Asebter amenzawi

Ad xedmen taɣsert akken ad qissen aswir n uluɣu n ubeḥri deg Tbatent

TABATENT– Heggan-d yiwen n usenfar n teɣsert n uqissi n uswir n uluɣu n ubeḥri i temdint n Tbatent i d-nnan ass n lexmis deg tmehla n twennaḍt. Ad sersen timacinin n uqissi deg kuẓ (4) imeḍqan yemmeẓlen neɣ yemxallafen n temdint i d-heggan seddis (6) wagguren aya s tikkin deg ṛṛay n yimurrag. Tiwet deg ṣbiṭar asdawan, tayeḍ deg tesdawit, tis kraḍ deg tnezduɣin n Douar Diss d tzeqqa n temziknin deg tlemmast n temdint i umi ttinin Asihar, i d-yenna uɣella neɣ imdebber n twennaḍt n temdint d umguri n tmehla, Abdelkarim Darnouni. Ad ters tmacint n uqissi deg uxxam n twennaḍt tama n tmehla, i yerna yenna-d umasay-nni. Ad yessiweḍ uɣlif n twennaḍt asenfar-a, yersen deg ukatar Sama Safia (igenni zeddigen), ɣer tlemmast n temdint. Taɣsert tamaynut ara d-rnun, tis kuẓ (4) d tin heggan deg Bumerdas, Tizi Wezzu d Ǧelfa, ad rnunt ɣer kraḍ (3) nniḍen, tin n Tmanaɣt, Wehran d Ɛennaba, i d-tenna daɣen teɣbalut-nni.