ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⴽⵀⴰⵍⵉⴼⴰ: ⵉⴽⴰⵜⴰⵔⴻⵏ ⵏ ⵧⵒⴳⵉ ⵏⵏⴰⵏ-ⴷ ⵙⵙⴻⵔⵙⴻⵏ ⵉⴷⵔⵉⵎⴻⵏ ⴷⴻⴳ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⵙ ⵓⵇⴰⴷⴻⵔ ⵏ ⵍⴻⵄⵇⵓⴷⴰⵜ

ⵍⴻⴱⵍⵉⴷⴰ – ⵉⵎⴹⴻⴱⴱⵔⴻⵏ ⴷ ⵢⵉⴽⴰⵜⴰⵔⴻⵏ ⵏ ⵜⵏⴰⵔⵉⵜ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ (ⵧⵒⴳⵉ) ⵏ ⴽⵔⴰ ⵏ ⵜⵡⵉⵍⴰⵢⵉⵏ ⵏ ⵓⵜⴰⵔⴰⵎ (ⵍⵖⴻⵔⴱ) ⵏ ⵜⵎⵓⵔⵜ, ⵏⴻⴽⵕⴻⵏ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⴱⵍⵉⴷⴰ, ⵜⵜⴻⵀⵎⴰⵜ ⴰⵢⵢⴻⵙ ⵜⵜⵡⴰⵜⵜⴻⵀⵎⴻⵏ ⴷⴻⴳ ⵜⴻⵎⵙⴰⵍⵜ ⵏ ⴽⵀⴰⵍⵉⴼⴰ, ⵢⴻⵔⵏⴰ ⵏⵏⴰⵏ-ⴷ ⴷⴰⴽⴽⴻⵏ ⵉⴷⵔⵉⵎⴻⵏ ⴰⵢ ⵙⵙⴻⵔⵙⴻⵏ ⴷⴻⴳ ⵜⵏⴻⴳⴳⴰ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⴷⴻⴳ ⵡⴻⵀⵕⴰⵏ ⵙⵙⴻⵔⵙⴻⵏ-ⵜⴻⵏ ⵙ ⵓⵇⴰⴷⴻⵔ ⵏ ⵢⵉⵎⵜⴰⵡⴰⵢⴻⵏ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵢⵉⴷⵉⵙ-ⵏⵙⴻⵏ ⴷ ⵡⵉⵏ ⵏ ⵜⴱⴰⵏⴽⴰ-ⴰ.

ⵉⵏⴻⵎⵀⴰⵍⴻⵏ ⵏ ⵜⵏⴰⵔⵉⵜ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ ⴰⵢ ⵢⴻⵜⵜⵡⴰⵜⵜⴻⵀⵎⴻⵏ ⵙ ⵜⵊⴰⵄⴰⵍⵜ, ⴰⵙⵙⴻⵇⴷⴻⵛ ⵏ ⵜⵎⵓⵙⵙⵏⵉ ⵉ ⵓⵙⵙⴻⴼⵙⴻⴷ ⴷ ⵓⵙⴼⴰⵢⴷⵉ ⵙⴻⴳ ⵜⵖⴰⵡⵙⵉⵡⵉⵏ ⴰⵢⴷⴻⴳ ⵓⵔ ⵜⵜⴰⵍⴰⵙⴻⵏ ⴰⵔⴰ ⵉⵎⵉ ⴰⵢ ⵇⴻⴱⵍⴻⵏ ⴰⴷ ⵙⵙⴻⵔⵙⴻⵏ ⵉⴷⵔⵉⵎⴻⵏ ⴷⴻⴳ ⴽⵀⴰⵍⵉⴼⴰ ⴱⴰⵏⴽ, ⵏⴻⴽⵕⴻⵏ ⴰⵢⴻⵏ ⴰⵢⵢⴻⵙ ⵜⵜⵡⴰⵜⵜⴻⵀⵎⴻⵏ ⵢⴻⵔⵏⴰ ⵏⵏⴰⵏ-ⴷ ⴷⴰⴽⴽⴻⵏ « ⵙⵙⴻⵔⵙⴻⵏ ⵉⴷⵔⵉⵎⴻⵏ-ⴰ ⵙ ⵓⵇⴰⴷⴻⵔ ⵏ ⵢⵉⵎⵜⴰⵡⴰⵢⴻⵏ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵜⴽⴻⴱⴱⴰⵏⵉⵢⵉⵏ-ⵏⵙⴻⵏ ⴷ ⵜⴱⴰⵏⴽⴰ-ⴰ, ⵢⴻⵔⵏⴰ ⴽⵔⴰ ⵙⴻⴳ-ⵙⴻⵏ ⵇⴻⴱⵍⴻⵏ-ⴰⵙⴻⵏ ⵓⵍⴰ ⴷ ⵉⵙⴻⵇⵇⵓⵎⴰ-ⵏⵙⴻⵏ ⵏ ⵜⴻⴷⴱⴻⵍⵜ ».

ⴰⵖⴻⵍⵍⴰ ⴰⵇⴱⵓⵔ ⵏ ⵙⵙⴻⵔⴱⵉⵙ ⵏ ⵜⴻⴷⵔⵉⵎⵜ ⴷ ⵓⵎⴰⵔⵓⴷ ⵏ ⵜⵏⴰⵔⵉⵜ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ ⵏ Ɣⵉⵍⵉⵣⴰⵏ, ⴱⴻⵏⵛⴻⵜⵜⴰ ⴰⵍⵉ ⵜⴰⵢⴻⴱ, ⵢⴻⵏⵏⴰ-ⴷ ⵙⴷⴰⵜ ⵍⵇⴰⴹⵉ ⵎⴻⵏⵧⵓⴰⵔ ⴰⵏⵜⴰⵔ ⴷⴰⴽⴽⴻⵏ ⵢⴻⵙⵙⴻⵔⵙ 3 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴰⵏⵜⵉⵎⴻⵏ, ⵙ ⵓⵇⴰⴷⴻⵔ ⵏ ⵓⵎⵜⴰⵡⴰ ⴰⵢ ⵢⴻⵙⵜⴻⵏⵢⴰ ⵓⵏⴻⵎⵀⴰⵍ ⴰⵎⴰⵜⵓ, ⴱⴰⵛⵀⴰ ⵙⴰⵉⴷ, ⵢⴻⵔⵏⴰ ⵢⴻⵡⵡⵉ-ⵜⵜ-ⵉⴷ ⵖⴻⵔ ⵜⵉⴳⴳⴻⵜ ⵓⵏⴻⵎⵀⴰⵍ-ⵏⵏⴻⵙ ⵧⵓⴰⵉⵍ ⴰⴱⴷⴻⵍⵀⴰⵎⵉⴷ.

ⴰⵏⴻⴳⴳⴰⵔⵓ-ⴰ ⵢⴻⵔⵏⴰ-ⴷ ⴷⴻⴳ ⵡⴰⵡⴰⵍ ⵏ ⵓⵖⴻⵍⵍⴰ ⵏ ⵙⵙⴻⵔⴱⵉⵙ ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵏⴰⵔⵉⵜ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ ⵢⴻⵙⵙⴻⵔⵙ 80 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵎⴰ ⴷ ⵜⵉⴳⴳⴻⵜ ⵏ ⵓⵙⵎⴰⵍ ⴰⵚⵓⴽⴰⵏ ⵜⴻⵙⵙⴻⵔⵙ 30 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.

ⴰⵖⴻⵍⵍⴰ ⵏ ⵙⵙⴻⵔⴱⵉⵙ ⵏ ⵜⴻⴷⴱⴻⵍⵜ ⴷ ⵜⵙⵉⴹⴻⵏⵜ ⵏ ⵜⵏⴰⵔⵉⵜ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ ⵏ Ɣⵉⵍⵉⵣⴰⵏ, ⴱⴻⵔⴽⴰⵜ ⴱⴻⵏⴰⵛⵀⵉⵔ, ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷⴰⴽⴽⴻⵏ ⵢⴻⵙⵙⴻⵔⵙ 80 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵙ ⵓⵇⴰⴷⴻⵔ ⵏ ⵡⴰⵢⴻⵏ ⴰⵢ ⴷ-ⵢⴻⵏⵏⴰ ⵓⵎⵜⴰⵡⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵜⴽⴻⴱⴱⴰⵏⵉⵜ-ⵏⵏⴻⵙ ⴷ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⵎⵉ ⴷ-ⵢⴻⵔⵔⴰ ⵖⴻⴼ ⵜⵓⵜⵜⵔⴰ ⵏ ⵢⵉⵎⵡⴻⴽⴽⴻⵍ.

ⴰⵏⴻⵎⵀⴰⵍ ⴰⵇⴱⵓⵔ ⵏ ⵜⵏⴻⴳⴳⴰ ⵏ ⵡⴰⴽⴰⵍ ⵏ ⵄⵉⵏ ⵜⵉⵎⵓⵛⴻⵏⵜ ⵢⴻⵙⵙⴻⴼⵀⴻⵎ-ⴷ ⴷⴰⴽⴽⴻⵏ ⵢⴻⵙⵙⴻⵔⵙ ⵉⴷⵔⵉⵎⴻⵏ ⴷ ⵉⵃⵔⵉⵛⴻⵏ, ⵢⴻⵔⵏⴰ ⵢⴻⵊⴱⴻⴷ-ⴷ ⵉ ⵍⵎⴻⵏⴷ ⵏ ⵡⴰⵢⴰ ⴰⵣⴰⵍ ⵏ 100 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵙⴻⴳ ⵜⴱⴰⵏⴽⵉⵡⵉⵏ ⵏ ⴱⴷⵍ ⴷ ⵛⵒⴰ ⵙ ⵓⵇⴰⴷⴻⵔ ⵏ ⵓⵎⵜⴰⵡⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⵙ ⵕⵕⴰⵢ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ.

ⵜⴰⵙⴻⵍⵡⴰⵢⵜ-ⵜⴰⵏⴻⵎⵀⴰⵍⵜ ⵜⴰⵎⴰⵜⵓⵜ ⵜⴰⵇⴱⵓⵔⵜ ⵏ ⵜⴽⴻⴱⴱⴰⵏⵉⵜ ⵜⴰⵏⴰⴳⴷⵓⴷⵜ ⵏ ⵍⴻⴱⵏⵉ ⴰⵎⴻⵇⵔⴰⵏ ⴷⴻⴳ ⵡⴻⵀⵕⴰⵏ, ⴱⴻⵍⵀⴰⵛⵀⴻⵎⵉ ⴽⵀⴻⴷⵧⵓⵊⴰ, ⵜⴻⵏⵏⴰ-ⴷ ⴷⴰⴽⴽⴻⵏ ⵙⵙⴻⵔⵙⴻⵏ 229 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⵢⴻⵔⵏⴰ ⵙⵙⴻⴱⴱⴰ ⵏ ⵡⴰⵢⴰ ⵏⴻⵜⵜⴰ ⴷ ⵍⴼⴰⵢⴷⴰ-ⵏⵏⵉ ⵜⴰⵎⴻⵇⵔⴰⵏⵜ ⴰⵢ ⵜⴻⵍⵍⴰ ⵜⴻⵜⵜⴰⴽⴼ-ⵉⵜⵜ ⵜⴱⴰⵏⴽⴰ-ⴰ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏⵜ ⵜⴱⴰⵏⴽⵉⵡⵉⵏ ⵜⵉⵏⴰⴳⴷⵓⴷⵉⵏ « ⵅⵓⵚⵚⴻⵏⵜ » ⴷⴻⴳ ⵍⴻⵛⵖⴰⵍ-ⵏⵙⴻⵏⵜ.

ⴱⴻⵍⵀⴰⵛⵀⴻⵎⵉ ⵜⴻⵏⵏⴰ-ⴷ ⴷⴰⴽⴽⴻⵏ ⵜⴻⵙⵄⴰ ⵜⵉⵙⵓⴽⴰⵏ ⵏ ⵜⵏⴻⵖⵜⵓⵙⵉⵏ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⴰⵢ ⴰⵙ-ⵢⴻⵙⵙⵓⵜⵔⴻⵏ ⴰⴷ ⵜⴻⵙⵙⴻⵔⵙ ⵉⴷⵔⵉⵎⴻⵏ ⴰⵏⴷⴰ ⴰⵔⴰ ⴷ-ⴰⵡⵉⵏ ⵍⴼⴰⵢⴷⴰ ⵢⴻⵍⵀⴰⵏ. ⵎⵉ ⵜⵜ-ⵢⴻⵙⵙⴻⵇⵙⴰ ⵢⵉⵎⵡⴻⴽⴽⴻⵍ ⵖⴻⴼ ⴹⴹⵎⴰⵏⴰⵜ, ⵜⴻⵏⵏⴰ-ⴰ ⴷⴰⴽⴽⴻⵏ ⴹⴹⵎⴰⵏⴰ ⵏⴻⵜⵜⴰⵜ ⴷ ⴰⵇⴱⴰⵍ ⴰⵢ ⵜⴻⵇⴱⴻⵍ ⵜⴱⴰⵏⴽⴰ ⵜⴰⵍⴻⵎⵎⴰⵙⵜ ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ.

ⵉⵎⴻⵜⵜⵀⵓⵎⴻⵏ ⴰⵢ ⵉⴱⴻⴷⴷⴻⵏ ⵙⴷⴰⵜ ⵍⵇⴰⴹⵉ ⵏⴻⴽⵕⴻⵏ ⴰⴽⴽ ⴷⴰⴽⴽⴻⵏ ⵜⵜⵓⵏⴻⴼⴽⴻⵏ-ⴰⵙⴻⵏ ⵢⵉⴷⵔⵉⵎⴻⵏ ⵏⴻⵖ ⵙⴼⴰⵢⴷⵉⵏ-ⴷ ⵙⴻⴳ ⵜⴽⴰⵔⴹⵉⵡⵉⵏ ⵉ ⵓⵙⵙⵉⴽⴻⵍ ⴱⴰⵟⴻⵍ ⴷⴻⴳ ⴽⵀⴰⵍⵉⴼⴰ ⴰⵉⵔⵡⴰⵢⵙ, ⵢⴻⵔⵏⴰ ⴽⵔⴰ ⵙⴻⴳ-ⵙⴻⵏ ⵏⵏⴰⵏ-ⴷ ⴷⴰⴽⴽⴻⵏ ⵓⵍⴰ ⴷ ⵉⵙⵎⴰⵡⴻⵏ ⴰⵢ ⴷ-ⵢⴻⴷⴷⴰⵏ ⴷⴻⴳ ⵡⵓⵎⵓⵖⴻⵏ ⵏ ⵜⵏⴻⴳⴳⵉⵡⵉⵏ ⵏ ⴽⵀⴰⵍⵉⴼⴰ ⵎⴰⵛⵉ ⵏⵙⴻⵏ ⵢⴻⵔⵏⴰ ⵉⵎⴷⴰⵏⴻⵏ-ⴰ ⵓⵔ ⴰⵙⴻⵏ-ⵜⵜⵉⵍⵉⵏ ⴰⵔⴰ.

ⴷⴻⴳ ⵡⴰⵙⵙ ⵡⵉⵙ ⵜⵥⴰ (9) ⵏ ⵛⵛⵕⴻⵄ ⵏ ⴽⵀⴰⵍⵉⴼⴰ, 10 ⵏ ⵢⵉⵎⴻⵜⵜⵀⵓⵎⴻⵏ ⴰⵢ ⵉⴱⴻⴷⴷⴻⵏ ⵙⴷⴰⵜ ⵍⵇⴰⴹⵉ, ⵢⴻⵔⵏⴰ ⵛⵛⵕⴻⵄ-ⴰ ⴰⴷ ⵉⴽⴻⵎⵎⴻⵍ ⴰⵙⵙ ⵏ ⵙⵙⴻⴱⵜ.

ⵙ ⵓⵊⴻⵎⵎⴰⵍ, 71 ⵏ ⵢⵉⵎⴻⵜⵜⵀⵓⵎⴻⵏ (ⵙⴷⴻⴼⴼⵉⵔ ⵎⴰ ⵎⵎⵓⵜⴻⵏ 5 ⵏⵉⴹⴻⵏ) ⴰⵢ ⵍⴰ ⵢⴻⵜⵜⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴷⴻⴳ ⵜⴻⵎⵙⴰⵍⵜ-ⴰ, 21 ⵙⴻⴳ-ⵙⴻⵏ ⴰⵜⵏⵉ ⴷⴻⴳ ⵍⵃⴻⴱⵙ ⴷⴻⴳ ⵡⴰⴽⵓⴷ ⴰⵢⴷⴻⴳ ⵡⵉⵢⴰⴹ ⵍⴰ ⵜⵜⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴷ ⵉⵍⴻⵍⵍⵉⵢⴻⵏ.

ⵎⴻⵏⵖⵉⵔ ⵉⵎⵛⴻⵜⴽⵉⵢⴻⵏ ⴷ ⵡⵉⴷ ⵢⴻⵏⴹⴻⵔⵔⴻⵏ, ⵓⴳⴰⵔ ⵏ 300 ⵏ ⵢⵉⵏⴰⴳⴰⵏ ⴰⵔⴰ ⴷ-ⵉⵛⴻⵀⴷⴻⵏ ⴷⴻⴳ ⵜⴻⵎⵙⴰⵍⵜ-ⴰ.