰⵖⵙⴻⵔⵜ ⵜⴰⵎⴰⵢⵏⵓⵜ ⴰⵔⴰ ⴷ-ⵔⵏⵓⵏ, ⵜⵉⵙ ⴽⵓⵥ (4) ⴷ ⵜⵉⵏ ⵀⴻⴳⴳⴰⵏ ⴷⴻⴳ ⴱⵓⵎⴻⵔⴷⴰⵙ, ⵜⵉⵣⵉ ⵡⴻⵣⵣⵓ ⴷ ⴵⴻⵍⴼⴰ, ⴰⴷ ⵔⵏⵓⵏⵜ ⵖⴻⵔ ⴽⵔⴰⴹ (3) ⵏⵏⵉⴹⴻⵏ, ⵜⵉⵏ ⵏ ⵜⵎⴰⵏⴰⵖⵜ, ⵡⴻⵀⵔⴰⵏ ⴷ ⵄⴻⵏⵏⴰⴱⴰ, ⵉ ⴷ-ⵜⴻⵏⵏⴰ ⴷⴰⵖⴻⵏ ⵜⴻⵖⴱⴰⵍⵓⵜ-ⵏⵏⵉ.