ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ: ⴰⵚⴻⴳⴳⴻⵎ ⵏ ⵓⵃⵔⵉⵛ ⴳⴰⵔ ⵜⵍⴻⵎⵙⴰⵏ ⴷ ⵡⴻⵀⵕⴰⵏ ⴰⴷ ⵉⴼⴰⴽ ⴷⴻⴳ ⵢⵓⵍⵢⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ, ⴰⴱⴷⴻⵍⴽⴰⴷⴻⵔ ⴽⴰⴷⵉ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⵉⵎⵓⵀⴰⵍ ⵏ ⵓⵚⴻⴳⴳⴻⵎ ⵏ ⵓⵃⵔⵉⵛ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ ⴳⴰⵔ ⵜⵍⴻⵎⵙⴰⵏ ⴷ ⵡⴻⵀⵕⴰⵏ ⴰⴷ ⴼⴰⴽⴻⵏ ⴷⴻⴳ ⵜⴳⴰⵔⴰ ⵏ ⵢⵓⵍⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ.

ⵍⴻⴱⵏⵉ ⵏ ⵓⵃⵔⵉⵛ-ⴰ ⵉⵄⴻⴹⴹⴻⵍ ⵖⴻⴼ ⵍⵊⴰⵍ ⵏ ⵡⴰⵟⴰⵙ ⵏ ⵡⵓⴳⵓⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⴰⴷⵉ ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⴰⵢ ⴷ-ⵢⴻⵍⵍⴰⵏ ⵉ ⵜⵓⵜⵜⵔⵉⵡⵉⵏ ⵙ ⵡⴰⵡⴰⵍ ⴷⴻⴳ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴷ ⵜⴰⴳⵔⴰⵡⵜ ⵜⴰⵛⵉⵏⵡⴰⵜⵜ ⵛⵉⵜⵉⵛ-ⵛⵔⵛⵛ ⴰⵢ ⴷ-ⵢⴻⵍⵀⴰⵏ ⴷ ⵍⴻⴱⵏⵉ ⵏ ⵓⵃⵔⵉⵛ-ⴰ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜ-ⵜⵚⴻⴳⴳⴻⵎ.

ⵉⵎⵓⵀⴰⵍ ⵏ ⵓⵚⴻⴳⴳⴻⵎ ⵏ ⵢⵉⵃⵔⵉⵛⴻⵏ ⵏ ⵄⵉⵏ ⴷⴷⴻⴼⵍⴰ, ⵜⵍⴻⵎⵙⴰⵏ, ⵙⵉⴷⵉ ⴱⴻⵍⵄⴻⴱⴱⴰⵙ, ⵎⵄⴻⵙⴽⴻⵕ, Ɣⵉⵍⵉⵣⴰⵏ ⴷ ⵡⴰⴷⴰⴼ ⵏ ⵜⵡⵉⵍⴰⵢⵜ ⵏ ⵡⴻⵀⵕⴰⵏ ⵜⵜⵓⵏⴻⴼⴽⴻⵏ ⴷⴰⵖ ⵉ ⵜⴻⴳⵔⴰⵡⵜ-ⴰ ⵜⴰⵛⵉⵏⵡⴰⵜⵜ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴼⵓⴽⴻⵏ ⵢⵉⵎⵓⵀⴰⵍ (ⵉⵅⴻⴷⴷⵉⵎⴻⵏ) ⴷⴻⴳ Ɣⵉⵍⵉⵣⴰⵏ ⴷ ⵎⵄⴻⵙⴽⴻⵕ, ⵎⴰ ⴷ ⵡⵉⴷ ⵏ ⵡⴻⵀⵕⴰⵏ, ⵄⵉⵏ ⴷⴷⴻⴼⵍⴰ, ⵙⵉⴷⵉ ⴱⴻⵍⵄⴻⴱⴱⴰⵙ ⴷ ⵜⵍⴻⵎⵙⴰⵏ ⵎⴰⵣⴰⵍ ⵍⴰ ⵜⵜⴽⴻⵎⵎⵉⵍⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵢⵢⴻⵅ ⵏ ⵡⴰⴽⴰⵍ ⴷⴻⴳ ⴽⵔⴰ ⵏ ⵢⵉⵃⵔⵉⵛⴻⵏ ⵏ ⵓⴱⵔⵉⴷ ⴰⵎⴰⵣⵣⴰⵍ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴻⴱⴷⴰ-ⴷ ⵢⵉⵡⴻⵜ ⵏ ⵜⴻⵣⵔⴰⵡⵜ ⴰⵔⴰ ⵢⴻⵇⵇⵉⵎⴻⵏ ⴰⵙⴻⴳⴳⴰⵙ ⴷ ⵓⵣⴳⴻⵏ ⵉ ⵍⵎⴻⵏⴷ ⵏ ⵓⵏⴰⴷⵉ ⵖⴻⴼ ⵢⵉⵎⵓⴽⴰⵏ ⴰⵢⴷⴻⴳ ⵢⴻⵣⵎⴻⵔ ⴰⴷ ⵉⵙⴻⵢⵢⴻⵅ ⵡⴰⴽⴰⵍ ⴷⴻⴳ ⵜⵎⵓⵔⵜ.

ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵡⵓⴳⵓⵔⴻⵏ ⵢⴻⵍⵍⴰⵏ ⴷⴻⴳ ⴽⵔⴰ ⵏ ⵢⵉⵃⵔⵉⵛⴻⵏ ⵏ ⵢⵉⴱⵔⵉⴷⴻⵏ ⵉⵖⴻⵍⵏⴰⵡⴻⵏ ⴷⴻⴳ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ, ⴰⵏⴻⵖⵍⴰⴼ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵣⵔⴰⵡⵜ ⴰⵢ ⵢⴻⵔⵣⴰⵏ ⴰⴱⵔⵉⴷ ⵢⴻⵇⵇⵏⴻⵏ ⴰⴱⵔⵉⴷ ⴰⵖⴻⵍⵏⴰⵡ 3 ⵖⴻⵔ ⵓⴱⵔⵉⴷ ⴰⵖⴻⵍⵏⴰⵡ 48ⴰ ⵍⴰ ⵜⴻⵜⵜⴽⴻⵎⵎⵉⵍ ⵢⴻⵔⵏⴰ ⵍⴰ ⴷ-ⵢⴻⵜⵜⵉⵍⵉ ⵓⵇⴻⵢⵢⴻⵎ-ⵏⵏⴻⵙ.

ⴰⴽⴰⵔⴰⵎ ⵢⴻⵇⵇⵏⴻⵏ ⵖⴻⵔ ⵜⴻⵎⴰⵍⵜ-ⴰ ⵢⴻⵜⵜⵓⵏⴻⴼⴽ ⵉ ⵛⵛⵕⴻⵄ ⵢⴻⵔⵏⴰ ⵍⴰ ⵜⵜⵕⴰⵊⵓⵏ ⴷ ⴰⵛⵓ ⴰⵔⴰ ⴷ-ⵢⴻⵜⵜⵡⴰⵃⴻⴽⵎⴻⵏ ⵖⴻⴼ ⵜⴽⴻⴱⴱⴰⵏⵉⵜ ⴰⵢ ⵢⴻⴱⵏⴰⵏ ⴰⴱⵔⵉⴷ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⴽⴽ ⵜⵉⴳⵏⴰⵜⵉⵏ ⵉⵡⴰⵜⴰⵏ ⵡⴻⵊⴷⴻⵏⵜ-ⴷ ⴰⴽⴽⴻⵏ ⴰⴷ ⴱⴷⵓⵏ ⴰⵙⵙⴻⵇⵄⴻⴷ ⵏ ⵓⴱⵔⵉⴷ-ⴰ ⵎⵉ ⴰⵔⴰ ⴷ-ⵢⴻⵃⴽⴻⵎ ⵛⵛⵕⴻⵄ ⵖⴻⴼ ⵜⴻⵎⵙⴰⵍⵜ-ⴰ, ⵢⴻⵔⵏⴰ ⵓⵍⴰ ⵎⴰ ⵉⵄⴻⴹⴹⴻⵍ ⵍⴻⴱⵏⵉ ⵏ ⵜⵍⴻⴳⴳⵉⵜ (ⵜⵉⵇⴻⵏⵟⴻⵔⵜ) ⵏ ⵓⵙⴻⵏⴼⴰⵔ-ⴰ ⴰⵢ ⵙⵙⴻⴼⵔⴰⵏ ⴷⴻⴳ 2006, ⴰⵄⴻⴹⴹⴻⵍ-ⴰ ⴰⴷ ⴷ-ⵢⴻⵜⵜⵡⴰⵇⴹⴻⵄ ⴷⴻⴳ ⵢⵓⵍⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵢⴻⵔⵣⴰⵏ ⴰⴱⵔⵉⴷ ⴰⵖⴻⵍⵏⴰⵡ 41 ⴷⴻⴳ ⵜⵡⵉⵍⴰⵢⵜ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴷ ⵉⴷⵓⴷⴰⵏⴻⵏ (ⵏ ⵓⴱⵔⵉⴷ) ⴰⵢ ⴷ ⵙⵙⴻⴱⴱⴰ ⵏ ⵓⵅⵚⴰⵔ ⵏ ⵓⴱⵔⵉⴷ-ⴰ, ⵓⵍⴰ ⵎⴰ ⵜⵜⵡⴰⵎⴻⵏⵄⴻⵏ ⴰⴷ ⵜⴻⵏ-ⵅⴻⴷⵎⴻⵏ ⴷⵉⵏ. ⵏⵏⵉⴳ ⵡⴰⵢⴰ, ⵓⵍⴰ ⴷ ⵉⴽⴰⵎⵢⵓⵏⴻⵏ ⴰⵢ ⴷ-ⵢⴻⵜⵜⵄⴻⴱⴱⵉⵏ ⵏⵏⵉⴳ ⵜⴻⵣⵎⴻⵔⵜ-ⵏⵙⴻⵏ ⵜⵜⴻⴽⴽⴰⵏ ⴷⴻⴳ ⵡⴰⵢⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵖⵍⵉⴼ ⵉⵄⴻⵢⵢⴻⵏ-ⴰⵙⴻⵏ ⵉ ⵢⵉⵡⴰⵍⵉⵢⴻⵏ, ⵛⵛⵉⴼⴰⵏ ⵏ ⴷⴷⴰⵢⵕⴰⵜ ⴷ ⵍⵎⵉⵔⴰⵜ ⵖⴻⴼ ⵜⴻⵎⵙⴰⵍⵜ-ⴰ ⴷⴻⴳ ⵡⴰⴽⴽ ⵜⵉⵎⵉⵡⴰ ⵏ ⵜⵎⵓⵔⵜ.

ⵎⴰ ⴷⴻⴳ ⵡⴰⵢⴻⵏ ⵢⴻⵇⵇⵏⴻⵏ ⵙ ⴰⴱⵔⵉⴷ ⴰⵖⴻⵍⵏⴰⵡ 48ⴰ, ⵎⴰⵙⵙ ⴽⴰⴷⵉ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴷ ⵢⴻⴱⴷⵓ ⵓⵙⵙⴻⵇⵄⴻⴷ ⵏ ⵙⵉⵏ ⵏ ⵢⵉⴱⵔⵉⴷⴻⵏ ⴰⵔⴰ ⴰⵙ-ⴷ-ⵢⴻⵙⵙⴻⵎⵃⵉⵍⵍⵇⴻⵏ, ⵢⴻⵔⵏⴰ ⵜⴰⵣⵔⴰⵡⵜ ⵏ ⵙⵉⵏ-ⴰ ⵏ ⵢⵉⴱⵔⵉⴷⴻⵏ ⴰⴷ ⴷ-ⵜⴻⵡⵊⴻⴷ ⴷⴻⴳ ⵜⴳⴰⵔⴰ ⵏ 2015.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵉⵀⵔⴻⵡ ⵏ ⵓⴱⵔⵉⴷ ⵡⵉⵙ 3 ⵏ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ, ⵜⴼⵓⴽ ⵜⴻⵣⵔⴰⵡⵜ-ⵏⵏⴻⵙ ⵙ 50% ⵢⴻⵔⵏⴰ ⵍⴻⴱⵏⵉ-ⵏⵏⴻⵙ ⴰⴷ ⴷ-ⵢⵉⵍⵉ ⴷⴻⴳ ⵜⴻⵣⵔⴰⵡⵔⴰ ⵏ 2016.

ⴰⴱⴷⴻⵍⴽⴰⴷⴻⵔ ⴽⴰⴷⵉ ⵢⴻⵜⵜⵡⴰⵙⴻⵎⵎⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷ ⴰⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ ⴷ ⵓⵙⵏⴻⵔⵏⵉ ⵏ ⵜⵎⵓⵔⵜ ⴷⴻⴳ ⵓⵇⴰⵍⴻⴱ ⵏ ⵓⴱⴻⴷⴷⴻⵍ ⵏ ⵢⵉⵏⴻⵖⵍⴰⴼⴻⵏ ⴰⵢ ⵉⴳⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.