Asebter amenzawi

Anabaḍ yefka ttesriḥ i lebni n 35.000 n tnezduɣin n AADL

LezZAYER TAMANEƔT – Anabaḍ yeqbel yiwen n wahil i lebni n 35.500 n tnezduɣin n ṣṣenf n lekra-assenzi n Tnegga taɣelnawt i usselhu d tneflit n tnezduɣt (AADL) akken ad ifak isenfaren n Tnegga-a deg wakud iwatan, ɣef wakken ay d-nettwaxebber ass n lexmis sɣur uɣlif n tnezduɣt, asseqɛed n temdint.

Ɣef leḥsab n uɣlif-a, « Aseqqamu n Unabaḍ yemsegraw ass n laṛebɛa 13 Mayu, yerna yeqbel leɛqudat s umsefham i lmend n lebni n 35.500 n tnezduɣin n wahil ay yettwawekklen i AADL ».

Leɛqudat-a udfen, ɣef leḥsab n teɣbalut-a, deg uqaleb n ussefɛel n wahilen n AADL i lebni n 230.000 n tnezduɣin seg ujemmal n 630.000 ara yettwabnun deg wahil n semmus (5) n yiseggasen ay la d-yettilin imir-a.

Dɣa yettwaddem uḥezzib-a i lmend n usseɛjel n ussefɛel n wahil n AADL akken ad d-yejwed deg wakud.