ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴽⵓⵔⵜ ⵜⴰⵎⴰⴼⴰⴳⵜ/ⵓⵔⴰⵔⴻⵏ ⵉⴼⵔⵉⵇⵉⵢⴻⵏ: ⵍⴷⵣⴰⵢⴻⵔ ⵜⴻⵔⴱⴻⵃ ⵜⵉⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⴷ ⵜⵓⵏⴻⵙ

ⵍⴱⵓⵕⵊ ⴱⵓⵄⵕⵉⵕⵉⵊ – ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵢⵉⵎⴻⵇⵔⴰⵏⴻⵏ (ⵜⵉⵍⴰⵡⵉⵏ) ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵜⴻⵔⴱⴻⵃ, ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ, ⵜⵉⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⴷ ⵜⵓⵏⴻⵙ ⴷⴻⴳ ⵜⵣⴻⵖⵖⴰ ⵜⴰⴳⵜⴰⴷⴷⴰⵍⵜ ⵏ ⴱⵧⵓⴱⴰⵉⴰ ⵙⴰⴰⴷ, ⴷⴻⴳ ⵍⴱⵓⵕⵊ ⴱⵓⵄⵕⵉⵕⵉⵊ, ⵙ ⵓⴳⵎⵓⴹ ⵏ 3 ⵏ ⵢⵉⵃⵔⵉⵛⴻⵏ ⵖⴻⵔ 2.

ⵜⵉⵎⵍⵉⵍⵉⵜ-ⴰ ⴷ ⴰⵃⵔⵉⵛ ⵙⴻⴳ ⵜⴻⵍⵖⵓⵖⴰ ⵏ ⵓⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵉⴼⵔⵉⵇⵉⵢⴻⵏ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵡⴻⵏ ⵏ ⵣⵣⵀⵓ ⴷ ⴰⵎⴻⵇⵔⴰⵏ ⴰⵢⴷⴻⴳ ⵃⴻⴷⵕⴻⵏ ⴰⵟⴰⵙ ⵏ ⵍⵖⴰⵛⵉ. ⵙⵉⵏ ⵏ ⵢⵉⵃⵔⵉⵛⴻⵏ ⵉⵎⴻⵣⵡⵓⵔⴰ ⵏ ⵜⴻⵎⵍⵉⵍⵉⵜ-ⴰ ⵜⴻⵔⴱⴻⵃ-ⵉⵜⴻⵏ ⵜⴻⵖⵍⴰⵎⵜ ⵜⴰⵜⵓⵏⵙⵉⵜ ⵙ 28 ⵖⴻⵔ 26 ⴷ 25 ⵖⴻⵔ 23. ⵙⴰⴽⴽⵉⵏ, ⴷ ⵜⵉⴷⵣⴰⵢⵔⵉⵢⵉⵏ ⴰⵢ ⴷ-ⵢⴻⵣⵣⵉⵏ ⵖⴻⴼ ⵜⵜⵓⵏⵙⵉⵢⵉⵏ ⵙ 28 ⵖⴻⵔ 26, ⵙⴰⴽⴽⵉⵏ 25 ⵖⴻⵔ 23. ⴷⴻⴳ ⵜⴳⴰⵔⴰ, ⵢⴻⵔⵏⴰ ⵙ ⵓⵙⵙⴻⴱⵖⴻⵙ ⵏ ⵍⵖⴰⵛⵉ ⴰⵢ ⴷ-ⵢⵓⵙⴰⵏ ⴰⴷ ⴼⴻⵕⵕⵊⴻⵏ, ⵙⵙⴰⵡⴹⴻⵏⵜ ⵜⴷⵣⴰⵢⵔⵉⵢⵉⵏ ⴰⴷ ⵔⴻⴱⵃⴻⵏⵜ ⵙⵉⵏ-ⵏⵏⵉ ⵏ ⵢⵉⵃⵔⵉⵛⴻⵏ ⴰⵢ ⴷ-ⵉⴹⴻⴼⵔⴻⵏ ⵙ 24 ⵖⴻⵔ 23 ⴷ 25 ⴷ 16, ⴰⵎ ⵡⴰⴽⴽⴻⵏ ⴰⵢ ⵔⴻⴱⵃⴻⵏⵜ ⴰⵏⴻⴳⴳⴰⵔⵓ ⵙ 15 ⵖⴻⵔ 10.

ⴷ ⴰⵛⵓ ⴽⴰⵏ, ⴰⵔⵎⴰ ⴷ ⵜⵉⵎⵍⵉⵍⵉⵜ ⵜⵉⵙ ⵙⵏⴰⵜ ⴰⵔⴰ ⴷ-ⵜⴱⴰⵏ ⴰⵏⵜⴰ ⴰⵢ ⴷ ⵜⴰⵖⵍⴰⵎⵜ ⴰⵔⴰ ⵉⵄⴻⴷⴷⵉⵏ, ⵢⴻⵔⵏⴰ ⵜⵉⵎⵍⵉⵍⵉⵜ-ⴰ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵜⵣⴻⵖⵖⴰ-ⴰ ⵏ ⵍⴱⵓⵕⵊ ⴱⵓⵄⵕⵉⵕⵉⵊ ⵖⴻⴼ 5ⵙ00 ⵏ ⵜⵎⴻⴷⴷⵉⵜ.

ⵜⴰⵍⵖⵓⵖⴰ-ⴰ ⵏ ⵓⵄⴻⴷⴷⵉ ⵏ ⵡⴰⵙⵓⵏ 1 ⵏ ⵡⵓⵔⴰⵔⴻⵏ ⵉⴼⵔⵉⵇⵉⵢⴻⵏ ⴰⵢ ⵍⴰ ⵙⵙⴻⴼⵔⴰⵢⴻⵏ ⴰⴷ ⴷ-ⵜⵉⵍⵉ ⴷⴻⴳ ⴽⵓⵏⴳⵓ-ⴱⵔⴰⵣⵣⴰⵠⵉⵍⵍⴻ ⴷⴻⴳ ⵛⵜⴻⵎⴱⴻⵕ, ⴷ ⵍⴷⵣⴰⵢⴻⵔ ⴽⴰⵏ ⴷ ⵜⵓⵏⴻⵙ ⴰⵔⴰ ⵢⵓⵔⴰⵔⴻⵏ ⴷⴻⴳ-ⵙ ⵉⵎⵉ ⴰⵢ ⵊⴻⴱⴷⴻⵏⵜ ⵉⵎⴰⵏ-ⵏⵙⴻⵏⵜ ⵎⴻⵕⵕⵓⴽ ⴷ ⵍⵉⴱⵢⴰ.